Góð ráð fyrir heilnæmt inniloft
Flestir verja megninu af tíma sínum innandyra og eru því gæði innilofts mikilvæg. Í innilofti geta verið mengandi efni í sem hafa slæm áhrif á heilsu.
Vísbendingar um óheilnæmt inniloft geta til að mynda verið tíðar öndunarfærasýkingar íbúa, þungt loft, mygluvöxtur, saggalykt eða önnur langvarandi lykt og móða eða hélun á rúðum.
Hér eru nokkur góð ráð til að halda góðu innilofti:
- Lofta í gegnum rými tvisvar á dag, í u.þ.b. 10 mínútur í senn
- Loftræsa vel þar sem föt eru þurrkuð
- Banna reykingar innandyra
- Þrífa og þurrka reglulega af
- Koma strax í veg fyrir hvers konar vatnsleka og fjarlægja rakaskemmd byggingarefni
- Nota ofnæmisprófaðar rúmdýnur, sængur og kodda
- Lofta vel um þegar framkvæmdir eru gerðar
- Forðast að kaupa hreinsiefni eða aðrar efnavörur sem innihalda mikil ilmefni, eiturefni eða rokgjörn efni.
- Tryggja að ofnar/hitun húsnæðis sé í lagi.
Sterk fylgni er á milli örverumengunar (s.s. bakteríu- og sveppavöxts) og öndunarfærasjúkdóma, ofnæmis, astma og viðbragða frá ónæmiskerfinu.