Landsbyggðarlán til einstaklinga eru veitt til byggingar á hagkvæmu húsnæði á svæðum þar sem erfitt er að fá fjármögnun eða vaxtakjör eru mun hærri en á öðrum landssvæðum.

Með þessum lánum vill HMS koma til móts við misvægi sem er á milli byggingarkostnaðar og markaðsverðs á hluta landsins og tryggja þar aðgang að lánum líkt og á virkari svæðum.

Hægt er að sækja um landsbyggðarlán þegar áætlaður byggingarkostnaður liggur fyrir. Heimilt er að fá landsbyggðarlán greidd út eftir framvindu á framkvæmdatíma, að uppfylltum ákveðnum skilyrðum.