Skilmálabreytingar

Heimilt er að færa veðlán Húsnæðis- og mannvirkjastofnunar af eign sem verið er að selja yfir á aðra eign í eigu seljanda en almenna reglan er að lánið þarf að vera innan við 80% af veðrými hinnar nýju eignar og að nýtt veð sé að minnsta kosti jafn gott eða betra en hið eldra. Krafa er að lán flytjist á 1. veðrétt.

Nauðsynleg fylgigögn umsóknar: 

Umsókn skal berast í tölvupósti á netfangið logadilalan@hms.is ásamt nauðsynlegum fylgigögnum.

Heimilt er að yfirtaka eldri leiguíbúðalán Húsnæðis- og mannvirkjastofnunar nema ef    um félagslega eignaríbúð er að ræða.

Yfirtaka á eldri lánum Húsnæðis- og mannvirkjastofnunar er oft hagstæður kostur, einkum ef kjör þeirra eru góð og liðið er á lánstímann. Þá getur verið hagkvæmt að yfirtaka eldri lán og taka nýtt lán til viðbótar.  Ekki þarf að greiða lántökugjöld við yfirtöku. Ef eingöngu eru yfirtekin lán, en ekki óskað eftir nýju láni, er ekki gerð krafa um að lánin rúmist innan ákveðins veðhlutfalls.

Ef verið er að yfirtaka lán og taka nýtt lán jafnframt þá þarf samanlögð lánsfjárhæð að rúmast innan gildandi veðhlutfalls hverju sinni.

Skilyrði fyrir yfirtökunni eru mismunandi eftir því hvaða lán eru yfirtekin. Gagnaskil eru mismunandi eftir á hvaða reglugerð lánveiting byggir. 

Hafðu samband við okkur logadilalan@hms.is og sérfræðingar HMS munu svara eins fljótt og hægt er. Þá verður kallað eftir þeim gögnum sem þarf til að meta málið hverju sinni