Mannvirkjastofnun vekur athygli á innköllun VÍS á hleðslubönkum merktum fyrirtækinu, vegna mögulegrar hættu sem af þeim getur stafað. VÍS hefur afhent þessa hleðslubanka sem gjafir, aðallega í fyrirtækjaheimsóknum, á árunum 2016 til 2019.

Rafföng: Hleðslubankar.

Framleiðandi/Vörumerki: Hleðslubankarnir eru merktir VÍS.

Hætta: Áverka- og brunahætta. Hleðslubankarnir geta bólgnað upp og mögulega „sprungið“. Vitað er um tvö tilfelli hér á landi þar sem hleðslubankar af þessari gerð hafa bólgnað upp.

Þekktir söluaðilar á Íslandi: VÍS hefur afhent þessa hleðslubanka sem gjafir, aðallega í fyrirtækjaheimsóknum.

Sölutímabil: Á árunum 2016 til 2019.

Mannvirkjastofnun beinir því til allra eigenda og umráðamanna hleðslubanka eins og hér um ræðir að hætta notkun þeirra þegar í stað. Sjá nánar fréttatilkynningu VÍS