Nú fer í hönd sá tími sem gestir á tjaldsvæðum eru hvað flestir. Með mikilli fjölgun rafbíla og tengiltvinnbíla fjölgar einnig eigendum slíkra bíla á tjaldsvæðum og einhverjir þeirra munu eflaust hugsa sér að hlaða bíla sína þar. Af þessu tilefni vill HMS vekja athygli eigenda og rekstraraðila tjaldsvæða á að sérstaka aðgát þarf að viðhafa á stöðum þar sem hleðsla rafbíla fer fram, þar gilda sérstakar öryggiskröfur umfram almennar öryggiskröfur sem gerðar eru til raflagna og rafbúnaðar. Samantekt á helstu öryggisatriðum má nálgast á vef HMS, www.hms.is, og hér fyrir neðan.

Sé ætlunin að leyfa eða jafnvel bjóða sérstaklega upp á hleðslu rafbíla hvetur HMS til að haft sé samband við löggiltan rafverktaka varðandi uppsetninguna til að tryggja að öryggi fólks og eigna verði ekki stefnt í hættu.