Íbúðalánasjóður býður til opins fundar um stöðuna á húsnæðismarkaði þriðjudaginn 6. mars. Farið verður yfir efni nýrrar mánaðarskýrslu sjóðsins sem kemur út sama dag.Í mánaðarskýrslu Íbúðalánasjóðs er ítarleg umfjöllun um fasteignamarkaðinn, leigumarkaðinn, lánamarkaðinn og byggingamarkaðinn. Að þessu sinni verður m.a. fjallað um virkni leigumarkaðar eftir sveitarfélögum og þróun íbúðalána á Íslandi í samanburði við helstu nágrannalönd. Jafnframt verður farið yfir verðþróun á fasteignamarkaði og fjölgun íbúða í fyrra, svo dæmi séu tekin.Guðmundur Sigfinnsson, hagfræðingur í hagdeild Íbúðalánasjóðs, mun kynna efni skýrslunnar. Að kynningu lokinni verður boðið upp á umræður um stöðuna á húsnæðismarkaði.Fundurinn verður haldinn þriðjudaginn 6. mars kl. 9 í höfuðstöðvum Íbúðalánasjóðs í Borgartúni 21. Áætlað er að fundinum ljúki um kl. 9:45. Við vonumst eftir góðri mætingu og líflegum umræðum.