Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunamálaskólinn

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Slökkviliðin

Stofnframlög

Þjónustuaðilar brunavarna

Þjónustuflokkar

Húsnæðisbætur og lán

Lánavefur

Öryggi mannvirkja

Brunavarnir

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

HMS vinnur að samræmdu viðmóti fyrir byggingarleyfisumsóknir á Íslandi. Með viðmótinu er stigið stórt skref í átt að bættri skráningu, skilvirkari afgreiðslu við leyfisveitingu og  birtingu rauntímaupplýsinga um mannvirkjagerð á Íslandi. Viðmótið verður innleitt hjá öllum sveitarfélögum landsins.

Haldinn var opinn fundur um verkefnið 9. apríl síðastliðinn þar sem meðal annars kom fram að fyrsta útgáfa viðmótsins er komin í notkun hjá Reykjanesbæ og að Reykjavíkurborg komi inn um mitt þetta ár. Á fundinum var einnig komið inn á Lífsferilsgreiningar (LCA) en krafa um skil á slíkum greiningum tekur gildi í september næstkomandi.

Byggingarleyfi á Íslandi - allt á einum stað

Mánaðarskýrsla HMS fyrir apríl 2025 er komin út, en hana má nálgast með því að smella á hnappinn hér fyrir neðan. Í skýrslunni kemur meðal annars fram að á fasteignamarkaði hafi nýjar íbúðir selst hægt og illa, en þær eru á stærðarbili sem endurspeglar ekki eftirspurn síðustu ára. Á lánamarkaði hefur umfang nýrra íbúðalána ekki aukist í takt við fjölgun kaupsamninga, sem bendir til þess að kaupendur fasteigna séu ekki eins háðir lántöku og áður.

Gogn_manadarskyrsla_april25.xlsx

Fasteignir hafa verið betri fjárfestingarkostur en innlend hlutabréf

Fasteignamarkaðurinn hefur verið virkur á síðustu vikum og mánuðum, þar sem íbúðum á sölu og kaupsamningum hefur fjölgað. Fleiri íbúðir hafa einnig verið teknar úr sölu, sem bendir til þess að umsvif muni haldast mikil á næstu vikum. Nýjar íbúðir hafa aftur á móti selst hægar og verr en aðrar íbúðir, en þær eru flestar á þröngu stærðarbili sem er ekki í samræmi við eftirspurn síðustu ára.

Íbúðir hafa verið betri fjárfestingarkostur en innlend hlutabréf, þar sem þær hafa hækkað meira í verði og sveiflast minna en úrvalsvísitala Kauphallarinnar. HMS telur þetta vera til marks um óeðlilega stöðu á eignamarkaði hérlendis. Frá árinu 1982 hefur raunverð íbúða að meðaltali hækkað um 3,3 prósent á ári, en þrír stærstu viðskiptabankarnir spá 1,3 til 3,3 prósenta árlegri raunverðshækkun íbúða á tímabilinu 2025-2027.

Margir nýskráðir leigusamningar á fyrsta ársfjórðungi

Á leigumarkaði hefur nýskráðum leigusamningum fjölgað á fyrsta ársfjórðungi, ef miðað er við sama tímabil í fyrra. Leigusalar í flestum nýskráðum leigusamningum einstaklingar og hagnaðardrifin leigufélög, en vægi félagslegra og óhagnaðardrifinna leiguíbúða er lítið í Reykjanesbæ, Garðabæ og Kópavogi..

Aukin ásókn í verðtryggð lán hjá lífeyrissjóðum

Á lánamarkaði hefur umfang nýrra íbúðalána ekki aukist í takt við fjölgun kaupsamninga, sem bendir til þess að kaupendahópur fasteigna hafi ekki verið eins háður lántöku við fjármögnun á fasteignakaupum og áður. Heimili leita í auknum mæli til lífeyrissjóða fyrir verðtryggð lán, þar sem lægstu breytilegu vextirnir eru prósentustigi lægri en hjá bönkunum.Fólksfjölgun í fyrra var í samræmi við húsnæðisáætlanir

Á byggingarmarkaði hefur hægt á vexti byggingargeirans, þar sem álíka margir starfa í geiranum og á sama tíma í fyrra, auk þess sem hlutdeild hans á vinnumarkaði helst óbreytt á milli ára. Þó eru enn fleiri nýskráningar en gjaldþrot í byggingarstarfsemi og mannvirkjagerð, auk þess sem mikið er af lausum störfum í geiranum.

Íbúðum á fyrri framvindustigum íbúðauppbyggingar hefur fækkað talsvert á höfuðborgarsvæðinu. Hins vegar eru vísbendingar um að uppbyggingartími íbúða hafi styst á síðustu misserum og er því meiri óvissa bundin spám HMS um fullbúnar íbúðir til ársins 2027.

Mánaðarskýrsla HMS fyrir apríl er komin út.

Framkvæmdir eru hafnar við nýja nemendagarða fyrir Menntaskóla Borgarfjarðar að Borgarbraut 63 í Borgarnesi. Um er að ræða nýbyggingu sem verður hluti af svokölluðu húsi kynslóðanna – fjölnota íbúðarhúsi sem mun hýsa bæði eldri borgara og nemendur menntaskólans.

Bygging nemendagarðanna er fjármögnuð með stofnframlögum frá ríki og Borgarbyggð ásamt eiginfjárframlagi frá Nemendagörðum MB og leiguíbúðaláni frá HMS.

Verkefnið er samstarfsverkefni Nemendagarða Menntaskóla Borgarfjarðar og Brákarhlíðar fasteignafélags ehf. og munu nemendagarðar skólans kaupa neðstu hæð hússins sem mun hýsa 12 íbúðir fyrir allt að 18 nemendur. Á efri hæðum hússins, það er annarri til fjórðu hæð, verða íbúðir ætlaðar einstaklingum 60 ára og eldri. Með þessu sameinaða húsnæði verður bæði brugðist við aukinni þörf fyrir hagkvæmt húsnæði fyrir eldra fólk og aðstöðu fyrir sífellt fleiri nemendur sem sækja nám við Menntaskóla Borgarfjarðar.

„Þetta hús kynslóðanna mun hafa mikil og jákvæð áhrif fyrir samfélagið hér í Borgarbyggð. Bæði skólafólk og kraftmikið eldra fólk setja sífellt sterkari svip á bæinn. Það eflir allt mannlíf, íþróttastarf og menningu. Það er mikil tilhlökkun að sjá húsið nú vera að rísa,“ segir Stefán Broddi Guðjónsson, sveitarstjóri Borgarbyggðar.

Bragi Þór Svavarsson, skólameistari Menntaskóla Borgarfjarðar, segir verkefnið skipta skólann miklu máli; „Aðsókn hefur farið vaxandi síðustu ár og húsnæðisþörfin verið langt umfram getu. Þessi nýja bygging skiptir skólann miklu máli og styður við áframhaldandi vöxt hans.“

Nýir nemendagarðar að rísa fyrir Menntaskóla Borgarfjarðar

HMS framkvæmdi þann 16. apríl síðastliðinn endurreikning á öllum umsóknum um húsnæðisbætur. Endurreikningurinn byggir á nýjustu tekju- og eignaupplýsingum frá Skattinum og er liður í reglubundnu eftirliti með húsnæðisbótum sem fer fram fjórum sinnum á ári.

Við endurreikning húsnæðisbóta er gerð ný áætlun á grundvelli fyrirliggjandi gagna, þar á meðal upplýsingum úr staðgreiðsluskrá Skattsins og aðrar þær forsendur sem hafa áhrif á bótarétt.

Umsækjendur munu á næstu dögum fá send bréf með niðurstöðum endurreiknings hafi orðið breyting á bótafjárhæð frá síðustu tekjuáætlun. 

HMS hvetur umsækjendur til að kynna sér niðurstöður endurreikningsins. Ef einhverjar spurningar eða athugasemdir vakna vegna nýrrar tekjuáætlunar er hægt að hafa samband með tölvupósti á hms@hms.is eða í síma 440-6400.

Húsnæðisbætur voru endurreiknaðar 16. apríl

Húsnæðis- og mannvirkjastofnun (HMS) vekur athygli á innköllun IKEA á hleðslubönkum af gerðinni VARMFRONT. Innköllunin nær til hleðslubanka af tilteknum gerðum, með tegundarnúmerum og dagsetningum sem finna má á þeim, sjá nánar í innköllun IKEA.

Rafföng: Hleðslubankar af gerðunum IKEA Varmfront 10 400mAh og IKEA Varmfront 5 200mAh.

Framleiðandi/Vörumerki: IKEA Varmfront 10, 400mAh og IKEA Varmfront 5, 200mAh.   

Þekktir söluaðilar á Íslandi: IKEA en mögulega gætu þessir hleðslubankar hafa borist hingað til lands eftir öðrum leiðum, t.d. í gegnum vefverslanir.

Hætta: Brunahætta getur stafað af þessum hleðslubönkum.

HMS beinir því til allra eigenda og notenda viðkomandi búnaðar að hætta notkun hans þegar í stað og hafa samband við IKEA.

Sjá frekari upplýsingar og leiðbeiningar í innköllun IKEA: https://ikea.is/is/innkollun.

Möguleg brunahætta af völdum hleðslubanka frá IKEA

Þjónustuflokkar

Þjónustuflokkar

Möguleg brunahætta af völdum hleðslubanka frá IKEA

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Byggingarleyfi á Íslandi - allt á einum stað

Mánaðarskýrsla HMS apríl 2025

Nýir nemendagarðar að rísa fyrir Menntaskóla Borgarfjarðar

Húsnæðisbætur voru endurreiknaðar 16. apríl

Fleiri fréttir

Byggingarleyfi á Íslandi - allt á einum stað

Mánaðarskýrsla HMS apríl 2025

Nýir nemendagarðar að rísa fyrir Menntaskóla Borgarfjarðar

Húsnæðisbætur voru endurreiknaðar 16. apríl