HMS hefur birt nýtt mælaborð fyrir kaupverð fasteigna. Með mælaborðinu er hægt að nálgast miðgildi kaupverðs eftir byggingarári, fermetrum, sveitarfélagi, póstnúmeri, tegund fasteignar og útgáfudegi kaupsamnings frá árinu 2006. Mælaborðið inniheldur einnig gagnvirt kort sem sýnir staðsetningu hvers kaupsamnings sem liggur að baki útreikningunum.

Á mynd hér að neðan má sjá skjáskot af mælaborðinu, en það er unnið úr staðfangaskrá og kaupskrá fasteigna sem uppfærist á 22. degi hvers mánaðar.

End­ur­bætt kaup­skrá með fleiri kaup­samn­ing­um

Samhliða útgáfu mælaborðsins hefur HMS yfirfarið skráningu kaupsamninga.  Við þá yfirferð kom í ljós að nokkur fjöldi kaupsamninga hafði ekki skilað sér í kaupskrá áður en HMS tók við rekstri fasteignaskrár um mitt ár 2022. Flestir þessara samninga voru frá árunum 2020-2021 þegar að rof varð á ýmsum ferlum hjá þáverandi rekstraraðila fasteignaskrár, samfara heimsfaraldri. Talnaefni sem er aðgengilegt á HMS.is og fasteignaskra.is hefur verið uppfært miðað við þessi nýju gögn.