Húsnæðis- og mannvirkjastofnun vill vekja athygli á innköllun bláum og bleikum skeiðum og göfflum af tegundinni Eco Baby Spoon & Fork frá framleiðandanum Herobility, sem voru til sölu í Fífu barnavöruverslun. Ástæða innköllunarinnar er að varan getur brotnað í smáa hluti og valdið slysahættu. Brotin geta sem dæmi lent í mat sem barnið borðar. Fífa barnavöruverslun hvetur þá sem eiga hnífapör af þessari tegund til að taka þau tafarlaust úr notkun og skila þeim í verslunina Fífu þar sem varan verður endurgreidd.