Aðalfundur Félags slökkviliðsstjóri á Íslandi fór fram í Stykkishólmi dagana 17. – 18. apríl. Á fundinn mættu stjórnendur slökkviliða víðsvegar af landinu, alls um 65 þátttakendur ásamt fulltrúum HMS.

Fundurinn markaði tímamót í sögu félagsins, þar sem í fyrsta sinn mætti kona á aðalfundinn sem ber titilinn varaslökkviliðsstjóri. Hingað til hefur engin kona á Íslandi hvorki gegnt starfi slökkviliðsstjóra né varaslökkviliðsstjóra. Það er Aldís Rún Lárusdóttir, sviðsstjóri forvarnarsviðs og varaslökkviliðsstjóri hjá Slökkviliðinu á höfuðborgarsvæðinu, sem hlýtur þennan sögulega titil.

Frá hægri: Aldís Rún Lárusdóttir varaslökkviliðsstjóri, Jóhann K. Jóhannsson slökkviliðsstjóri Fjallabyggðar og formaður Félags slökkviliðsstjóra á Íslandi og Einar Strand slökkviliðsstjóri Stykkishólms.

Að­al­fund­ur Fé­lags slökkvi­liðs­stjóra hald­inn í Stykk­is­hólmi

Á fundinum voru rædd málefni slökkviliða, faglegt samstarf og framtíðaráskoranir í brunavörnum auk hefðbundin aðalfundarstörf.

Fulltrúar HMS voru gestir á fundinum og fluttu þar erindi um ýmis mál sem snúa að brunavörnum og starfsemi slökkviliða. Þar á meðal var fjallað um stefnumótandi málefni slökkviliða, Brunamálaskólann og eldvarnareftirlit slökkviliða. Samtal og umræður milli HMS og fulltrúa slökkviliðanna voru góð og gagnleg og endurspegluðu mikilvægi öflugs samstarfs á vettvangi brunavarna.

HMS gegnir samræmingarhlutverki á sviði brunavarna og slökkviliða og leggur ríka áherslu á náið samstarf við slökkviliðs landsins.

Hér má sjá mynd af hópnum á björtum sólardegi í Stykkishólmi.