Fyrsta greiðsla sértæks húsnæðisstuðnings vegna náttúruhamfara í Grindavíkurbæ var 15. desember sl. Um er að ræða greiðslu fyrir leigu í nóvembermánuði og voru 3.041.200 kr. greiddar til aðeins 27 umsækjenda sem gerir 112.637 kr. á hvert heimili. Ljóst er að ekki hafa allir Grindvíkingar sem eiga rétt til stuðningsins sótt um ennþá, aðrir eiga eftir að færa aðsetur sitt eða uppfylla önnur skilyrði. Gera má þó ráð fyrir því að fjöldinn sem muni fá greitt vegna nóvembermánaðar muni aukast til muna áður en úrræðinu líkur. Þar sem um er að ræða hluta úr nóvember, en ekki allan mánuðinn, er meðalfjárhæð greiðslunnar ekki vísbending um greiðslur næstu mánaða á eftir.