Fleiri fyrirtæki starfa í byggingariðnaði á þriðja ársfjórðungi þessa árs en á sama tímabili í fyrra, samkvæmt tölum sem HMS hefur fengið frá Hagstofu um nýskráningar og gjaldþrot í greininni. Hins vegar fækkar nýskráningum umfram gjaldþrot á milli ára.  

Fyr­ir­tækj­um fjölg­ar hæg­ar í bygg­ing­ar­iðn­aði þrátt fyr­ir færri gjald­þrot

Á þriðja ársfjórðungi ársins urðu 17 fyrirtæki í byggingarstarfsemi gjaldþrota og 141 fyrirtæki voru nýskráð. Nýskráningar umfram gjaldþrot voru því 124 á þriðja ársfjórðungi 2024 samanborið við 130 á sama tíma í fyrra.

Á fyrstu þremur fjórðungum ársins urðu 162 fyrirtæki í byggingarstarfsemi gjaldþrota, samanborið við 207 fyrirtæki í fyrra. Gjaldþrotin eru því færri en voru í fyrra en árið 2023 voru gjaldþrot og nýskráningar sögulega mörg í greininni. Nýskráningar umfram gjaldþrot á fyrstu þremur ársfjórðungum voru því 260 samanborið við 276 á sama tíma í fyrra.

Myndirnar hér að ofan sýna nýskráningar og gjaldþrot byggingarfyrirtækja á þriðju ársfjórðungum og fyrstu þremur ársfjórðungum á tímabilinu 2008 til 2024. Frá árinu 2013 hafa nýskráningar verið fleiri en gjaldþrot sem bendir til þess að fyrirtækjum hafi fjölgað í greininni ár frá ári.