Í janúar voru staðfestar í fasteignaskrá 75 nýjar lóðir. Er það nokkuð færri en í janúar í fyrra þegar 157 lóðir voru staðfestar. Flestar lóðir voru atvinnuhúsalóðir eða alls 36 talsins, en slíkum lóðum fjölgar á milli mánaða eða um 13 talsins. Auk þess voru skráðar 6 sumarhúsalóðir og 22 íbúðahúsalóðir.

Fjöldi ný­­skráðra lóða um allt land eft­­ir mán­uð­um og flokk­um

Myndin hér að ofan sýnir mánaðarlegar tölur um fjölda nýskráðra lóða eftir öllum flokkum. Lóðir skráðar sem annað land eða einfaldlega lóð voru 10 talsins í janúar, en líklegast er að þessar lóðir breyti um gerð þegar fram líða stundir og verði þá skráðar sem atvinnu-, sumarhúsa- eða íbúðarlóðir.

Flestar nýjar lóðir voru staðfestar í Mosfellsbæ eða 16 talsins, þar sem allar voru skráðar sem atvinnuhúsalóðir. Kópavogsbær var með næstflestar skráðar lóðir, eða 7 talsins og þar af 6 íbúðarhúsalóðir.

Flóahreppur og Sveitarfélagið Vogar staðfestu 5 íbúðarhúsalóðir í fasteignaskrá í janúar. Reykjavíkurborg, Akureyrarbær, Sveitarfélagið Hornafjörður og Skeiða- og Gnúpverjahreppur stofnuðu öll tvær atvinnulóðir.