Rafbíll eða rafmagnsbíll er ökutæki sem er knúið áfram af rafmagnsmótor og er með rafhlöðu til orkugeymslu. Á Íslandi er allt rafmagn framleitt innanlands. Rafbílar eru því þjóðhagslega hagkvæmir samanborið við bíla sem brenna jarðefnaeldsneyti.

Hleðsla rafbíla hefur í för með sér töluverða straumnotkun sem af getur stafað hætta sé ekki rétt að málum staðið. Til að tryggja öryggi hafa verið settar sérstakar reglur um raflagnir á stöðum þar sem hleðsla rafbíla fer fram, sem og um búnað sem nota skal í þessu skyni. Þessar reglur ásamt árvekni og réttri umgengni notenda við búnaðinn tryggir öryggi við hleðslu rafbíla eins og frekast er unnt.