HMS stendur að verkefni þar sem landamerki jarða um allt land eru áætluð.

Að því marki sem upplýsingar um stærð og eignamörk lands skortir er HMS heimilt að áætla þau til skráningar í landeignaskrá. Áður en til þess kemur skal stofnunin gefa landeiganda eða öðrum hlutaðeigandi kost á því að bæta úr skorti á upplýsingum. Nánar um stærð og eignamörk í 3. mgr., 3. gr. a. laga um skráningu, merki og mat fasteigna nr. 6/2001.

Áætlun eignamarka felst í kortlagningu eignamarka jarða út frá fyrirliggjandi heimildum og samningum sem eigendur hafa gert í gengum tíðina. Út frá heimildum þessum eru drög unnin að áætluðum landamerkjum jarða. Landeigendum eru birt drög og tilkynning send í gegnum Ísland.is. Landeigendum og öðrum viðkomandi gefst þá kostur á að koma fram með ábendingar í gegnum umsókn á island.is. Ábendingar geta snúið að staðsetningu örnefna, afhendingu gagna og fleira. HMS tekur allar ábendingar til skoðunar og gefur í kjölfarið út niðurstöðu áætlaðra eignamarka.

Kostn­að­ur

Áætlun HMS á eignamörkum jarða eru eigendum að kostnaðarlausu. Vilji eigandi stíga næsta skref og láta gera merkjalýsingu um eign sína, er það utan þessa verkefnis og fellur sá kostnaður á eiganda.