Brunavarnaáætlanir eiga að stuðla að því að vernda líf og heilsu fólks, eignir og umhverfi með fullnægjandi eldvarnaeftirliti og viðbúnaði við eldsvoðum og mengunaróhöppum á landi.

Brunavarnaáætlanir gefa íbúum og stjórn sveitarfélagsins gott yfirlit yfir starfsemi og ástand slökkviliða og geta því orðið grunnur að gæðastjórnun og áætlun um endurbætur t.d. hvað varðar búnað, menntun og samstarf við aðra aðila. 

Einn mikilvægasti þáttur brunavarnaáætlunar er að gera sér grein fyrir hvar úrbóta er þörf og gera í kjölfarið verk- og kostnaðaráætlun þar að lútandi.

Brunavarnaáætlanir eru orðnar á stafrænu formi frá og með 1.janúar 2024. Með tilkomu Brunagáttarinnar, sem er miðlægur gagnagrunnur með rauntímaupplýsingum um stöðu slökkviliða, er hægt að kalla fram þær upplýsingar sem nauðsynlegar eru við gerð brunavarnaáætlunar.