Lands­fjórð­unga­hús Plús

Landsfjörðungahús eru hagkvæmt, vistvænt og sveigjanlegt íslenskt einingahús.

Í verkefninu var greind þörf fjögurra sveitarfélaga og þróað einingakerfi sem uppfyllti kröfur um hagkvæmar íbúðir við ólíkar aðstæður. Lausnin byggði á timbureiningum sem voru framleiddar í verksmiðju og settar saman á byggingarstað. Einingarnar byggðu á sama grunnkerfi en buðu upp á fjölbreyttar útfærslur og möguleika á stækkun og breytingum.

Verkefnið byggði á hugmyndafræði danska AlmenBolig+ kerfisins sem var aðlöguð íslenskum aðstæðum. Jafnframt var lögð áhersla á samfélagslega sjálfbærni með sveigjanlegum húsum og sameiginlegri aðstöðu sem styður við deilihagkerfi.

Í verkefninu voru þróaðar lausnir sem hentuðu fyrir hagkvæmt íbúðarhúsnæði, þar á meðal raðhús, parhús, lítil fjölbýlishús, einbýlishús og frístundahús. Jafnframt var sýnt fram á að stöðlun og verksmiðjuframleiðsla gætu stytt framkvæmdatíma, dregið úr byggingarúrgangi og aukið hagkvæmni í mannvirkjagerð.