Inn­gild­ing heima

Inngilding heima, seinni hluti, er rannsóknarverkefni á sviði innivistar og notendamiðaðrar hönnunar fyrir fatlað fólk með miklar stuðningsþarfir. Verkefnið byggir á fyrri rannsókn tengdri hönnun nýbyggðs íbúðakjarna fyrir Félagsbústaði og snýst um rannsóknir á innivist í raunverulegu notendaumhverfi. Markmið rannsóknarinnar er að greina hvernig hönnun mannvirkja hefur áhrif á daglega virkni, sjálfstæði, öryggi og vellíðan íbúa eftir að bygging er tekin í notkun.

Rannsóknarverkefnið er unnið í samstarfi við íbúa og starfsfólk, þannig að niðurstöður endurspegli raunverulega virkni og þarfir notenda. Verkefnið er unnið í samstarfi við Félagsbústaði og Velferðarsvið Reykjavíkur.