Hættuleg efni í rafföngum - RoHS

Hlusta

Rafeindabúnaður sem markaðssettur er á Íslandi skal uppfylla ákvæði varðandi efnainnihald sem fram koma í reglugerð um takmarkanir á notkun tiltekinna, hættulegra efna í raf- og rafeindabúnaði, nr. 630/2014.

Ofangreind reglugerð er byggð á tilskipun Evrópusambandsins um sama efni, 2011/65/ESB (RoHS*), og gilda því sömu reglur á Evrópska efnahagssvæðinu (EES), sem samanstendur af Evrópusambandinu (ESB), Íslandi, Liechtenstein og Noregi, um raf- og rafeindabúnað sem fellur undir tilskipanir ESB sem staðfestar hafa verið af sameiginlegu EES-nefndinni.

Í reglugerðinni eru skilgreindar kröfur til raf- og rafeindabúnaðar m.t.t. innihalds tiltekinna, hættulegra efna, samræmismatsaðferðir, skyldur rekstraraðila (framleiðenda, innflytjenda og dreifenda), kröfur um CE-merkingu, ESB-samræmisyfirlýsingu, tæknigögn o.fl.

Framleiðendur, innflytjendur og eftir atvikum aðrir rekstraraðilar bera ábyrgð á að ákvæðum ofangreindrar reglugerðar sé fylgt. Faggiltar skoðunarstofur í umboði HMS sjá með virku markaðseftirliti til þess að raf- og rafeindabúnaður uppfylli þau skilyrði sem sett eru í reglugerðinni.

*) RoHS (Restriction of Hazardous Substances) Tilskipun Evrópuþingsins og ráðsins 2011/65/ESB frá 8. júní 2011 um takmarkanir á notkun tiltekinna, hættulegra efna í raf- og rafeindabúnaði.

Gagnlegar upplýsingar

Skilgreiningar:

Framleiðandi: Einstaklingur eða lögaðili sem framleiðir vöru eða lætur hanna og framleiða vöru og markaðssetur hana undir eigin nafni eða vörumerki.
Innflytjandi: Einstaklingur eða lögaðili með staðfestu innan EES sem setur vöru frá þriðja landi á markað á EES.
Dreifandi: Einstaklingur eða lögaðili í aðfangakeðjunni, annar en framleiðandi eða innflytjandi, sem býður vöru fram á markaði.

Hér eru listaðar helstu skyldur rekstraraðila, ítarlegri upplýsingar um skyldur aðila er að finna í 6.-11. gr. reglugerðar nr. 630/2014 um takmarkanir á notkun tiltekinna, hættulegra efna í raf- og rafeindabúnaði.

Rekstraraðili (framleiðandi, innflytjandi og dreifandi)

skal gæta þess vandlega að setja einungis á markað vörur sem fullnægja ákvæðum viðkomandi tilskipana
skal tafarlaust gera allar nauðsynlegar ráðstafanir til úrbóta hafi hann ástæðu til að ætla að vara sem hann hefur sett á markað samrýmist ekki reglum og tilkynna HMS og viðkomandi rekstraraðilum um þær. Ráðstafanir geta falið í sér að fjarlægja af markaði eða innköllun
skal halda skrá yfir allar vörur sem hann hefur á boðstólum og einnig skrá yfir þá rekstraraðila sem þeir afhenda vörur og sem afhenda þeim vörur

Framleiðandi

má einungis setja á markað raf- og rafeindabúnað sem hannaður er og framleiddur í samræmi við ákvæði RoHS-tilskipunarinnar
skal framkvæma samræmismat og útbúa tæknigögn
skal, ef sýnt er fram á að raf- og rafeindabúnaður uppfylli viðeigandi kröfur, útbúa ESB-samræmisyfirlýsingu („EU declaration of conformity“) og festa CE-merkinguna á öll eintök vörunnar
skal hafa ofangreind gögn, tæknigögn og ESB-samræmisyfirlýsingu, aðgengileg fyrir eftirlitsstjórnvöld í að minnsta kosti 10 ár eftir að vara hefur verið sett á markað
skal tryggja að aðferðir séu til staðar til að raðframleiðsla haldist í samræmi við ákvæði tilskipana, s.s. með innra framleiðslueftirliti
skal tryggja að á raf- og rafeindabúnaði sé auðkenning sem gerir rekjanleika mögulegan, t.d. vörumerki, gerðarmerking, raðnúmer o.þ.h., og að tilskildar upplýsingar séu til staðar
skal skrá á raf- og rafeindabúnað nafn sitt, skráð viðskiptaheiti eða skráð vörumerki og heimilisfang þar sem hafa má samband við hann. Sé ekki mögulegt að hafa þessar upplýsingar á búnaðinum skulu þær vera á umbúðum hans eða í skjali sem fylgir honum

Framleiðandi getur tilnefnt viðurkenndan fulltrúa sinn með skriflegu umboði. Viðurkenndur fulltrúi getur innt af hendi þau verkefni sem tilgreind eru í umboði framleiðandans, þó ekki það sem lýtur að hönnun og framleiðslu í samræmi við kröfur tilskipunarinnar og að gerð tæknigagna.

Innflytjandi

má einungis setja á markað vörur sem fullnægja ákvæðum RoHS-tilskipunarinnar
skal tryggja að framleiðandi hafi framkvæmt viðeigandi samræmismat, útbúið tæknigögn og ESB-samræmisyfirlýsingu, að raf- og rafeindabúnaður beri CE-merkingu og að tilskildar upplýsingar séu til staðar
skal hafa tiltæk afrit af ESB-samræmisyfirlýsingum, vottorðum og tæknigögnum í að minnsta kosti 10 ár eftir að raf- og rafeindabúnaður hefur verið settur á markað
skal skrá á raf- og rafeindabúnað nafn sitt, skráð viðskiptaheiti eða skráð vörumerki og heimilisfang þar sem hafa má samband við hann. Sé ekki mögulegt að hafa þessar upplýsingar á búnaðinum skulu þær vera á umbúðum hans eða í skjali sem fylgir honum

Dreifandi

skal gæta þess vandlega að setja einungis á markað raf- og rafeindabúnað sem fullnægir ákvæðum viðkomandi tilskipana
skal tryggja að raf- og rafeindabúnaður beri CE-merkingu og að allar kröfur varðandi merkingar og upplýsingar, þ.m.t. um öryggismál, séu til staðar

Í ESB-samræmisyfirlýsingu skulu eftirfarandi atriði koma fram:

nafn og heimilisfang framleiðandans eða viðurkennds fulltrúa hans
að útgáfa samræmisyfirlýsingarinnar sé á ábyrgð framleiðandans eingöngu
auðkenning vöru sem gerir rekjanleika mögulegan, t.d. tegund, vörumerki, gerðarmerking, raðnúmer o.þ.h.
að varan sem lýst er sé í samræmi við viðkomandi tilgreindar tilskipanir
tilvísun í samhæfða evrópska staðla. Þegar samhæfðum evrópskum stöðlum er ekki að fullu beitt skal vísað í þau tækniákvæði sem samræmisyfirlýsingin byggir á eða þær ráðstafanir sem gripið er til í því skyni að tryggja samræmi við ákvæði tilskipananna.
undirskrift og auðkenni undirritunaraðila sem hefur heimild til að skuldbinda framleiðanda eða viðurkenndan fulltrúa hans

Tæknigögn skulu a.m.k. innihalda:

almenna lýsingu á búnaðinum
frumdrög að hönnun og framleiðsluteikningar og skýringarmyndir af íhlutum, undireiningum, straumrásum o.s.frv.
lýsingar og skýringar sem nauðsynlegar eru til að skilja umræddar teikningar og myndir og til að átta sig á því hvernig búnaðurinn vinnur
skrá yfir samhæfða evrópska staðla sem notaðir eru í heild sinni eða að hluta til og, sé þeim ekki að fullu beitt, lýsingar á þeim lausnum sem gripið er til í því skyni að uppfylla kröfur, þ.m.t. skrá yfir tækniforskriftir sem beitt var
prófunarskýrslur, hönnunarútreikningar, niðurstöður rannsókna o.þ.h.

Innihaldsefnin sem RoHS-reglurnar ná yfir:

Blý
Kvikasilfur
Kadmíum
Sexgilt króm
Fjölbrómuð bífenýl (PBB)
Fjölbrómaðir dífenýleterar (PBDE)
Bis(2-etýhexýl) þalat (DEHP)
Bútýl Benzýl þalat (BBP)
Díbútýl þalat (DBP)
Díísóbútýl þalat (DIBP)

Hámarksstyrkur ofangreindra efna, m.v. þyngd einsleitra hluta, er 0,1%, nema fyrir kadmíum þar sem hann er 0,01%.

Í III. og IV. viðauka reglugerðar nr. 630/2014 um notkun tiltekinna, hættulegra efna í raf- og rafeindabúnaði, eru tilgreindar undanþágur frá þessum kröfum m.t.t. skilgreindrar notkunar.

Eftirtalinn raf- og rafeindabúnaður fellur ekki undir gildissvið RoHS:

Búnaður til verndar grundvallaröryggihagsmunum, s.s. til nota í hernaði.
Búnaður hannaður til geimferða.
Búnaður sem sérsmíðaður er til að vera hluti af öðrum búnaði sem ekki fellur undir gildissvið RoHS.
Stór, föst iðnaðartæki.
Stór fastur búnaður.
Fólksflutningatæki að undanskildum tveggja hjóla rafdrifnum farartækjum.
Færanlegur vélbúnaður til nota utandyra í atvinnuskyni.
Virk, ígræðanleg lækningatæki.
Sólarsellur til nota í stærri kerfum.
Rafhlöður.
Pípuorgel.
Búnaður sem notar spennu yfir 1000VAC eða 1500VDC.
Búnaður sérstaklega hannaður fyrir rannsóknar- og þróunarstarfsemi og eingöngu fáanlegur í viðskiptum milli fyrirtækja.

Húsnæði

Mannvirki

Brunavarnir

Fasteignir

Um HMS

Hættuleg efni í rafföngum - RoHS

Gagnlegar upplýsingar

Skilgreiningar:

Rekstraraðili (framleiðandi, innflytjandi og dreifandi)

Framleiðandi

Innflytjandi

Dreifandi

Í ESB-samræmisyfirlýsingu skulu eftirfarandi atriði koma fram:

Tæknigögn skulu a.m.k. innihalda:

Húsnæði

Mannvirki

Brunavarnir

Fasteignir

Um HMS

Hættuleg efni í rafföngum - RoHS

Gagn­leg­ar upp­lýs­ing­ar

Gagnlegar upplýsingar