Lán til byggingar eða kaupa á sértækum búsetuúrræðum

Húsnæðis- og mannvirkjastofnun er heimilt að lána þeim er byggja eða kaupa íbúðarhúsnæði sem er sérhannað fyrir þarfir aldraðra samkvæmt II. kafla reglugerðar nr. 57/2009. Við ákvörðun lánsfjárhæðar er tekið tillit til fjármagns frá Framkvæmdasjóði aldraðra og úr ríkisjóði til hlutaðeigandi framkvæmdar  þannig að þetta allt samanlagt getur aldrei orðið hærra en sem nemur kaupverði eða  heildar byggingakostnaði framkvæmdar.Lán kemur til útgreiðslu þegar skuldabréfi hefur verið þinglýst athugasemdalaust á fasteignirnar, auk þess sem staðfesting á framkvæmdum sé lokið eða þinglýstur kaupsamningur liggur fyrir. HMS er heimilt að greiða lán út á framkvæmdatíma að uppfylltum ákveðnum skilyrðum.