Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Einungis tekjuhæsti fimmtungur einstaklinga getur tekið húsnæðislán fyrir flestum nýjum íbúðum á höfuðborgarsvæðinu

Flestar nýjar íbúðir til sölu á höfuðborgarsvæðinu eru auglýstar á 60-90 milljónir króna

Pör geta fest kaup á nýjum íbúðum með verðtryggðum lánum

Allt að 80% einstaklinga stæðist ekki greiðslumat fyrir nýjum íbúðum á höfuðborgarsvæðinu með lágmarks eigið fé. Pör standa betur að vígi með aðstoð verðtryggingar. Þetta kemur fram í greiningu HMS á framboði nýrra íbúða eftir verðbilum og greiðslugetu eftir tekjutíundum.

Einungis 20% tekjuhæstu einstaklingarnir hafa efni á að kaupa íbúðir sem kosta 60 milljónir króna eða meira, ef gert er ráð fyrir 80% veðsetningarhlutfalli og að teknu tilliti til hámarksgreiðslubyrðarhlutfalls Seðlabanka Íslands. Framboð nýrra íbúða á höfuðborgarsvæðinu sem verðlagðar eru undir 60 milljónum króna er þó verulega takmarkað um þessar mundir.

Þetta má sjá á meðfylgjandi mynd sem sýnir hvernig framboð nýrra íbúða til sölu á höfuðborgarsvæðinu skiptist niður eftir verðbilum og hversu stór hluti af einstaklingum og pörum ræður við greiðslubyrði af verðtryggðum lánum fyrir hvert verðbil.

Pör standa öllu betur að vígi í þessu samhengi, en samanlagðar tekjur 80% tekjuhæstu paranna duga til að standa straum af afborgunum af verðtryggðum lánum af íbúðum sem kosta allt að 80 milljónir króna. 60% tekjuhæstu pörin ráða við afborganir af 80-100 milljóna króna eignum og 40% tekjuhæstu pörin stæðust greiðslumat fyrir 100-130 milljóna króna eignum.

Án verðtryggingar væri staðan öllu dekkri þar sem einungis 30% tekjuhæstu einstaklingarnir stæðust greiðslumat fyrir kaupum á 40 milljón króna eignum með lágmarks eigið fé. Jafnframt stæðust eingöngu 40-20% tekjuhæstu pörin greiðslumat fyrir 70-90 milljón króna eignum, miðað við 9,1% óverðtryggða vexti.

Ljóst er að flestir einstaklingar og pör þurfa að reiða sig á verðtryggingu íbúðalána sinna til að eiga möguleika á að kaupa þær nýju íbúðir sem til sölu eru á höfuðborgarsvæðinu um þessar mundir sökum hárra vaxta og þröngra lánþegaskilyrða. Án verðtryggingar eru möguleikar til kaupa á nýjum íbúðum verulega takmarkaðir.

Mat á greiðslugetu er byggt á gögnum um dreifingu atvinnutekna einstaklinga á aldrinum 25-65 ára samkvæmt skattframtölum einstaklinga og aðgengilegar eru á vef Hagstofunnar. Tölur frá 2023 eru uppreiknaðar fram í maí 2025 miðað við vísitölu launa.

Ráðstöfunartekjur eru áætlaðar með því  að draga frá staðgreiðslu og framlag launþega í lífeyrissjóð. Hámarksgreiðslugeta reiknast svo sem 35% af áætluðum mánaðarlegum ráðstöfunartekjum, sbr. hámarksgreiðslubyrði Seðlabanka Íslands. Hámarksgreiðslubyrði fyrstu kaupenda er allt að 40%, en á móti kemur að greiðslubyrði þeirra getur verið hærri þar sem hámarksveðsetning þeirra er allt að 85% af kaupverði. Til einföldunar er gert ráð fyrir að pör séu í sömu tekjutíund.

Takmarkaðir möguleikar til kaupa á nýjum íbúðum án verðtryggingar

Alls urðu 1.662 íbúðir fullbúnar á fyrri helmingi ársins, sem er álíka mikill fjöldi og á sama tíma í fyrra

Íbúðum í byggingu hefur fækkað, þar sem nýjar framkvæmdir hefjast ekki með sama hraða og þeim sem eru að ljúka

Byggingaráformum fjölgar verulega á milli mánaða

Samkvæmt mælaborði íbúða í byggingu eru nú samtals 5.956 íbúðir skráðar í byggingu um allt land. Einnig hafa verið gefin út byggingarleyfi eða skráð samþykkt byggingaráform fyrir 1.206 íbúðir, en framkvæmdir við þær eru ekki hafnar.

Það sem af er ári hefur verið lokið við byggingu á 1.691 íbúð. Á fyrri helmingi ársins var lokið við byggingu á 1.662 íbúðum sem er álíka margar íbúðir og á sama tíma í fyrra. Nánast sami fjöldi íbúða eru á fyrri stigum framkvæmda, sem er fram að fokheldi og á þeim síðari. Um þriðjungur þeirra íbúða sem nú skráðar eru í byggingu eru á fokheldisstigi.

Af þeim íbúðum sem hafa orðið fullbúnar á árinu eru 60% þeirra á höfuðborgarsvæðinu, 17% á Suðurlandi og um 10% á Suðurnesjum. Til samanburðar hafði á sama tíma í fyrra verið lokið álíka margar íbúðir og í ár.

Fullbúnum íbúðum fjölgar en íbúðum í byggingu fækkar

Í júní lauk byggingu 299 íbúða og jókst fjöldinn á ný eftir að hægst hafi síðustu mánuði. Fullbúnum íbúðum fjölgaði hratt í upphafi árs og voru á fyrstu mánuðum ársins nokkuð fleiri heldur en síðastliðin þrjú ár.

Fjölgun fullbúinna íbúða endurspeglast skýrt í mælaborði HMS, þar sem sjá má að heildarfjöldi íbúða í byggingu hefur dregist saman á milli mánaða. Þróunin gefur til kynna að framkvæmdir hefjist ekki með sama hraða og þær sem lokið er við.

Á sama tíma má greina fjölgun byggingaráforma,  en um 455 íbúðir hafa bæst við frá síðasta mánuði. Þó ber að hafa í huga að byggingaráform segja ekki endilega til um að framkvæmdir séu yfirvofandi á næstunni. Þau geta staðið óhreyfð um hríð, en gefa vísbendingu hvers gæti verið að vænta.

Þann 22. júní fór fram umfangsmikið samstarfsverkefni Brunamálaskólans, Landhelgisgæslu Íslands, Lögreglunnar, Landsbjargar og slökkviliða á suðvesturhorni landsins við Selfossflugvöll. Tilefnið var gerð kennsluefnis fyrir þjálfun viðbragðsaðila þar sem lögð var áhersla á öryggi, samhæfingu og rétt verklag við umgengni við þyrlur á vettvangi.

Landhelgisgæslan var með allt sitt þyrluviðbragð á svæðinu, tvær þyrlur, áhöfn og stuðningsteymi. Auk voru  viðbragðsaðilar og búnaðar frá slökkviliði Grindavíkur, Brunavörnum Árnessýslu ásamt fleirum viðbragðsaðilum.

Sviðsettar voru raunverulegar aðstæður þar sem tekin voru upp myndbönd til kennslu og þjálfunar, meðal annars vegna gróðurelda og þyrlumóttöku á slysavettvangi — aðstæður sem allir slökkviliðsmenn og aðrir viðbragðsaðilar á Íslandi þurfa að kunna bregðast við.

Gott skipulag, samvinna og fagleg aðkoma allra viðbragðsaðila er forsenda þess að verkefni af þessu tagi gangi upp og skili tilætluðum árangri. Verkefnið er hluti af þverfaglegri nálgun Brunamálaskólans til að efla þekkingu, öryggi og samhæfingu í störfum viðbragðsaðila um land allt. HMS þakkar öllum sem komu að verkefninu fyrir faglegt framlag og vonar að það verði fyrirmynd að áframhaldandi samstarfi og samæfingu innan viðbragðskerfisins.

Þverfaglegt samstarf Brunamálaskólans og viðbragðsaðila - nýtt kennsluefni mótað

Á vef Byggjum grænni framtíð og Grænni byggð eru nú aðgengilegar nýjar leiðbeiningar sem styðja við innleiðingu losunarlausra verkstaða og draga úr losun gróðurhúsalofttegunda á verkstað. Leiðbeiningarnar eru afrakstur vinnu við aðgerð 2.9 í Vegvísi að vistvænni mannvirkjagerð og byggðar á reynslu úr verkefninu Losunarlausir verkstaðir sem Ísland tók þátt í á vettvangi Nordic Sustainable Construction.

Leiðarvísirinn er settur fram í fimm bæklingum sem fylgja eftir framkvæmdarferlinu frá upphafi til enda:

Markmiðið er að veita hagaðilum hagnýt verkfæri til að skipuleggja og framkvæma jarðefnaeldsneytislausar framkvæmdir og stuðla að sjálfbærari starfsháttum á verkstað.

Nánar um leiðbeiningarnar og aðgerð 2.9.

Í október 2023 var 58 skjölum (kaupsamningum og afsölum) um atvinnuhúsnæði á höfuðborgarsvæðinu þinglýst. Heildarfasteignamat seldra eigna var 4.843 milljón krónur. 

Á sama tíma var 39 skjölum (kaupsamningum og afsölum) um atvinnuhúsnæði utan höfuðborgarsvæðisins þinglýst. Heildarfasteignamat seldra eigna var 752 milljónir króna.

Uppfært 8. mars 2024. Tölur í fréttinni voru uppfærðar eftir að upp komst um villu í gagnavinnslu með kaupsamninga um atvinnuhúsnæði.

Viðskipti með atvinnuhúsnæði í október 2023

Þjónustuflokkar

Þjónustuflokkar

Viðskipti með atvinnuhúsnæði í október 2023

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Takmarkaðir möguleikar til kaupa á nýjum íbúðum án verðtryggingar

Íbúðum í byggingu fækkar

Þverfaglegt samstarf Brunamálaskólans og viðbragðsaðila - nýtt kennsluefni mótað

Losunarlausir verkstaðir

Fleiri fréttir

Takmarkaðir möguleikar til kaupa á nýjum íbúðum án verðtryggingar

Íbúðum í byggingu fækkar

Þverfaglegt samstarf Brunamálaskólans og viðbragðsaðila - nýtt kennsluefni mótað

Losunarlausir verkstaðir