Fjórir starfsmenn starfa um þessar mundir í eldvarnamálum HMS og er gert ráð fyrir að þeim verði fjölgað í átta fyrir lok ársins þegar nýtt eldvarnasvið hefur tekið til starfa á starfsstöð HMS á Sauðárkróki.  Af þessum fjórum starfsmönnum HMS hefur þegar verið gert samkomulag við þrjá um að starfa áfram í tengdum störfum hjá stofnuninni: Tveir munu starfa á sviði öryggis mannvirkja og einn verður ráðgjafi. Stefnt er að því að ráða í störf starfsmanna eldvarnasviðs á næstu vikum, en starf framkvæmdastjóra sviðsins hefur þegar verið auglýst.

Ásmundur Einar Daðason, félags- og barnamálaráðherra, tilkynnti í lok maí að átak yrði gert í málefnum brunamála í landinu. Til stæði að færa þá einingu sem sinnir skipulagningu brunaeftirlits til innan HMS og að frá og með 1. október nk. yrði hún hýst á starfsstöð HMS á Sauðárkróki. Tengist tilfærslan átaki sem ráðherra hyggst efna til á sviði brunamála í kjölfar skýrslu um stefnumótun í málaflokknum.

Hér má lesa frétt sem birtist um flutning eldvarnasviðsins á heimasíðu HMS þann 28. maí sl.