Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Skipulag

Stofnframlög

Umhverfismat

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Sólarvirki má ekki tengja við raflögn húss með kló og tengli

Slík tenging getur valdið hættu á raflosti og bruna

Uppsetning sólarvirkja skal vera á ábyrgð löggilts rafverktaka

HMS vekur athygli á að sólarvirki (sólarsellukerfi, sólarorkukerfi) sem tengjast venjulegri innstungu (tengli) með kló geta skapað verulega hættu. Þessi sólarvirki eru oftast lítil og geta meðal annars verið ætluð til uppsetningar á svölum.

 Raflagnir bygginga eru hannaðar með það í huga að raforka berist inn í kerfið við upphaf þeirra, inntak í rafmagnstöflu. Þaðan er rafmagninu dreift í gegnum varbúnað, yfirstraumsvörn og bilunarstraumsvörn, sem verndar raflögnina og notendur.
Þegar nýju inntaki raforku er bætt er bætt við annars staðar, til dæmis með því að tengja sólarvirki með kló í innstungu, getur það haft í för með sér að varbúnaðurinn virki ekki sem skyldi eða alls ekki, sem getur leitt til hættu á bæði raflosti og bruna.

Tenglar og annar rafbúnaður er almennt gerður þannig að ætlast er til að rafstraumur flæði í tiltekna átt, þ.e. út úr tengli en ekki inn í hann. Ef tengillinn er ekki gerður til að vera inntak getur það haft í för með sér brunahættu.

Sólarsellur hætta ekki að framleiða rafmagn á meðan eitthvert ljós er til staðar, hvort sem þær eru tengdar notanda eða ekki. Klóin getur því verið spennuhafa þó hún sé ekki í sambandi, sem getur haft í för með sér hættu á raflosti.

Raflögnin, eða hluti hennar, getur verið spennuhafa sé klóin í sambandi, jafnvel þó „slökkt“ hafi verið á aðalvari hennar, sem hefur í för með sér hættu á raflosti fyrir þá sem vinna við raflögnina.

Reglugerð um raforkuvirki vísar meðal annars til evrópskrar staðlaraðar varðandi öryggi raflagna, ÍST HD 60364. Í lið 551.7.2 í þessari staðlaröð kemur fram að ekki megi tengja orkuframleiðslu, til dæmis sólarvirki, við raflögn með kló og tengli. Að auki skal raflögnin hönnuð fyrir það viðbótarálag sem ný orkuframleiðsla leggur af mörkum.

Sérstakar reglur varðandi uppsetningu sólarvirkja er að finna í ÍST HD 60364-7-712, sjá einnig leiðbeiningar HMS: Leiðbeiningar um raflagnir sólarvirkja | Húsnæðis- mannvirkja- og skipulagsstofnun.

Er bannað að setja upp lítil sólarvirki, t.d. á svalir?

Nei, það er ekki bannað. Þau má þó ekki tengja við raflögn með kló og innstungu. Líkt og önnur sólarvirki skulu þau tengjast raflögn húss samkvæmt gildandi reglum. Öll uppsetning sólarvirkja, eins og öll raflagnavinna, skal unnið á ábyrgð löggilts rafverktaka.

Sólarvirki (sólarsellukerfi) með kló geta verið hættulegar

HMS mun á næstu mánuðum vera í opnu samráði vegna fyrirhugaðra breytinga á byggingarreglugerð

Áhugasamir geta skráð sig á póstlistann til þess að fá upplýsingar um komandi kynningar- og samráðsfundi

Fyrsti samráðsfundurinn verður haldinn á fimmtudaginn 2. júlí og mun hann fjalla um hluta byggingarreglugerðarinnar sem snúa að innivist

Allar fréttir sem tengjast samráðsferli vegna nýrrar byggingarreglugerðar verða birtar á póstlista HMS. Þeir sem skrá sig á póstlistann munu fá upplýsingar um komandi kynningar- og samráðsfundi, birtingu nýrra draga að reglugerð og leiðbeiningum, auk annars efnis sem tengist endurskoðun byggingarreglugerðar.

Skráðu þig á póstlistann með því að ýta á hnappinn hér að neðan.

Við hvetjum alla hagaðila til að skrá sig og fylgjast með verkefninu.

HMS kynnti í síðustu viku tillögur sínar að nýrri byggingarreglugerð. Markmiðið með tillögunum er að gera byggingarreglugerðina einfaldari og skýrari, með samræmdri uppbyggingu sem veitir aukið svigrúm til nýsköpunar og fjölbreyttra lausna. 

Ný byggingarreglugerð er liður í heildstæðu átaki stjórnvalda til að einfalda regluverk á sviði mannvirkjagerðar, stuðla að skilvirkari stjórnsýslu og skapa betri skilyrði fyrir uppbyggingu húsnæðis og annarra mannvirkja. Jafnframt er lögð áhersla á að viðhalda öryggi og gæðum mannvirkja með markvissari og áhættumiðaðri nálgun í byggingareftirliti.

Á næstu mánuðum munu einstakir hlutar byggingarreglugerðar fara í opið samráð hjá HMS. Drög að hverjum kafla í nýrri reglugerð verða birt á vef ásamt greinargerð um breytingarnar, auk þess sem HMS mun halda opna fundi þar sem drögin eru kynnt og boðið verður upp á samtal. Hagaðilum verður í kjölfarið gefinn kostur á að koma á framfæri ábendingum og spurningum.

Fyrsti kynningarfundurinn verður haldinn fimmtudaginn 2. júlí næstkomandi í sal HMS að Borgartúni 21, kl. 14, en hann fjallar um fyrirhugaðar breytingar á byggingarreglugerð er varða innivist. Nánari upplýsingar um fundinn má finna hér, en hægt verður að skrá sig á fundinn eða fylgjast með honum í beinu streymi. 

*Áætlunin getur tekið breytingum eftir framvindu verkefnisins og niðurstöðum samráðs.

Viltu fylgjast með endurskoðun byggingarreglugerðar?

Umsóknarfrestur vegna stuðnings Burðar við flutning brunahólfandi innihurða til brunaprófana hjá DBI í Danmörku rennur út 30. júní 2026

Brunaprófanir hjá faggiltum prófunarstofum eru lykilforsenda öryggis og áreiðanleika byggingarvara

Burður styður íslenska framleiðendur með flutningi hurða til Danmerkur og aðgengi að brunaprófunum hjá DBI

Íslenskir framleiðendur brunahólfandi innihurða sem vilja nýta sér stuðning Burðar við flutning innihurða til brunaprófana hjá DBI (Danish Institute of Fire and Security Technology) í Danmörku þurfa að senda beiðni á burdur@hms.is eigi síðar en 30. júní 2026.

Þeir framleiðendur sem þegar hafa sótt um og fengið staðfestingu þurfa ekki að sækja um aftur.

Brunaprófanir hjá faggiltum prófunarstofum eru lykilforsenda þess að hægt sé að staðfesta eiginleika byggingarvara og tryggja að þær uppfylli kröfur um öryggi og gæði.

Burður er í samstarfi við DBI og felst stuðningurinn meðal annars í því að:

Annast flutning brunahólfandi hurða frá Íslandi til Danmerkur

Tryggja aðgengi íslenskra framleiðenda að brunaprófunum hjá DBI

Tengja framleiðendur við ráðgjafa DBI eftir þörfum

Framleiðendur bera sjálfir kostnað af brunaprófunum.

Rétt er að árétta að umsókn um stuðning skuldbindur framleiðendur ekki til að nýta sér hann síðar á ferlinum.

HMS gegnir leiðbeinandi hlutverki en veitir ekki ráðgjöf um framkvæmd brunaprófana. Framleiðendum er bent á að leita beint til DBI eða annarra sérfræðiráðgjafa vegna prófana.

Einnig er bent á Brunatæknifélag Íslands (BTÍ) sem þekkir vel til stuðningsins og fyrirkomulags brunaprófana.

Umsóknarfrestur vegna stuðnings við brunaprófanir 
rennur út 30. júní

Tillögur HMS að nýrri byggingarreglugerð voru kynntar á opnum fundi með ráðherra í dag

Styttri málsmeðferðartími byggingarleyfa og aukin neytendavernd með bættu eftirliti eru á meðal ætlaðra áhrifa nýrrar reglugerðar

Óþarfa stjórnsýslukröfur yrðu felldar niður og fagaðilum yrði veitt aukið svigrúm í stað þess að láta þá fylgja forskrifuðum ríkislausnum

Ný byggingarreglugerð gæti aukið samkeppnishæfni mannvirkjaiðnaðarins, styrkt neytendavernd og lækkað byggingarkostnað með því að fella niður óþarfa stjórnsýslukröfur og innleiða áhættumiðað byggingareftirlit. Þetta er meðal þess sem kemur fram í tillögum HMS um einföldun og nútímavæðingu byggingareglugerðar, sem kynntar voru á opnum fundi fyrr í dag.

HMS hefur nú þegar unnið tillögur að breyttu byggingareftirliti í nýrri byggingarreglugerð, en lesa má þær í heild sinni með því að smella á hnappinn hér að neðan.

Breytingarnar eru liður í heildstæðu átaki stjórnvalda til að einfalda regluverk á sviði mannvirkjagerðar, stuðla að skilvirkari stjórnsýslu og skapa betri skilyrði fyrir uppbyggingu húsnæðis og annarra mannvirkja. Jafnframt er lögð áhersla á að viðhalda öryggi og gæðum mannvirkja með markvissari og áhættumiðaðri nálgun í byggingareftirliti.

auka samkeppnishæfni mannvirkjaiðnaðarins með því að fella niður óþarfa stjórnsýslukröfur og innleiða áhættumiðað byggingareftirlit

styrkja neytendavernd og fækka byggingargöllum í íslenskum mannvirkjum

lækka byggingarkostnað og stuðla að aukinni nýsköpun í mannvirkjagerð

Ragnar Þór Ingólfsson, félags- og húsnæðismálaráðherra, sagðist telja verkefnið vera eitt það mikilvægasta sem ráðist hefði verið í á sviði mannvirkjamála á Íslandi um langt árabil. Um kerfisbreytingu væri að ræða. Ekki væri verið að minnka kröfurnar eða draga úr gæðum mannvirkja heldur gera reglurnar einfaldari, skýrari og markvissari. 

„Við viljum einfalda ferla þar sem það er hægt, en án þess að það komi niður á gæðum. Við viljum fella niður óþarfa stjórnsýslukröfur þar sem þær þjóna ekki skýrum tilgangi. Við viljum skýra ábyrgð þar sem hún hefur verið óljós,” sagði hann og undirstrikaði að fólk yrði að geta treyst því að húsnæðið sem það keypti, leigði eða byggi í stæðist þær kröfur sem gerðar væru til öryggis og gæða. 

Mikill ávinningur með skýrara regluverki og auknu svigrúmi

Byggingarreglugerð er eitt af lykiltækjum stjórnvalda til að tryggja öryggi, grunnkröfur um mannvirki og samfélagslega ábyrgð í mannvirkjagerð. Núverandi reglugerð er hins vegar löng og ítarleg, en hún telur alls 400 greinar og 142 blaðsíður. Sömuleiðis er reglugerðin ekki einföld yfirferðar þar sem henni hefur verið breytt 17 sinnum eftir að hafa verið gefin út árið 2012.

Á undanförnum árum hefur verið kallað eftir breytingum á reglugerðinni af hagaðilum með einföldun í huga. Þeirra á meðal var OECD, sem benti á mörg atriði til úrbóta í reglugerðinni í samkeppnismati sínu á íslenskum byggingariðnaði árið 2020.

Tillögur HMS fela í sér að kröfur í byggingarreglugerðinni byggi á skýrum markmiðum, ábyrgð og faglegri þekkingu og taki mið af fyrirhugaðri notkun mannvirkja. Fagaðilum verði því veitt aukið svigrúm við útfærslu lausna, þar sem ekki þurfi að byggja mannvirki eftir ítarlegum forskriftum. Samhliða því fela tillögurnar í sér einfaldari framsetningu og minna umfang, auk þess sem dregið er úr endurtekningum og hættu á ósamræmi á milli ákvæða reglugerðarinnar. Sem dæmi má nefna að gert er ráð fyrir að kafli um hljóðvist í nýrri reglugerð verði 70% styttri en í gildandi reglugerð.

Hluti af kerfisbreytingu í mannvirkjagerð

Á fundinum voru tillögur HMS að einföldun og nútímavæðingu byggingarreglugerðar settar í samhengi við þau verkefni sem HMS vinnur nú að og miða að því að draga úr byggingarkostnaði og auka neytendavernd. Þeirra á meðal er eitt umsóknarkerfi fyrir byggingarleyfi á Íslandi og tillögur að áhættumiðuðu byggingareftirliti með óháðum skoðunarstofum. Sjá má upptöku af fundinum hér að neðan.

Alls hafa 20 sveitarfélög tekið upp sameiginlegt umsóknarkerfi fyrir byggingarleyfi á Íslandi, en þeirra á meðal er Reykjavíkurborg. Markmið kerfisins er að stuðla að styttri afgreiðslufresti, einfaldari samskiptum og aukinni sjálfvirkni. Stefnt er að því að öll sveitarfélög á landinu verði orðin tengd við samræmda umsóknarkerfið fyrir lok árs.

Áhættumiðað eftirlit fæli í sér að umfang eftirlits yrði ákvarðað út frá helstu áhættuþáttum viðkomandi framkvæmdar, auk frammistöðu löggiltra hönnuða, iðnmeistara og fleiri. Með slíku eftirliti sem framkvæmt yrði af óháðum skoðunarstofum yrði byggingaraðilum með farsæla reynslu af framkvæmdum umbunað með minni kostnaði af eftirliti.

Á næstu mánuðum munu einstakir hlutar byggingarreglugerðar fara í opið samráð hjá HMS. Drög að hverjum kafla í nýrri reglugerð verða birt á vef ásamt greinargerð um breytingarnar, auk þess sem HMS mun halda opna fundi þar sem drögin eru kynnt og boðið verður upp á samtal. Hagaðilum verður í kjölfarið gefinn kostur á að skila inn athugasemdum.

HMS leggur til einfaldari og nútímalegri byggingarreglugerð

Eftirspurn eftir hlutdeildarlánum var umfram það fjármagn sem var til úthlutunar í júní

Alls uppfylltu 43 umsóknir skilyrði til úthlutunar en 33 umsóknir voru dregnar út

Næsta umsóknartímabil hlutdeildarlána hefst 2. júlí

HMS hefur lokið við úthlutun hlutdeildarlána í júní en alls voru 68 umsóknir til yfirferðar, þar af 34 umsóknir sem bárust í fyrri mánuðum ársins.

Í júní voru að lágmarki 458 milljónir króna til úthlutunar en heildarfjárhæð umsókna nam um 1.091 milljón króna. Eftir yfirferð umsókna reyndust 43 umsóknir uppfylla öll skilyrði til úthlutunar. Heildarfjárhæð þeirra umsókna nam um 618 milljónum króna.

Þar sem fjárhæð umsókna sem uppfylltu skilyrði var umfram það fjármagn sem var til úthlutunar þurfti að velja umsóknir af handahófi, í samræmi við forgangsreglur úthlutunar. Þetta er fjórði mánuðurinn í röð sem grípa þarf til slíks fyrirkomulags.

Alls voru 33 umsóknir dregnar út í viðurvist fulltrúa Sýslumannsins á höfuðborgarsvæðinu. Heildarfjárhæð úthlutaðra hlutdeildarlána nam um 479 milljónum króna. Samtals hlutu því 10 umsóknir ekki úthlutun í júní þrátt fyrir að uppfylla öll skilyrði. Öllum þeim umsækjendum var boðið að halda umsókn sinni opinni og færa hana yfir í úthlutun í júlí.

Í töflunni hér að neðan má sjá fjölda og fjárhæðir veittra hlutdeildarlána eftir landshlutum í júní.

Hlutdeildarlán juni

Umsóknartímabilið fyrir næstu úthlutun hlutdeildarlána stendur frá kl. 09:00 fimmtudaginn 2. júlí og til 12:00 mánudaginn 13. júlí næstkomandi. Til úthlutunar verða að lágmarki 458 milljónir króna. 

Nánari upplýsingar um hlutdeildarlán og umsóknarferlið má finna á Ísland.is.

Úthlutun hlutdeildarlána í júní

Póstlisti HMS

Útgáfuáætlun

Opnað fyrir umsóknir 2. júlí

Póstlisti HMS

Útgáfuáætlun

Fleiri fréttir

Sólarvirki (sólarsellukerfi) með kló geta verið hættulegar

Viltu fylgjast með endurskoðun byggingarreglugerðar?

Umsóknarfrestur vegna stuðnings við brunaprófanir rennur út 30. júní

HMS leggur til einfaldari og nútímalegri byggingarreglugerð

Fleiri fréttir

Sólarvirki (sólarsellukerfi) með kló geta verið hættulegar

Viltu fylgjast með endurskoðun byggingarreglugerðar?

Umsóknarfrestur vegna stuðnings við brunaprófanir rennur út 30. júní

HMS leggur til einfaldari og nútímalegri byggingarreglugerð

Úthlutun hlutdeildarlána í júní

Póstlisti HMS

Útgáfuáætlun

Opn­að fyr­ir um­sókn­ir 2. júlí

Póstlisti HMS

Útgáfuáætlun

Fleiri fréttir

Sólarvirki (sólarsellukerfi) með kló geta verið hættulegar

Viltu fylgjast með endurskoðun byggingarreglugerðar?

Umsóknarfrestur vegna stuðnings við brunaprófanir rennur út 30. júní

HMS leggur til einfaldari og nútímalegri byggingarreglugerð

Fleiri fréttir

Sólarvirki (sólarsellukerfi) með kló geta verið hættulegar

Viltu fylgjast með endurskoðun byggingarreglugerðar?

Umsóknarfrestur vegna stuðnings við brunaprófanir rennur út 30. júní

HMS leggur til einfaldari og nútímalegri byggingarreglugerð

Opnað fyrir umsóknir 2. júlí