Innan samstarfsverkefnisins Byggjum grænni framtíð starfar hópur sem hefur það hlutverk að meta losun mannvirkjageirans á Íslandi. Er þetta í fyrsta sinn sem slík vinna fer fram hér á landi.

Í hópnum sitja:– Sigríður Ósk Bjarnadóttir (hópstjóri), aðjúnkt við Umhverfis- og byggingarverkfræðideild HÍ og byggingarverkfræðingur hjá VSÓ,– Björn Marteinsson, fyrrv. dósent við Umhverfis- og byggingarverkfræðideild HÍ og sérfræðingur hjá NMÍ,– Ólafur H. Wallevik,  prófessor við Iðn- og tæknifræðideild HR og forstöðumaður hjá NMÍ,– Jukka Heinonen, prófessor við Umhverfis- og byggingarverkfræðideild HÍ og– Sigurður L. Thorlacius, umhverfisverkfræðingur hjá Eflu.

Þriðjudaginn 1. júní var haldin opin málstofa á Teams, þar sem Sigríður, Björn og Jukka kynntu störf hópsins, gagnaöflun hans og aðferðafræðina við matið á losuninni. Í framhaldinu gafst fundargestum tækifæri til að koma með spurningar og ábendingar til hópsins í sérstökum umræðutíma.

Hér má nálgast upptöku af málstofunni.