Húsnæðis- og mannvirkjastofnun

Mínar síður

Upphafsfundur með sveitarfélögum varðandi framkvæmd rammasamnings um aukið framboð húsnæðis

Útgáfuáætlun

Hér má sjá útgáfuáætlun HMS

Þriðjudaginn 13.september kl.12.00 verður haldinn upphafsfundur um rammasamning á milli ríkis og sveitarfélaga um aukið framboð íbúða á árunum 2023-2032. Fundurinn verður haldinn hjá HMS í Borgartúni 21 en honum verður jafnframt streymt í gegnum Teams.

Fram til þessa hefur vantað skýra sýn hversu margar íbúðir þarf að byggja á hverjum tíma á landinu. Í fyrsta sinn hafa ríki og sveitarfélög gert með sér samkomulag um sameiginlega sýn á aðgerðir og umbætur á húsnæðismarkaði til tíu ára.

Á fundinum mun Sigurður Ingi Jóhannsson, innviðaráðherra, fara yfir umgjörð rammasamningsins og vinnuna sem er framundan í þeim efnum. Á næstunni mun fara fram náið samtal milli ríkisins og sveitarfélaga landsins þar sem staðan verður metin og verkefnið unnið áfram á þeim grundvelli.

Dagskrá fundarins:

  • Sigurður Ingi Jóhannsson, innviðaráðherra
  • Karl Björnsson, framkvæmdastjóri Sambands íslenskra sveitarfélaga
  • Elmar Erlendsson, teymisstjóri húsnæðisáætlana hjá HMS

Fundarstjóri: Karlotta Halldórsdóttir, samskiptastjóri HMS

Við biðjum fólk vinsamlegast um að skrá sig á fundinn en hann fer fram í húsakynnum HMS að Borgartúni 21 en fundinum verður jafnframt streymt. Hlekk á streymið má nálgast hér. Boðið verður upp á léttar veitingar.

Skráning fer fram hér.

Hlökkum til að sjá þig.