Föstudaginn 4. desember sl. var kveðinn upp dómur í Héraðsdómi Reykjavíkur í máli nr. E-3141/2020 þar sem innheimta ÍL-sjóðs á uppgreiðsluþóknun var talin ólögmæt. Nú er unnið að því á vegum ÍL-sjóðs að yfirfara dóminn og meta næstu skref, þar á meðal hvort niðurstöðunni verði áfrýjað til Landsréttar. Búast má við því að sú ákvörðun verði tekin fljótlega. Húsnæðis- og mannvirkjastofnun þjónustar lánasafn ÍL-sjóðs og sér á þeim grundvelli um samskipti við viðskiptavini fyrir hönd ÍL-sjóðs. HMS mun birta á heimasíðu sinni frekari upplýsingar um málið og framgang þess eftir því sem tilefni er til.

Athugið að eingöngu var í boði að taka lán með uppgreiðsluþóknun hjá Íbúðalánasjóði á tímabilinu 2005 til 2013. Engin lán veitt eftir 1. nóvember 2013 bera uppgreiðslugjald.