Íbúðalánasjóður og Félagsmálaráðuneytið boða til opins fundar á Hilton Reykjavík Nordica miðvikudaginn 29. maí. Tilgangur fundarins er að kalla eftir opinni umræðu um hvernig breytingar á húsaleigulögum geti best tryggt öryggi á leigumarkaði.

Síðastliðið haust skipaði forsætisráðherra átakshóp um aukið framboð á íbúðum og aðrar aðgerðir til það bæta stöðu á húsnæðismarkaði. Meðal tillagna er lagt til að fram fari endurskoðun á ákvæðum húsaleigulaga til að bæta réttarstöðu leigjenda.

Til þess að endurskoðun á húsnæðislögum verði vönduð og í samræmi við sett markmið kalla Íbúðalánasjóður og ráðuneytið eftir opinni umræðu um hvernig breytingar geti best tryggt öryggi á leigumarkaði og aukinn rétt leigjenda. Það er á þeim grundvelli sem Leigudagurinn er haldinn í Reykjavík þann 29. maí á Hilton Nordica.

Húsið opnar kl. 8:30 þegar boðið verður upp á létta morgunhressingu og hefst dagskráin stundvíslega kl. 9:15 og lýkur kl. 14:15. Dagskráin verður í formi stuttra erinda, vinnustofa og pallborðsumræðna.

Einnig verður boðið upp á léttan hádegisverð fyrir fundarmenn. Athugið að sætaframboð er takmarkað og því er æskilegt að fólk skrái sig.