HMS mun á næstu mánuðum hefja aftur útgáfu af svonefndum Rb-blöðum, sem eru tækni- og leiðbeiningablöð um mannvirkjagerð. Viðfangsefni Rb-blaða hafa verið fjölbreytt í gegnum tíðina og mun HMS birta blöð í lok hvers mánaðar sem tengjast málefnum líðandi stundar. Rb-blað mánaðarins er í þetta skiptið tvö blöð.

Með hækkandi sól er gjarnan farið í framkvæmdir á borð við pallasmíði, gluggaísetningar, uppsetningu heitra potta og frágang svala. Rb-blöð um svalir og frágang og öryggi lauga og setlauga með tilliti til barna varð því fyrir valinu.

Sval­ir – sól­ver­önd

Fyrra blaðið fjallar um svalir við íbúðir. Mikilvægt er að huga vel að skipulagi svala, nýtingu þeirra og öryggisatriðum. Sömuleiðis er mikilvægt að svalirnar skapi gott skjól og að á þeim sé gert ráð fyrir vatnsniðurfalli, öryggisyfirfalli, lýsingu og innstungu fyrir rafmagn.

Frá­gang­ur og ör­yggi við laug­ar og set­laug­ar með til­liti til barna

Seinna blaðið fjallar um hvernig megi minnka slysahættu í og við setlaugar og laugar við heimahús. Margt ber að hafa í huga við framkvæmdir og eitt af því mikilvægasta snýr að öryggi notenda. Sérstaklega varðandi frágang og öryggi við laugar og setlaugar. 

Við kaup og uppsetningu á heitum potti þarf til dæmis að gæta að læstu loki, að hæð girðingar og slysahættu varðandi niðurfallsristar.