29. janúar 2025
28. janúar 2025
Rb-blað mánaðarins
Útgáfuáætlun
Hér má sjá útgáfuáætlun HMS
HMS hefur endurvakið útgáfu á svonefndum Rb-blöðum, sem eru tækni- og leiðbeiningablöð um mannvirkjagerð. Viðfangsefni Rb-blaða hafa verið fjölbreytt í gegnum tíðina. Í tilefni útgáfu nýrra blaða endurútgefur HMS eldri blöð í lok hvers mánaðar sem tengjast málefnum líðandi stundar.
Rb-blað mánaðarins fjallar í þetta skiptið um rakaþéttingu á gluggum til að koma í veg fyrir móðu, hélu, hrím og ís.
- Rb-blað mánaðarins var gefið út í apríl 2008 og fjallar um móðu og ís á gluggum vegna rakaþéttingar. Einnig er bent á ástæður fyrir rakaþéttingu og tilgreindar leiðir til úrbóta. Blaðið má nálgast með því að smella á þennan hlekk.
- Önnur útgefin Rb-blöð má nálgast með því að smella á þennan hlekk.
Rakaþétting á gluggum – móða, héla, hrím og ís
Í kuldaköstum getur rakaþétting á gluggum orðið að vandamáli. Slíkar rakaþéttingar geta valdið tjóni á tréverki í kringum glugga og skilið eftir ljót verksummerki.
Mikilvægt er að bregðast við móðu- og rakaþéttingu með fyrirbyggjandi aðgerðum. Skemmdir á gluggum geta stuðlað að stuttum líftíma byggingarvara og fúa og myglu svo dæmi séu tekin.
Meðal fyrirbyggjandi ábendinga eru að:
- Auka hitastig varmagjafa undir gluggum þegar útihitastig lækkar.
- Nota ekki rakaúðara.
- Þurrka þvott í tauþurrkara sem blæs röku lofti út.
- Staðsetja gluggatjöld það langt frá vegg að hlýtt loft geti farið á milli glers og gluggatjalda.
Útgáfuáætlun
Hér má sjá útgáfuáætlun HMS
