Vísitala íbúðaverðs á höfuðborgarsvæðinu hækkaði um 0,6% á milli febrúar og mars samkvæmt nýlega birtum tölum Þjóðskrár Íslands. Árshækkun vísitölu íbúðaverðs mælist nú 4,3% samanborið við 7,7% árshækkun í  mars í fyrra.Raunverð íbúða á höfuðborgarsvæðinu (þ.e. vísitala íbúðaverðs í hlutfalli við vísitölu neysluverðs) hækkaði örlítið á milli mánaða, eða um 0,05%. Árshækkun raunverðs íbúða mælist nú 1,3% samanborið við 0,7% í febrúar en vísitala íbúðaverðs hefur hins vegar nokkurn veginn staðið í stað á undanförnu hálfu ári. Nánar tiltekið mælist nú um 0,4% lækkun í vísitölunni að raunvirði frá september 2018 en 0% breyting frá því í júní í fyrra. Verð fjölbýlis hækkaði um 0,6% og sérbýlis um 0,5% milli febrúar og mars. Tólf mánaða hækkunartaktur sérbýlis mælist nú um 6,6%, samanborið við 4,8% í febrúar. Verð fjölbýlis hefur hækkað um 3,5% frá mars í fyrra en 12 mánaða hækkun mældist í þeim flokki um 3,1% í febrúar. Ef horft er til þróunar raunverðs eftir tegund íbúða sem seljast á höfuðborgarsvæðinu kemur í ljós að um 0,7% lækkun mælist í raunverði íbúða í sérbýli síðastliðna 6 mánuði, samanborið við 0,3% lækkun íbúða í fjölbýli yfir sama tímabil. Líkt og fjallað var um í síðustu mánaðarskýrslu Íbúðalánasjóðs má gera ráð fyrir að að fermetraverð sé að öllu jöfnu hærra í nýbyggingum sem eru að koma inn á markaðinn en á eldri íbúðum. Sá mismunur sem kemur fram í þróun raunverðs eftir tegund íbúða er því hugsanlega eitthvað litaður af því að hlutfall íbúða í fjölbýli er talsvert hærra en íbúða í sérbýli af þeim nýbyggingum sem hafa verið að koma inn á markaðinn að undanförnu. Fyrstu þrjá mánuði þessa árs var alls 1.809 kaupsamningum þinglýst á höfuðborgarsvæðinu. Það er um 12% aukning í fjölda kaupsamninga frá sama tímabili í fyrra þegar 1.617 kaupsamningum var þinglýst. Veltuaukning mælist um 15,4% yfir sama tímabil á föstu verðlagi.

Vísitala íbúðaverðs á höfuðborgarsvæðinu hækkaði um 0,6% á milli febrúar og mars samkvæmt nýlega birtum tölum Þjóðskrár Íslands. Árshækkun vísitölu íbúðaverðs mælist nú 4,3% samanborið við 7,7% árshækkun í  mars í fyrra.Raunverð íbúða á höfuðborgarsvæðinu (þ.e. vísitala íbúðaverðs í hlutfalli við vísitölu neysluverðs) hækkaði örlítið á milli mánaða, eða um 0,05%. Árshækkun raunverðs íbúða mælist nú 1,3% samanborið við 0,7% í febrúar en vísitala íbúðaverðs hefur hins vegar nokkurn veginn staðið í stað á undanförnu hálfu ári. Nánar tiltekið mælist nú um 0,4% lækkun í vísitölunni að raunvirði frá september 2018 en 0% breyting frá því í júní í fyrra. Verð fjölbýlis hækkaði um 0,6% og sérbýlis um 0,5% milli febrúar og mars. Tólf mánaða hækkunartaktur sérbýlis mælist nú um 6,6%, samanborið við 4,8% í febrúar. Verð fjölbýlis hefur hækkað um 3,5% frá mars í fyrra en 12 mánaða hækkun mældist í þeim flokki um 3,1% í febrúar. Ef horft er til þróunar raunverðs eftir tegund íbúða sem seljast á höfuðborgarsvæðinu kemur í ljós að um 0,7% lækkun mælist í raunverði íbúða í sérbýli síðastliðna 6 mánuði, samanborið við 0,3% lækkun íbúða í fjölbýli yfir sama tímabil. Líkt og fjallað var um í síðustu mánaðarskýrslu Íbúðalánasjóðs má gera ráð fyrir að að fermetraverð sé að öllu jöfnu hærra í nýbyggingum sem eru að koma inn á markaðinn en á eldri íbúðum. Sá mismunur sem kemur fram í þróun raunverðs eftir tegund íbúða er því hugsanlega eitthvað litaður af því að hlutfall íbúða í fjölbýli er talsvert hærra en íbúða í sérbýli af þeim nýbyggingum sem hafa verið að koma inn á markaðinn að undanförnu. Fyrstu þrjá mánuði þessa árs var alls 1.809 kaupsamningum þinglýst á höfuðborgarsvæðinu. Það er um 12% aukning í fjölda kaupsamninga frá sama tímabili í fyrra þegar 1.617 kaupsamningum var þinglýst. Veltuaukning mælist um 15,4% yfir sama tímabil á föstu verðlagi.