Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Skipulag

Stofnframlög

Umhverfismat

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Umhverfismatsdagurinn 2026 fór fram þann 4. júní

Fjallað var um einföldun leyfisveitinga, fordæmisgefandi úrskurði, stjórn vatnamála og stefnu um líffræðilega fjölbreytni

Í pallborði var farið yfir áskoranir og tækifæri í umhverfismati  t.d. hvað varðar einföldun leyfisveitinga og í kjölfar nýlegra úrskurða

Umhverfismatsdagurinn 2026 var haldinn í gær, þann 4. júní 2026. Jóhann Páll Jóhannsson, umhverfis- orku og loftslagsráðherra, flutti ávarp í upphafi fundar, fjölbreytt erindi fylgdu í kjölfarið og pallborðsumræður settu lokapunkt. Á dagskrá var einföldun regluverks og leyfisveitingaferla, úrskurðir sem fallið hafa nýlega og þýðing þeirra fyrir umhverfismat auk yfirferðar um stjórn vatnamála og mati á áhrifum á vatnshlot og stefnu um líffræðilega fjölbreytni.

Í pallborðsumræðum voru viðfangsefni dagsins rædd, áskoranir og tækifæri við einföldun regluverks umhverfismats og áhrif nýlegra úrskurða á störf þátttakenda við gerð umhverfismats.

Hlýða má á erindi dagsins í spilaranum hér fyrir neðan, tímasetning hvers erindis er tiltekin fremst.

Erindi og tímasetningar erinda í upptöku

17:45 Ávarp ráðherra, Jóhann Páll Jóhannsson, umhverfis-, orku- og loftslagsráðherra.

30:38 Ávarp Ólafs Árnasonar, framkvæmdarstjóra skipulags- og umhverfismatssviðs HMS.

44:00 Aukin skilvirkni við leyfisveitingar framkvæmda. Magnús Dige Baldursson, lögfræðingur, Umhverfis-, orku- og loftslagsráðuneytið.

1:28 Vendingar í nýlegum úrskurðum og þýðing þeirra. Ottó Björgvin Óskarsson, lögfræðingur á skipulags- og umhverfismatssviði HMS.

1.46.14 Stjórn vatnamála - Vatnaáætlun, vatnshlot og umhverfismarkmið. Marianne Jensdóttir Fjeld, verkefnastjóri, Umhverfis- og orkustofnun. 

2.06.45 Mat á áhrifum framkvæmda og starfsemi á vatnshlot, Eydís Salome Eiríksdóttir, jarðefnafræðingur hjá Hafrannsóknastofnun.

2.29.19 Líffræðileg fjölbreytni í umhverfismati: Stefna stjórnvalda og nýjar áherslur í framkvæmd, Salome Hallfreðsdóttir sérfræðingur, skrifstofa náttúru og minjaverndar, Umhverfis-, orku og loftslagsráðuneyti. 

2.43.36 Umræður í pallborði. Í pallborði voru Erla Björg Aðalsteinsdóttir hjá VSÓ Ráðgjöf, Ólafur Árnason hjá HMS, Ragnhildur Gunnarsdóttir hjá Eflu, Rut Kristinsdóttir hjá Landsnet.

Fasteignaskrá HMS verður óaðgengileg frá kl. 17 á föstudag til kl. 13 á sunnudag vegna uppfærslu á gagnagrunnum

Ýmis kerfi og þjónustur verða einnig óaðgengilegar á meðan á uppfærslu stendur

Truflanir verða á vefþjónustum fasteignaskrár og kerfum sem nýta gögn úr henni auk þess sem sumar upplýsingar verða óaðgengilegar á Ísland.is

Uppfærsla á gagnagrunnum fasteignaskrár fer fram helgina 5.– 7. júní. Á meðan á uppfærslu stendur verður grunnurinn óaðgengilegur sem mun hafa áhrif á ýmis kerfi og þjónustur.

Gert er ráð fyrir að vinna við uppfærsluna hefjist um kl. 17:00 á föstudaginn og verði lokið um kl. 13:00 á sunnudaginn.

Meðal þeirra kerfa sem verða óaðgengileg eru

Skráningarkerfi byggingarfulltrúa (Bygging)

Upplýsingar um leigusamninga og húsnæðisbætur á Mínum síðum HMS

Auk þess verður ekki hægt að nálgast upplýsingar um fasteignir, þinglýst skjöl og vottorð frá sýslumanni á mínum síðum á Ísland.is 

Fasteignaskrá lokuð vegna kerfisuppfærslu 5-7 júní

Um 29 prósent einstæðra foreldra á Íslandi fengu húsnæðisbætur í maí

Langflestir þeirra búa í leiguhúsnæði sem er í einkaeigu

HMS greiddi 970 milljónir í húsnæðisstuðning í maí

HMS greiddi alls 970 milljónir króna í húsnæðisstuðning til 17.710 heimila á leigumarkaði vegna leigu í maí 2026. Einstæðir foreldrar voru um 21 bótaþega í mánuðinum en gera má ráð fyrir að um 29 prósent allra einstæðra foreldra á landinu þiggi húsnæðisbætur samkvæmt upplýsingum sem unnar hafa verið upp úr húsnæðisbótagrunni HMS.

Fimmtungur þeirra sem þáðu húsnæðisbætur í maí eru einstæðir foreldrar

Af þeim sem fengu greiddar bætur í mánuðinum voru um 3.653 einstæðir foreldrar, eða tæplega 21 prósent. Samkvæmt gögnum Hagstofunnar eru um 12.639 einstæðir foreldrar á landinu og því má gera ráð fyrir að um 29 prósent allra einstæðra foreldra á Íslandi hafi þegið húsnæðisbætur í maí.

Stór hluti einstæðra foreldra á Íslandi þiggur þannig ekki húsnæðisbætur, en þar að baki kunna að liggja ýmsar skýringar. Húsnæðisbætur eru til að mynda ekki greiddar til þeirra sem búa í eigin húsnæði, en ekki liggur fyrir hversu hátt hlutfall einstæðra foreldra er á leigumarkaði á Íslandi. Þá kann að vera að einhverjir einstæðir foreldrar séu með of háar tekjur eða eignir til að eiga rétt á húsnæðisbótum.

Einstæðir foreldrar búa að stærstum hluta í leiguhúsnæði í einkaeigu

Stærstur hluti einstæðra foreldra sem þiggur húsnæðisbætur býr í húsnæði í einkaeigu, eða um 79 prósent, líkt og sjá má á myndinni hér að neðan. Minni hluti býr í félagslegu húsnæði og afar fáir búa í öðrum búsetuformum. Þetta bendir til þess að stuðningurinn nýtist að mestu leyti til heimilum sem leigja íbúðir í einkaeigu.

Húsnæðisbætur eru þannig mikilvægur stuðningur fyrir um þriðjung einstæðra foreldra,  sérstaklega þá sem leigja íbúðir sem eru í einkaeigu. Hins vegar þiggur stór hluti einstæðra foreldra ekki húsnæðisbætur sem getur haft ýmsar skýringar sem vert er að skoða nánar.

Tæpur milljarður króna var greiddur í húsnæðisstuðning vegna leigu í maí

Þann 1. júní síðastliðinn greiddi HMS um 970 milljónir króna í húsnæðisstuðning til leigjenda vegna leigu í maí. Greiðslurnar styðja við þúsundir heimila um land allt og miða að því að draga úr húsnæðiskostnaði tekju- og efnaminni leigjenda og auka húsnæðisöryggi þeirra.

Húsnæðisstuðningurinn skiptist í tvo meginflokka, annars vegar almennar húsnæðisbætur og hins vegar sérstakan húsnæðisstuðning sveitarfélaga.

Stærsti hluti greiðslna í maí var vegna almennra húsnæðisbóta. HMS greiddi tæpar 936 milljónir króna til um 17.710 heimila í almennar húsnæðisbætur. Þetta samsvarar um þriðjungi af áætlaðri stærð leigumarkaðarins, en HMS áætlar að hann telji um 50 þúsund heimili.

Auk þess greiddi HMS sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Í maí voru greiddar tæpar 34 milljónir króna til 1.101 heimila í Kópavogi og 87 heimila í Skagafirði. Sérstakur húsnæðisstuðningur er á vegum sveitarfélaganna og er honum ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna.

Tæplega þrír af hverjum tíu einstæðum foreldrum fengu húsnæðisbætur í maí

Húsnæðis-, mannvirkja- og skipulagsstofnun (HMS) hefur gefið út álit um umhverfismat fyrirhugaðar Sundabrautar á milli Sæbrautar og Kjalarness. Vegagerðin er framkvæmdaraðili Sundabrautar og ber ábyrgð á umhverfismati framkvæmdarinnar en  verkefnið unnið í samráði við Reykjavíkurborg.

Lagning Sundabrautar er umfangsmikið og flókið verkefni. Umhverfismat framkvæmdarinnar er viðamikið og felur í sér úrlausn fjölda ólíkra álitaefna. Vegagerðin hefur aflað umfangsmikilla gagna til að upplýsa um umhverfisáhrif framkvæmdarinnar og fyrir liggur fjöldi umsagna um málið frá einstaklingum, félagasamtökum, stofnunum og öðrum hagsmunaaðilum.

Að mati Húsnæðis-, mannvirkja og skipulagsstofnunar ná framlögð gögn, auk umsagna og frekari upplýsinga sem Vegagerðin lagði fram að loknum kynningartíma, að varpa fullnægjandi ljósi á umhverfisáhrif framkvæmdarinnar.

Eins og gefur að skilja þegar svo umfangsmikil framkvæmd á í hlut er uppi óvissa varðandi tiltekna þætti sem voru til umfjöllunar í umhverfismatinu. Í sumum tilvikum eru áhrif háð frekari útfærslu og hönnun sem mun eiga sér stað á síðari stigum undirbúnings framkvæmdarinnar en í öðrum tilvikum hefur umhverfismatið dregið fram þætti sem þarf að rannsaka betur. Nánari skoðun á ákveðnum þáttum er því nauðsynleg samhliða frekari hönnun á framkvæmdinni og undirbúning á skipulagi í samvinnu við Reykjavíkurborg. 

Álit HMS og önnur gögn málsins má sjá á Skipulagsgátt

Álit HMS um umhverfismat Sundabrautar hefur verið gefið út

Íslenskir framleiðendur brunahólfandi hurða sem vilja nýta sér stuðning Burðar við flutning hurða til brunaprófana hjá DBI í Danmörku þurfa að senda beiðni á burdur@hms.is fyrir 30. júní 2026

Brunaprófanir eru lykilforsenda öryggis og áreiðanleika byggingarvara

Burður styður framleiðendur með flutningi hurða til Danmerkur og aðgengi að brunaprófunum hjá DBI. Framleiðendur bera sjálfir kostnað af prófunum

Íslenskir framleiðendur brunahólfandi hurða þurfa að senda beiðni fyrir 30 júní n.k. hyggist þeir nýta sér stuðning Burðar við flutning á hurðum til DBI vegna brunaprófana. Það gera þeir með því að senda póst á burdur@hms.is.

HMS áréttar mikilvægi þess að byggingarvörur sæti prófunum hjá faggiltum prófunarstofum. Slíkar prófanir eru forsenda þess að hægt sé að treysta vörunum, bæði hvað varðar öryggi og að þær hafi raunverulega þá eiginleika sem framleiðandi þeirra gefur upp.

Burður er í samtali við DBI (Danish Institute of Fire and Security: DBI - Danish Institute of Fire and Security Technology) og mun stuðningur við íslenska framleiðendur m.a. felast í því að Burður:

Hafi umsjón með flutningi á hurðum frá hópi íslenskra framleiðenda frá Íslandi til Danmerkur

Tryggi aðgengi að brunaprófunum hjá DBI

Tengi saman íslenska framleiðendur við ráðgjafa DBI eftir þörfum

Athygli er vakin á því að framleiðendur bera sjálfir kostnað af prófunum á sínum vörum.

Rétt er að nefna að HMS sinnir leiðbeinandi hlutverki en stofnunin mun ekki veita ráðgjöf varðandi prófanir og er mönnum bent á að leita beint til DBI eða annarra ráðgjafa.

Einnig er bent á Brunatæknifélag Íslands (BTÍ: BTI – Brunatæknifélag Íslands), sem þekkir til framangreindan stuðning og fyrirkomulag.

Prófanir brunahólfandi hurða – beiðni um stuðning þarf að berast fyrir 30 júní

Prófanir brunahólfandi hurða – beiðni um stuðning þarf að berast fyrir 30 júní

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Fróðlegur Umhverfismatsdagur að baki

Fasteignaskrá lokuð vegna kerfisuppfærslu 5-7 júní

Tæplega þrír af hverjum tíu einstæðum foreldrum fengu húsnæðisbætur í maí

Álit HMS um umhverfismat Sundabrautar hefur verið gefið út

Fleiri fréttir

Fróðlegur Umhverfismatsdagur að baki

Fasteignaskrá lokuð vegna kerfisuppfærslu 5-7 júní

Tæplega þrír af hverjum tíu einstæðum foreldrum fengu húsnæðisbætur í maí

Álit HMS um umhverfismat Sundabrautar hefur verið gefið út