Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur og lán

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Mánaðarskýrsla HMS fyrir maí 2025 er komin út, en hana má nálgast með því að smella á hnappinn hér fyrir neðan. Í skýrslunni kemur meðal annars fram að á fyrsta ársfjórðungi á fasteignamarkaði fækkuðu ungum kaupendum og hafa þeir nær aldrei verið færri á einum ársfjórðungi frá árinu 2014. Á leigumarkaði má greina mun á gerð leigusamninga eftir að óheimilt var að vísitölubinda styttri leigusamninga.

Gogn_manadarskyrsla_mai25.xlsx

Ungum kaupendum fækkar verulega milli ársfjórðunga

Á fasteignamarkaði voru umsvif á fyrsta ársfjórðungi áþekk því sem þau voru á sama tíma í fyrra. Ungum kaupendum hefur hins vegar fækkað á þessu tímabili úr 685 í 394 og hafa þeir nær aldrei verið færri á einum ársfjórðungi frá árinu 2014.

HMS sendir nú út mánaðarlegar spurningakannanir til fasteignasala þar sem spurt er um viðhorf þeirra til fasteignamarkaðarins. Í fyrstu könnuninni, sem framkvæmd var í byrjun maí, telur meirihluti svarenda að núverandi virkni á fasteignamarkaði sé frekar lítil eða lítil miðað við árstíma.

Minna um vísitölubindingu hjá styttri samningum um markaðsleigu eftir lagabreytingu

Á leigumarkaði má greina mun á gerð leigusamninga eftir að óheimilt var að vísitölubinda styttri leigusamninga með lagabreytingu sem tók gildi í september 2024. Tæpur helmingur styttri samninga á hagnaðardrifnum leigumarkaði var vísitölubundinn fyrir lagabreytingu en um 7% þeirra eru nú bundin við vísitölu.

Húsnæðisbætur hafa hækkað töluvert á síðustu sjö árum, en þó ekki jafnmikið og markaðsleiga. Meðalfjárhæð húsnæðisbóta hækkaði um 63 prósent frá ársbyrjun 2017 til ársbyrjunar 2025, en vísitala leiguverðs hækkaði um 75 prósent á sama tíma.

Á lánamarkaði geta heimili ekki tekið jafnhá lán og þau gátu fyrir þremur árum síðan vegna vaxta og strangari lánþegaskilyrða Seðlabankans. Frá árinu 2022 hefur ný lántaka á hvern kaupsamning minnkað um 45 prósent að raunvirði, þrátt fyrir að fasteignaverð hafi hækkað umfram verðlag.

Ný lántaka á hvern kaupsamning hefur ekki verið minni frá árinu 2016 þrátt fyrir töluverða eftirspurn á fasteignamarkaði sem bendir til þess að eftirspurn sé haldið uppi af efnameiri kaupendum.

Nýbyggingum fækkar lítillega og stöðug uppbygging frá áramótum

Á byggingarmarkaði hafa alls 1.127 nýjar íbúðir verið fullbúnar frá áramótum, sem eru álíka margar íbúðir og á sama tímabili í fyrra. Uppbygging hefur verið stöðug á síðustu mánuðum, sem bendir til þess að nýjar framkvæmdir hefjist á svipuðum hraða og eldri verkefnum er lokið.

Mánaðarskýrsla HMS fyrir apríl er komin út.

Brák íbúðafélag hses. er að ljúka við byggingu á fjögurra íbúða raðhúsi á Reykhólum í Reykhólahreppi.

Byggingaraðilinn Búðingar ehf. hóf framkvæmdir við bygginguna í lok síðasta sumars. Húsið er byggt úr forsmíðuðum timbureiningum sem fluttar eru á verkstað og er framkvæmdartíminn því einungis tæplega 12 mánuðir. Íbúðirnar eiga að fara í útleigu í byrjun sumars og eru þær ætlaðar fyrir tekju- og eignaminni heimili.

Verkefnið fékk samþykkt stofnframlag í fyrstu úthlutun HMS árið 2023. Fjármögnun verkefnisins er unnin með stuðningi stofnframlaga ríkis og sveitarfélags ásamt leiguíbúðaláni frá HMS. Verkefnið er í samræmi við húsnæðisáætlun sveitarfélagsins en samkvæmt henni er þörf fyrir 25 íbúðir á næstu fimm árum eða um fimm íbúðir á ári. Á síðasta ári fjölgaði íbúum í sveitarfélaginu um 10 manns en fjöldi íbúða stóð í stað.

Brák er rekið án hagnaðarmarkmiða og er ætlað að tryggja tekjuminni fjölskyldum aðgengi að íbúðum í langtímaleigu með því að kaupa eða byggja, eiga og hafa umsjón með rekstri og viðhaldi íbúðanna. Í dag eru 35 sveitarfélög um allt land sem eru aðilar að Brák og er félagið með rúmlega 300 íbúðir sem ýmist eru komnar í útleigu eða eru í undirbúningi.

„Verkefni Brákar skiptir sköpum fyrir Reykhólahrepp, nýir íbúar okkar fá loks húsnæði við hæfi,“ segir Ingibjörg Birna Erlingsdóttir, sveitarstjóri Reykhólahrepps.

Verkefnið er hluti af Tryggð byggð - samstarfsvettvangi um húsnæðisuppbyggingu á landsbyggðinni.

Vísitala leiguverðs hækkaði á milli mánaða í apríl og mældist 121,9 stig

Vísitalan hækkaði um 11 prósent á milli aprílmánaða 2024 og 2025, á meðan verðbólga mældist 4,2 prósent á sama tímabili

Markaðsleiga hækkaði um 6,6 prósent að raunvirði á ársgrundvelli í apríl, samanborið við 7,3 prósenta raunverðshækkun í mars

Vísitala leiguverðs á höfuðborgarsvæðinu mældist 121,9 stig og hækkaði um 1,33 prósent á milli mánaða í apríl. Á síðustu tólf mánuðum hefur vísitala leiguverðs hækkað um 11,02 prósent, á sama tíma og verðbólga mældist 4,2 prósent og vísitala íbúðaverðs hækkaði um 7,63 prósent. Leiguverð hækkaði því um 6,6 prósent að raunvirði á milli aprílmánaða 2024 og 2025.

Á meðfylgjandi mynd má sjá mánaðarlega breytingu á vísitölu leiguverðs ásamt gildum hennar síðustu 12 mánuði.

Vísitala leiguverðs byggir á vegnu meðaltali leiguverðs á fermetra hjá hefðbundnum íbúðum í eigu einstaklinga og hagnaðardrifinna leigufélaga. Niðurstöður eru vegnar saman með veltu íbúða með sama herbergjafjölda á síðustu 12 mánuðum. Stuðst er við nýskráða leigusamninga síðastliðinna tveggja mánaða við útreikning vísitölunnar, svo aprílgildi hennar tekur mið af leigusamningum í mars og apríl.

Leiguverðsjá sýnir einnig hækkun á milli mánaða í apríl

Hægt er að nálgast upplýsingar um leigusamninga í leiguverðsjá HMS, þar sem leigusalar og leigjendur geta nálgast upplýsingar um markaðsverð íbúða og fjölda leigusamninga í hverjum mánuði.

Fermetraverð markaðsleigu var að meðaltali 3.939 kr. í febrúar og mars og 4.014 kr. í mars og apríl. Fermetraverð markaðsleigu á höfuðborgarsvæðinu hækkaði þar með um 1,9 prósent. Hafa ber þó í huga að leiguverðsjáin sýnir ekki leiguverð einstakra samninga, einungis meðaltöl.

Mæla­­­­borð fyr­­­­­ir vísi­­­­­töl­­­­­ur HMS

Mælaborð fyrir vísitölur HMS um íbúða- og leiguverð er aðgengilegt á vef HMS. Þar er hægt að nálgast þróun vísitölu leiguverðs á höfuðborgarsvæðinu, auk þess er hægt að nálgast eldri og sameinaðar vísitölur leiguverðs.

Vísitala leiguverðs hækkaði um 1,33 prósent á milli mánaða í apríl 2025

Íbúðaverð hækkaði á milli mánaða í apríl og mældist 111,4 stig

Á síðustu tólf mánuðum hefur íbúðaverð hækkað um 7,63 prósent, en árshækkunin nam 7,98 prósent í mars

Íbúðaverð hækkaði minna að raunvirði og nam 3,3 prósent í apríl, samanborið við 4,05 prósenta hækkun í mars og 4,06 prósent í febrúar

Vísitala íbúðaverðs mældist 111,4 stig í mars og hækkaði um 0,45 prósent á milli mánaða. Á síðustu tólf mánuðum hefur íbúðaverð hækkað um 7,63 prósent, á sama tíma og verðbólga mældist 4,2 prósent.

Mánaðarhækkun íbúðaverðs hefur verið undir 0,5 prósentum á síðustu þremur mánuðum, en á síðustu 12 mánuðum hefur mánaðarbreyting íbúðaverðs verið að meðaltali um 0,6 prósent. Á mynd hér að neðan má sjá mánaðarbreytingu vísitölu íbúðaverðs á síðustu mánuðum.

Taflan hér að neðan sýnir vísitöluna, ásamt mánaðarhækkun hennar og 12 mánaða hækkun, auk fjögurra undirvísitalna fjölbýlis og sérbýlis á landsbyggðinni og á höfuðborgarsvæðinu.

Vísitala | Gildi | Breyting á milli mánaða | 12 mánaða breyting

Vísitala íbúðaverðs fyrir apríl 2025

Verð á fjölbýlum á höfuðborgarsvæðinu helst óbreytt milli mánaða

Verð á fjölbýlum á höfuðborgarsvæðinu helst óbreytt milli mánaða þar sem undirvísitala slíkra eigna mældist það sama í apríl og í mars. Verð á fjölbýliseignum á höfuðborgarsvæðinu hefur haldist stöðugt síðustu þrjá mánuði, en þriggja mánaða verðbreyting á fjölbýlum á höfuðborgarsvæðinu mældist -0,2 prósent.

Mánaðarhækkun íbúðaverðs var mest hjá fjölbýlum á landsbyggðinni og næst mest hjá sérbýlum á höfuðborgarsvæðinu, en mánaðarhækkun fjölbýla á landsbyggðinni nam yfir tveimur prósentustigum.

Íbúðaverð heldur áfram að hækka umfram verðlag á landinu öllu en hækkaði minna í apríl samanborið við mars. Raunverðshækkun nam 3,3 prósent í apríl. Til samanburðar hækkaði raunverð íbúða um 4,06 prósent á milli marsmánaða 2024 og 2025.

Mælaborð fyrir vísitölur HMS um íbúða- og leiguverð er aðgengilegt á vef HMS. Þar er hægt að nálgast þróun vísitölu íbúðaverðs, ásamt vísitölu íbúðaverðs á höfuðborgarsvæðinu og landsbyggð.

Einnig sýnir mælaborðið undirvísitölur íbúðaverðs og eldri vísitölu íbúðaverðs á höfuðborgarsvæðinu fyrir tímabilið 1994-2024 sem var birt á vef Fasteignaskrár, auk sameiginlegrar vísitölu, sem er byggð á eldri vísitölum íbúðaverðs fyrir tímabilið 1981-2024 og nýrri undirvísitölu íbúðaverðs á höfuðborgarsvæðinu og tekur gildið 100 í janúar 2024.

Vísitala íbúðaverðs hækkaði um 0,45 prósent á milli mánaða í apríl 2025

Stofnframlögum þegar úthlutað vegna 2.899 almennra íbúða

Húsnæðis- og mannvirkjastofnun úthlutar stofnframlögum til samfélagssinnaðra leigusala til að kaupa eða byggja almennar íbúðir.Markmiðið er að fjölga hagkvæmum leiguíbúðum og bæta húsnæðisöryggi eignalítilla og tekjulágra. Húsnæðiskostnaður á að vera ísamræmi við greiðslugetu og að jafnaði ekki umfram fjórðung tekna.

Almenna íbúðakerfið var sett á stofn árið 2016 og hefur nú þegar 17,3 milljörðum króna verið úthlutað til byggingar og kaupa á2.899 íbúðum víðsvegar um landið. Heildarfjárfesting í uppbyggingu nemur um 89 milljörðum króna.

Þjónustuflokkar

Þjónustuflokkar

Opið fyrir umsóknir um stofnframlög

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Mánaðarskýrsla HMS maí 2025

Nýtt raðhús rís á Reykhólum

Vísitala leiguverðs hækkaði um 1,33 prósent á milli mánaða í apríl 2025

Vísitala íbúðaverðs hækkaði um 0,45 prósent á milli mánaða í apríl 2025

Fleiri fréttir

Mánaðarskýrsla HMS maí 2025

Nýtt raðhús rís á Reykhólum

Vísitala leiguverðs hækkaði um 1,33 prósent á milli mánaða í apríl 2025

Vísitala íbúðaverðs hækkaði um 0,45 prósent á milli mánaða í apríl 2025