Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Skipulag

Stofnframlög

Umhverfismat

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Aðlögunartímabili vegna brunahólfandi innihurða lýkur 1. október 2026

Brunahólfandi hurðir eru mikilvægur öryggisbúnaður sem takmarkar útbreiðslu elds og reyks og getur veitt fólki dýrmætan tíma til að komast í öruggt skjól

Aðeins hurðargerðir sem þegar eru komnar í formlegt prófunarferli geta komið til greina fyrir tímabundna framlengingu aðlögunartímans

Aðlögunartímabili sem tók gildi í mars 2024, lýkur 1. október 2026

Brunahólfandi hurðir eru ekki hefðbundnar innihurðir heldur mikilvægur hluti af brunavörnum mannvirkja. Hlutverk þeirra er ekki einungis að afmarka rými og veita næði heldur að takmarka og tefja útbreiðslu elds og reyks milli brunahólfa og tryggja þannig að fólk hafi þann tíma sem þarf til að yfirgefa mannvirki með öruggum hætti. Ef þær virka ekki eins og ætlað er getur það haft bein áhrif á líf og öryggi fólks. Það er ástæðan fyrir því að gerðar eru ríkar kröfur um að sýnt sé fram á eiginleika þeirra með áreiðanlegum hætti, þ.e. með faggiltum prófunum og rekjanlegum gögnum.

Frá og með 1. október 2026 lýkur aðlögunartímabili vegna brunahólfandi innihurða. Eftir þann tíma verða aðeins heimilar á markaði hurðir sem byggja á fullnægjandi og rekjanlegum gögnum um nothæfi þeirra. Breytt verklag á að tryggja samræmda og skilvirka afgreiðslu sem uppfyllir skilyrði gildandi laga og er jafnframt til þess fallið að undirbúa innlenda framleiðendur fyrir það ef gefinn verður út samhæfður vörustaðall fyrir innihurðir.

Brunahólfandi innihurðir gegna lykilhlutverki í brunahólfun mannvirkja. Þær eiga að koma í veg fyrir að eldur og reykur berist hratt milli rýma og tryggja að flóttaleiðir haldist greiðfærar eins lengi og þörf er á. Slík brunahólfun getur ráðið úrslitum um hvort fólk komist út eða hvort slökkvilið fái það svigrúm sem þarf til að bjarga fólki út.

Vísbendingar eru um að hér á landi hafi verið settar upp hurðir þar sem ekki hefur verið sýnt fram á með fullnægjandi hætti að þær uppfylli kröfur sem gerðar eru til brunavarna. Brunahólfandi hurð sem uppfyllir ekki kröfur eða röng uppsetning getur rofið brunahólfun og flýtt fyrir útbreiðslu elds og reyks. Þess vegna hefur HMS unnið markvisst að samræma verklag og tryggja að kröfur um brunahólfandi hurðir séu uppfylltar.

Hátt í 20 framleiðendur hafa farið í prófunarferli

Á aðlögunartímabilinu hefur HMS unnið með markaðsaðilum, haldið kynningarfundi, gefið út leiðbeiningar og komið á samstarfi við danska prófunaraðilann DBI til að styðja við nauðsynlegar brunaprófanir. Alls hafa 17 framleiðendur brunahólfandi innihurða hafið undirbúning að brunaprófunum í gegnum samstarfsvettvanginn Burð.

Þeir framleiðendur sem hafa hafið formlegt prófunarferli geta sótt um tímabundna framlengingu að uppfylltum tilteknum skilyrðum. Markmiðið er að tryggja að þeim prófunum sem þegar eru komnar af stað verði lokið og að viðkomandi hurðir geti í framhaldinu farið í gegnum nauðsynlegt staðfestingarferli til að sýna fram á nothæfi þeirra.

Aðlögunartími verður aðeins framlengdur fyrir hurðir í formlegu prófunarferli

HMS mun ekki veita almenna framlengingu að loknu aðlögunartímabilinu 1. október nk. Aðeins verður tekið til skoðunar að veita framlengingu fyrir tilteknar hurðargerðir sem þegar hafa hafið prófunarferli hjá faggiltri prófunarstofu. Sækja þarf sérstaklega um framlengingu til HMS og þurfa meðal annars eftirfarandi upplýsingar að vera fyrirliggjandi samhliða umsókn:

hvaða hurðargerð eða hurðargerðir verða prófaðar,

hvaða prófunarstaðli prófað verður eftir,

framangreint skal staðfest af viðkomandi prófunarstofu

Þeir aðilar sem fá tímabundna framlengingu þurfa jafnframt að skila HMS reglubundnum upplýsingum um framgang prófana. Að lágmarki skal á fimm mánaða fresti liggja fyrir staðfesting um stöðu viðkomandi hurðargerða og framgang í prófunarferlinu. Þegar prófunardagsetning liggur fyrir skal hún tilkynnt HMS án tafar.

Að loknum prófunum skal sækja um staðfestingu/gagnkvæma viðurkenningu til HMS á grundvelli niðurstaða prófananna. Umsækjandi skal senda til HMS tilheyrandi gögn til yfirferðar.

Framleiðendur hafa haft rúm tvö og hálft ár til að hefja nauðsynlegar prófanir og aðlaga sig breyttu verklagi. Framlenging er því aðeins ætluð þeim hurðargerðum sem þegar eru komnar í formlegt prófunarferli. Að prófun lokinni þurfa fullnægjandi gögn að liggja fyrir áður en unnt er að staðfesta nothæfi vörunnar. Brunahólfandi hurðir eiga að virka þegar mest liggur við. Þær eiga að  veita fólki tíma til að komast í öruggt skjól og slökkviliðum svigrúm til að bregðast við. Þess vegna verða þær að byggja á prófunum og rekjanlegum gögnum.

Brunahólfandi hurðir geta skipt sköpum þegar eldur kemur upp

Þann 27. ágúst undirrituðu fulltrúar allra sveitarfélaga á Vestfjörðum, ásamt fulltrúa HMS, nýtt svæðisskipulag fyrir Vestfirði

Fulltrúar komu saman við minnismerki um Kollabúðafundi í Þorskafirði, sögulegt funda- og samkomusvæði

Með svæðisskipulaginu hafa sveitarfélögin náð saman um framtíðarsýn og sameiginleg markmið um þróun samfélags, atvinnulífs og umhverfis á Vestfjörðum

Svæðisskipulag Vestfjarða 2025-2050 hefur nú verið staðfest. Fullrúar allra sveitarfélaganna og HMS komu saman í Þorskafirði við minnismerki þar sem haldnir voru Kollabúðafundir um miðja nítjándu öld og þar sem Þorskafjarðarþing fór fram á þjóðveldistíma og öldum þar á eftir. Auglýsing um gildistöku skipulagsins birtist í Stjórnartíðindum von bráðar. Hægt verður að nálgast gögn svæðisskipulagsins í Skipulagsvefsjá. 

Stefnumarkandi áætlun átta sveitarfélaga á Vestfjörðum

Svæðisskipulag Vestfjarða er stefnumarkandi áætlun átta sveitarfélaga á Vestfjörðum um sameiginlega framtíðarsýn til næstu 25 ára.

Sett er fram stefna fyrir fimm málefnasvið:

Undir hverju málefnasviði má finna leiðarljós og sameiginleg markmið.

Stöðumat um stöðu og þróun og umhverfismat áætlunar

Tvö fylgirit eru með svæðisskipulaginu og hafa verið til hliðsjónar við mótun tillögunnar. Annars vegar er það stöðumat um stöðu og þróun og hinsvegar umhverfismat áætlunarinnar.

Svæðisskipulagsáætlanir eru leiðarljós og samræmingartæki fyrir stefnumótun sveitarfélaga. Vísir til framtíðar, byggður á núverandi stöðu, sem fróðlegt er að kynna sér.

Skýringarmyndir úr Svæðisskipulagi Vestfjarða.

Svæðisskipulag Vestfjarða 2025-2050 undirritað

Kaupendur hafa aukið samningsvald á kólnandi fasteignamarkaði

Varaseðlabankastjóri telur lánþegaskilyrði hafa dregið úr óhóflegum skuldavexti en hefur áhyggjur af byggingariðnaðinum

Lágtekjufólki í Bandaríkjunum býðst að taka húsnæðislán með ríkisábyrgð

HMS hélt í dag, 27. ágúst, haustfund um fasteignamarkaðinn. Fundurinn var vel sóttur og þar fjölluðu gestir um stöðu markaðarins, lánþegaskilyrði, aðgengi að húsnæði og nýjar leiðir fyrir kaupendur til að komast inn á fasteignamarkað.

Kólnandi markaður og langur birgðatími áhyggjuefni

Á fundinum var farið yfir kólnun fasteignamarkaðarins á síðustu misserum, þar sem samningsvald kaupenda hefur aukist. Eftirspurn hefur verið minni þar sem hægt hefur á fólksfjölgun og greiðslubyrði hefur orðið þyngri, en fyrstu kaupendur hafa samt náð að komast inn á markaðinn með stuðning frá foreldrum og nánum ættingjum.

Tómas Brynjólfsson, varaseðlabankastjóri fjármálastöðugleika, fjallaði um fasteignamarkaðinn og lánþegaskilyrði Seðlabankans. Hann ræddi meðal annars um hvernig skilyrðin hafa dregið úr óhóflegum skuldavexti heimila og hættu á skuldadrifinni húsnæðisbólu. Jafnframt bætti Tómas við að langur birgðatími og mikið framboð óseldra nýbygginga sé þó áhyggjuefni.

Þekking fasteignasala mikilvæg á fasteignamarkaði

Sonia Gilbukh, hagfræðingur og aðstoðarprófessor við Baruch College í New York, fjallaði um reynsluna af FHA-lánum í Bandaríkjunum. FHA-lán eru húsnæðislán með ríkisábyrgð sem auðvelda fólki með lágar tekjur og takmarkað eigið fé að kaupa húsnæði. Í erindi sínu dró Sonia fram lærdóm af úrræðinu og bar þau saman við hlutdeildarlán hér á landi.

Samkvæmt Soniu eru stuðningsúrræði sem bæta fjármögnun kaupenda ekki endilega næg til að lágtekjufólk standi jafnfætis öðrum kaupendum. Óvissa um fjármögnun getur til dæmis gert seljendur síður tilbúna til að samþykkja tilboð frá kaupendum sem nýta opinber úrræði. Sonia benti þá einnig á mikilvægt hlutverk fasteignasala og að góð þekking þeirra á úrræðunum geti skipt máli fyrir hvernig þau virka í framkvæmd.

Að lokum kynnti Halldór Kristján Sigurðsson, stofnandi Fjöldakaupa, nýja nálgun við fasteignakaup. Fjöldakaup byggir á því að safna saman kaupáhuga einstaklinga til að styrkja samningsstöðu þeirra og skapa möguleika á magnafslætti við kaup á íbúðum.

Upptöku af fundinum í heild sinni má finna hér að neðan:

Rætt um áskoranir og nýjar lausnir á haustfundi um fasteignamarkaðinn

Tillögur HMS að nýjum 5. hluta byggingarreglugerðar um brunavarnir voru kynntar á opnum fundi í gær

Einföldun felur í sér aðgengilegri framsetningu

Aukinn stuðningur við fagaðila með gerð leiðbeininga

HMS hélt opinn kynningarfund 25. ágúst um fyrirhugaðar breytingar á 5. hluta byggingarreglugerðarinnar, sem fjallar um brunavarnir. Fundurinn var liður í áframhaldandi endurskoðun og einföldun byggingarreglugerðarinnar og gaf hagaðilum tækifæri til að kynna sér helstu tillögur HMS og koma sjónarmiðum sínum á framfæri.

Á fundinum voru kynntar helstu breytingar á drögum að nýjum 5. hluta reglugerðarinnar. Að kynningu lokinni fór fram opið samtal þar sem þátttakendur gátu komið ábendingum og athugasemdum á framfæri sem nýtast við áframhaldandi vinnu við reglugerðarákvæðin og tengdar leiðbeiningar.

Hluti 5 um brunavarnir tekur efnislega til núgildandi 9. hluta byggingarreglugerðar og fjallar um eftirfarandi atriði: 

Endurskoðun byggingarreglugerðarinnar miðar að því að gera reglurnar einfaldari og skýrari, með aukinni áherslu á virknimiðaðar kröfur, samræmda uppbyggingu og aukið svigrúm fyrir fjölbreyttar lausnir. Með breytingunum er jafnframt leitast við að tryggja að brunavarnakröfur haldi áfram að styðja við öryggi fólks, eigna og umhverfis.

Drög að reglugerðarákvæðunum og greinargerð um breytingarnar eru aðgengileg á samráðsvef byggingarreglugerðarinnar og gefst áhugasömum kostur á að senda inn athugasemdir með rafrænum hætti.

Ef þú hefur áhuga á að fylgjast með framvindu verkefnisins geturðu skráð þig á póstlista HMS. Þeir sem skrá sig fá upplýsingar um:

birtingu nýrra draga að reglugerð og leiðbeiningum,

annað efni sem tengist endurskoðun byggingarreglugerðar.

Við hvetjum alla hagaðila til að skrá sig og fylgjast með verkefninu.

Góð mæting á kynningarfundi um breytingar á brunavarnarákvæðum byggingarreglugerðar

Öll 62 sveitarfélög landsins hafa lokið álagningu fasteignagjalda fyrir árið 2026 og álagningarseðlar hafa verið birtir á Mínum síðum á Ísland.is

Unnið er að uppfærslu álagninga vegna meðal annars eigendaskipta, nýrra lóða og breytinga á fasteignamati

Undirbúningur fyrir álagningu fasteignagjalda árið 2027 er hafinn hjá mörgum sveitarfélögum

Öll 62 sveitarfélög landsins hafa nú lokið álagningu fasteignagjalda fyrir árið 2026 og birt álagningarseðla á Mínum síðum á Ísland.is.

Nú vinna sveitarfélögin að breytingum á fyrri álagningum og eru að taka inn nýja eigendur/gjaldendur á eignum sem hafa gengið kaupum og sölum frá áramótum. Eins eru þau að leggja á fasteignamat nýrra lóða sem stofnaðar hafa verið frá áramótum og á húsmat á fasteignum sem eru að koma inn á fokheldi eða hærra byggingastigi/matstigi.

Mörg sveitarfélög hafa hafið vinnu við áætlunarálagningar í álagningakerfi fasteignagjalda á nýja fasteignamatið og prófað sig áfram með álagningarprósentur og upphæðir í gjöldum fyrir fjárhagsáætlun ársins 2027.

Sveitarfélög sem það gera hafa gert endurreikning afslátta á þegar veittan afslátt af fasteignaskatti  í álagningakerfi fasteignagjalda miðað við nýjar tekjuupplýsingar eftir birtingu álagningarskrár Skattsins.

Öll sveitarfélög hafa lokið álagningu fasteignagjalda 2026

Öll sveitarfélög hafa lokið álagningu fasteignagjalda 2026

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Brunahólfandi hurðir geta skipt sköpum þegar eldur kemur upp

Svæðisskipulag Vestfjarða 2025-2050 undirritað

Rætt um áskoranir og nýjar lausnir á haustfundi um fasteignamarkaðinn

Góð mæting á kynningarfundi um breytingar á brunavarnarákvæðum byggingarreglugerðar

Fleiri fréttir

Brunahólfandi hurðir geta skipt sköpum þegar eldur kemur upp

Svæðisskipulag Vestfjarða 2025-2050 undirritað

Rætt um áskoranir og nýjar lausnir á haustfundi um fasteignamarkaðinn

Góð mæting á kynningarfundi um breytingar á brunavarnarákvæðum byggingarreglugerðar