Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Frá og með síðustu áramótum er öllum leigusölum skylt að skrá leigusamninga í leiguskrá HMS

Alls tóku 1.645 leigusamningar gildi í leiguskrá í janúar síðastliðnum, á sama tíma og 1.011 leigusamningar féllu úr gildi

Þrátt fyrir gildistöku almennrar skráningarskyldu er ekki að greina fjölgun nýskráðra leigusamninga í leiguskrá HMS í janúar 2025

Færri leigusamningar tóku gildi í nýliðnum janúarmánuði samanborið við janúar í fyrra, en nokkur fjöldi námsmannaleigusamninga tekur alla jafna gildi í janúar. Almenn skráningarskylda leigusamninga tók gildi um síðustu áramót, en þó er ekki að greina neina fjölgun nýskráðra leigusamninga í leiguskrá HMS.

Nýskráðir leigusamningar í janúar færri en í fyrra

Alls tóku 1.645 leigusamningar gildi í leiguskrá HMS í janúar síðastliðnum, á sama tíma og 1.011 leigusamningar féllu úr gildi. Líkt og í janúarmánuðum fyrri ára fjölgaði leigusamningum mest á milli mánaða á landsbyggðinni þar sem nokkur fjöldi leigusamninga um námsmannaíbúðir tók gildi. Nýskráðir leigusamningar voru aftur á móti færri en í janúar í fyrra, þegar 1.963 leigusamningar tóku gildi.

Skráning leigusamninga í leiguskrá HMS forsenda fyrir skattaívilnun vegna leigutekna

Frá og með síðustu áramótum er öllum leigusölum skylt að skrá leigusamninga í leiguskrá HMS, en áður þurftu einungis þeir leigusalar sem höfðu fleiri en tvær íbúðir til útleigu að skrá leigusamninga. Skráningarskyldan nær til allra gildra leigusamninga og er liður í að styrkja umgjörð leigumarkaðarins, auka gagnsæi og bæta aðgengi að áreiðanlegum upplýsingum.

Á myndinni hér að neðan má sjá fjölda leigusamninga eftir skráningardegi undanfarin tvö ár en hafa þarf í huga að einstaklingar geta skráð samning sem nú þegar hefur tekið gildi eða tekur gildi í framtíðinni. 

Með almennri skráningarskyldu húsaleigusamninga var skráning í leiguskrá HMS jafnframt gerð að forsendu fyrir afslætti af fjármagnstekjuskatti vegna leigutekna. Útreikningur á skattaafslætti af leigutekjum vegna leigu á árinu 2026 kemur hins vegar ekki til skoðunar fyrr en við framtalsskil í mars árið 2027.

Nýskráðum leigusamningum hefur ekki fjölgað þrátt fyrir almenna skráningarskyldu

Áætlun á legu allra þeirra 750 jarða sem til eru á Vestfjörðum er nú lokið

Hægt er að nálgast áætlun eignamarka um allt land á heimasíðu HMS

HMS hefur nú afmarkað um 62 prósent af flatarmáli Íslands

Allar jarðir á Vestfjörðum teljast nú að fullu áætlaðar. Alls hefur HMS áætlað legu 750 jarða í landshlutanum, en hægt er að nálgast áætlanirnar í landeignaskrá. HMS hefur birt áætlanirnar sínar í landeignaskrá.

HMS hefur frumkvæði að kortlagningu fasteigna sem ekki hafa hnitsetta afmörkun í landeignaskrá og nýtir opinber gögn til að áætla legu eignamarka. Verkefnið er nú komið vel á veg, en áður höfðu eignamörk um 1.720 jarða á Norðurlandi og Norðausturlandi verið áætluð og birt í landeignaskrá. 

Skjáskot af afmörkun landeigna á Vestfjörðum í landeignaskrá

Fyrir áramót sendi HMS eigendum þeirra jarða bréf þess efnis að drög að áætluðum eignamörkum væru komin í birtingu og að aðilar gætu kynnt sér drögin í vefsjá landeignaskrár. Aðilar höfðu sex vikur til að bregðast við og senda HMS athugasemdir um áætlaða legu einstakra eignamarka. Nú er búið að taka tillit til athugasemda eiganda og landamerki svæðisins teljast að fullu áætluð.

Norðausturland og Austfirðir næst á dagskrá

 Frá því að HMS tók við málaflokki fasteignaskrár hefur stofnunin unnið markvisst að uppbyggingu landeignaskrár þannig að hún geti þjónað sem heildstætt upplýsingakerfi um eignarhalds lands á Íslandi. Í upphafi árs 2023 var um 29 prósent flatarmáls Íslands með afmörkun í landeignaskrá. Hlutfallið jókst í 39 prósent árið 2024 og árið 2025 í 54 prósent og nú með birtingu áætlunar á Vestfjörðum nær afmörkunin 62 prósent.

Næsta svæði sem tekið verður til yfirferðar er Norðausturland og Austfirðir. Gert er ráð fyrir að drög að áætluðum eignamörkum á því svæði verði kynnt landeigendum síðar á þessu ári.  Síðan er áætlað að vinna að Vesturland, Reykjanes og Suðvesturland í framhaldi af því.

HMS hefur áætlað eignamörk á Vestfjörðum

Að meðaltali 966 kaupsamningum var þinglýst í hverjum mánuði árið 2025

Alls gengu um 7,4 prósent fullbúinna íbúða kaupum og sölu í fyrra

Hlutfallslega mest virkni hefur verið á Suðurnesjum undanfarinn áratug

Um það bil 11.600 kaupsamningum var þinglýst á árinu 2025, en þeir vörðuðu kaup á tæplega 12 þúsund eignum. Hlutfall seldra íbúða af íbúðastofni lækkaði milli ára á landsvísu, en lækkunina má að stórum hluta rekja til Grindavíkuráhrifanna árið 2024. Árið 2025 mældist hlutfallið hærra á höfuðborgarsvæðinu en í öðrum landshlutum í fyrsta sinn síðan árið 2014, en virknin hefur verið hlutfallslega mest á Suðurnesjum undanfarinn áratug.

Tæplega 12 þúsund eignir seldar árið 2025

Fullbúnar íbúðir í árslok 2025 voru rétt rúmlega 162 þúsund talsins á landinu öllu. Sem fyrr segir gengu um 12 þúsund íbúðir kaupum og sölu á síðasta ári, sem samsvarar 7,4% af íbúðastofni landsins.

Hlutfall seldra íbúða af íbúðastofni var 8,8% árið 2024 og því lækkaði hlutfallið á milli ára. Ef litið er fram hjá kaupum Þórkötlu á eignum í Grindavík væri hlutfallið nær 8,2%, en um 7,7% ef jafnframt væri litið fram hjá kaupum Grindvíkinga á fasteignum árið 2024.

Hlutfallslega mest virkni á Suðurnesjum undanfarinn áratug

Sé hlutfall seldra íbúða af íbúðastofni skoðað eftir landshlutum kemur í ljós að virkni fasteignamarkaðar hefur að jafnaði verið hlutfallslega mest á Suðurnesjum undanfarinn áratug, en einnig talsverð á Suðurlandi. Hlutfallið var að meðaltali 10,9% (10,4% án Þórkötlu) á Suðurnesjum á tímabilinu, en 8,8% á Suðurlandi.

Hátt hlutfall seldra íbúða af íbúðastofni á Suðurnesjum og Suðurlandi skýrist af kröftugri fólksfjölgun á svæðinu og mikilli uppbyggingu nýrra íbúða. Frá árinu 2016 hefur íbúum til að mynda fjölgað hlutfallslega mest á Suðurnesjum og Suðurlandi, eða í kringum 33% samanborið við 19% fjölgun á landsvísu. Jafnframt hefur fullbúnum íbúðum fjölgað mest á Suðurlandi (38%) og næstmest á Suðurnesjum (24%) á tímabilinu, samanborið við um 22% fjölgun fullbúinna íbúða á landsvísu.

Á nýliðnu ári, 2025, var hlutfall seldra íbúða af íbúðastofni um 7,7% á höfuðborgarsvæðinu, sem er einungis litlu hærra en á Suðurnesjum og á Suðurlandi (7,6%). Þetta var í fyrsta skipti síðan árið 2014 sem hlutfallið var hæst á höfuðborgarsvæðinu, en það hefur verið að meðaltali 8,4% frá árinu 2016.

Nánar verður fjallað um seldar íbúðir sem hlutfall af íbúðastofni á höfuðborgarsvæðinu og í alþjóðlegu samhengi í næstu mánaðarskýrslu HMS sem kemur út á fimmtudaginn í næstu viku. Skýrslan verður kynnt á opnum fundi í húsakynnum HMS á útgáfudegi, en einnig verður hægt að fylgjast með í streymi.

Þrettánda hver íbúð gekk kaupum og sölu í fyrra

Fyrsti samningur á milli stjórnvalda og byggingaraðila um uppbyggingu hagkvæmra íbúða eftir fyrsta húsnæðispakka lítur dagsins ljós

Verkefni með 390 íbúðum sem verið hefur í bið fer aftur af stað fyrir tilstuðlan hlutdeildarlána og sveigjanleika í skipulagsmálum

HMS og Þingvangur lýsa yfir vilja til þess að veita hlutdeildarlán á framkvæmdatíma

HMS undirritaði viljayfirlýsingu í dag við byggingarfyrirtækið Þingvang um að byggðar yrðu 390 íbúðir við Hjallahraun 2 A-G í Hafnarfirði og að um þriðjungur þeirra muni uppfylla skilyrði hlutdeildarlána. Í yfirlýsingunni lýsa bæði HMS og Þingvangur sömuleiðis yfir vilja til þess að semja um útgreiðslu hlutdeildarlána fyrr á framkvæmdartíma.

Að minnsta kosti 60 hlutdeildarlánaíbúðir í fyrsta áfanga

Viljayfirlýsingin er í samræmi við fyrsta húsnæðispakka stjórnvalda sem kynntur var í nóvember 2025. Á meðal aðgerða í húsnæðispakkanum voru samningar á milli stjórnvalda og byggingaraðila um uppbyggingu hagkvæmra íbúða inn í hlutdeildarlánakerfið.

Samkvæmt yfirlýsingunni skuldbindur Þingvangur sig til að byggja 177 íbúðir í fyrsta áfanga verkefnisins, þar af 60 íbúðir sem uppfylla skilyrði hlutdeildarlána. Á móti muni HMS skuldbinda sig til að veita hlutdeildarlán til kaupa á þessum tilteknu íbúðum, að uppfylltum öðrum skilyrðum hlutdeildarlána.

Verkefnið endurhannað til að falla að skilyrðum hlutdeildarlána

Þingvangur hafði áður undirbúið uppbyggingu á íbúðum í Hjallahrauni, en hætti við verkefnið um mitt ár 2024 vegna hárra vaxta og óvissu um sölu. Nú hefur Þingvangur endurhannað fyrsta áfanga verkefnisins svo að 60 íbúðir hið minnsta passi inn í ramma hlutdeildarlána. Íbúðunum hefur því fjölgað og meðalstærð þeirra hefur minnkað frá fyrri hönnun.

Í yfirlýsingunni lýsa bæði HMS og Þingvangur yfir vilja til þess að semja um útgreiðslu hlutdeildarlána á framkvæmdatíma, að nánari skilyrðum uppfylltum. Enn sé unnið að útfærslu þessara skilyrða, en félags- og húsnæðismálaráðherra muni tilgreina þau í reglugerð.

Pálmar Harðarson, framkvæmdastjóri Þingvangs segir: „Þingvangur hefur beðið lengi eftir að geta hafið þessa uppbyggingu. Núna er það mögulegt þegar félags- og húsnæðismálaráðherra leggst á vogaskálarnar með okkur ásamt Hafnarfjarðarbæ, fjárfestum og Íslandsbanka.  Það er trú okkar allra sem koma sameiginlega að þessu verkefni að núna sé rétti tíminn til að framleiða íbúðir sem koma á markað þegar núverandi lager verður vonandi búinn og vextir hafa lækkað.

Vil ég sérstaklega þakka félags- og húsnæðismálaráðherra, Ragnari Þór Ingólfssyni, bæjarstjóra Hafnafjarðar, Valdimari Víðissyni og Íslandsbanka fyrir að leggja sitt af mörkum svo hægt sé að koma verkefninu af stað.“

Valdimar Víðisson bæjarstjóri Hafnafjarðar segir: „Við fögnum þessari uppbyggingu. Við höfum lagt áherslu á það frá upphafi að hér verði fjölbreyttar íbúðir sem henta öllum í samfélaginu. Það er gleðilegt að sjá gott samstarf á milli byggingarverktakanna og ríkisstjórnarinnar í þessu verkefni.

Bæjarfélagið hefur átt í góðu samstarfi við Þingvang og sýnt sveigjanleika þegar kemur að skipulagsskilmálum. Ekki hefur verið slegið slöku við í íbúðauppbyggingu hér í Hafnarfjarðarbæ síðustu ár og við ætlum að axla þá ábyrgð áfram.“

HMS og Þingvangur undirrita viljayfirlýsingu um byggingu hlutdeildarlánaíbúða í Hafnarfirði

Grunnnámskeið til leyfis eignaskiptayfirlýsinga og merkjalýsinga hefst 2. mars 2026

Umsóknarfrestur er til og með 22. febrúar

Skráning í námið er í auglýsingu EHÍ hér að neðan

Grunnnámskeið til leyfis eignaskiptayfirlýsinga og merkjalýsinga

Endurmenntun Háskóla Íslands (EHÍ) í samstarfi við HMS, býður upp á námskeið sem veitir einstaklingum leyfi til að gera eignaskiptayfirlýsinga og merkjalýsinga. Þeir sem sækja námið og standast próf geta í kjölfarið óskað eftir leyfisbréfi hjá ráðherra.

Námið hefst á grunnnámskeiði sem er skyldunámskeið og undanfari annarra tveggja námskeiðanna. Grunnnámskeiðið hefst 2. mars 2026

Námskeiðin byggja á reglugerðum nr. 160/2024 um merki fasteigna og nr. 233/1996 um leyfi til að gera eignaskiptayfirlýsingar.

Nánari upplýsingar um námið veitir EHÍ í síma 5254444 og endurmenntun@hi.is

Jafnframt eru nánari upplýsingar hér í auglýsingu

Nýtt námskeið til leyfis eignaskiptayfirlýsinga og merkjalýsinga

Nýtt námskeið til leyfis eignaskiptayfirlýsinga og merkjalýsinga

Póstlisti HMS

Útgáfuáætlun

Grunnnámskeið til leyfis eignaskiptayfirlýsinga og merkjalýsinga

Póstlisti HMS

Útgáfuáætlun

Fleiri fréttir

Nýskráðum leigusamningum hefur ekki fjölgað þrátt fyrir almenna skráningarskyldu

HMS hefur áætlað eignamörk á Vestfjörðum

Þrettánda hver íbúð gekk kaupum og sölu í fyrra

HMS og Þingvangur undirrita viljayfirlýsingu um byggingu hlutdeildarlánaíbúða í Hafnarfirði

Fleiri fréttir

Nýskráðum leigusamningum hefur ekki fjölgað þrátt fyrir almenna skráningarskyldu

HMS hefur áætlað eignamörk á Vestfjörðum

Þrettánda hver íbúð gekk kaupum og sölu í fyrra

HMS og Þingvangur undirrita viljayfirlýsingu um byggingu hlutdeildarlánaíbúða í Hafnarfirði