HMS hefur gefið út nýjar hagnýtar leiðbeiningar um rekstur húsa sem standa tímabundið auð. Leiðbeiningarnar má nálgast með því að smella á hnappinn hér að neðan.

Leiðbeiningarnar eru ætlaðar eigendum og rekstraraðilum húsnæðis og veita hagnýt ráð um undirbúning, eftirlit og enduropnun. Markmiðið er að draga úr hættu á meðal annars vatns- og frosttjóni, raka og myglu, bruna, innbrotum og öðrum skemmdum meðan húsnæði er ekki í notkun.

Þrír lyk­ilá­fang­ar

Leiðbeiningarnar fjalla um þrjá megináfanga: undirbúning og lokun húsnæðis, rekstur og reglubundið eftirlit meðan húsnæðið stendur autt og enduropnun þess þegar notkun hefst á ný.

Sérstök áhersla er lögð á skýra ábyrgð, skipulagt eftirlit, skráningu og örugga meðferð tæknikerfa á lokunartíma.

Tek­ið mið af ís­lensk­um að­stæð­um

Leiðbeiningarnar nýtast eigendum og rekstraraðilum íbúðar-, þjónustu- og atvinnuhúsnæðis. Þær taka mið af íslenskum veðuraðstæðum, svo sem frosti, hlákum, slagregni og hvassviðri, sem geta aukið hættu á tjóni þegar húsnæði stendur autt og regluleg viðvera er lítil eða engin.

Markmiðið með leiðbeiningunum er að styðja eigendur og rekstraraðila við að varðveita húsnæði með öruggum hætti á lokunartíma, draga úr líkum á kostnaðarsömu tjóni og auðvelda örugga og farsæla enduropnun þegar húsnæðið er tekið aftur í notkun.