Ný lög um persónuvernd og vinnslu persónuupplýsinga munu taka gildi hér á landi þann 15. júlí nk. Lögin kveða á um strangari reglur hvað varðar vinnslu og miðlun persónuupplýsinga hjá öllum aðilum. Í samskiptum sínum við Íbúðalánasjóð kunna viðskiptavinir því að verða varir við ákveðnar breytingar varðandi miðlun og meðferð persónuupplýsinga. Vegna upplýsingamiðlunar og gagnaöflunar á grundvelli laganna bendum við viðskiptavinum okkar á mínar síður hjá sjóðnum. Áréttað skal að einstaklingar skulu hafa með sér löggilt skilríki (ökuskírteini, vegabréf og nafnskírteini) þegar óskað er þjónustu varðandi persónugreinanleg gögn í afgreiðslu sjóðsins.