Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Gögn og mælaborð

Brunamálaskólinn

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Slökkviliðin

Stofnframlög

Þjónustuaðilar brunavarna

Þjónustuflokkar

Húsnæðisbætur og lán

Lánavefur

Öryggi mannvirkja

Brunavarnir

Sveitarfélagsgátt

Um HMS

Fræðsla og forvarnir

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

HMS uppfærir nú kaupskrá fasteigna á hverjum degi í stað mánaðarlega

Með daglegum uppfærslum á kaupsamningum verður hægt að nálgast betri rauntímaupplýsingar um fasteignamarkaðinn

Ný kaupverðsjá veitir aðgang að upplýsingum um markaðsverð fasteigna með aðgengilegum hætti

HMS hefur ákveðið að uppfæra kaupskrá fasteigna daglega og munu því upplýsingar um þinglýsta kaupsamninga vera aðgengilegar almenningi nær rauntíma en áður. Hægt er sækja kaupskrána á CSV-formi hér, en kaupskráin er líka undirstaða kaupverðsjár HMS, sem hægt er að nálgast hér.

Inniheldur helstu upplýsingar úr þinglýstum kaupsamningum

Kaupskrá fasteigna inniheldur upplýsingar sem HMS skráir upp úr þinglýstum kaupsamningum. Þar má meðal annars finna upplýsingar um kaupverð, dagsetningu kaupsamnings og staðsetningu fasteignar eftir póstnúmerum.

Áður fyrr var kaupskráin uppfærð mánaðarlega, annað hvort á 22. degi hvers mánaðar eða fyrsta virka dag eftir það. Nú fer uppfærslan hins vegar fram á hverri nóttu, rétt eftir miðnætti. Allir kaupsamningar munu birtast um leið og HMS hefur skráð þá, sem er alla jafna nokkrum dögum á eftir útgáfu og þinglýsingu.

Hægt að nálgast markaðsupplýsingar nær rauntíma

Kaupverðsjá HMS, sem nálgast má hér, byggir á samningum í kaupskrá fasteigna. Þar geta notendur valið byggingarár, fermetrafjölda, tegund og staðsetningu þeirra fasteigna sem eiga að birtast í kaupverðsjánni og skoðað verðþróun þeirra.

Kaupverðsjáin uppfærist daglega, en ólíkt kaupskrá fasteigna mun verðsjáin einungis birta upplýsingar frá mánuðum sem eru nú þegar liðnir.

Kaupskrá fasteigna er nú uppfærð daglega

Vísitala leiguverðs heldur áfram að lækka milli mánaða í september þó lækkunin sé minni en í ágúst

Á síðustu 12 mánuðum hefur markaðsleiga hækkað um 10,5 prósent, en til samanburðar var árshækkunin 12,2 prósent í ágúst og 15,1 prósent í júlí

12 mánaða raunbreyting leiguverðs nam 4,8 prósent í september, samanborið við 5,8 prósenta raunbreytingu í ágúst

Vísitala leiguverðs á höfuðborgarsvæðinu var 116,4 stig í september og lækkaði um 0,6 prósent á milli mánaða. Þetta er annað skiptið í röð sem vísitalan lækkar á milli mánaða, en hún lækkaði um 1,1 prósent í ágúst. Á milli septembermánaða 2023 og 2024 hefur vísitalan hækkað um 10,5 prósent, en til samanburðar mældist verðbólga 5,4 prósent og vísitala íbúðaverðs hækkaði um 9,5 prósent á sama tímabili.

Lækkun leiguvísitölunnar* annan mánuðinn í röð sýnir því að markaðsleiga lækkar aftur milli mánaða.

Þróun leiguvísitölunnar frá maímánuði 2023 má sjá á mynd hér að neðan. Einnig er hægt að nálgast eldri og sameinaðar vísitölur HMS á hms.is/visitolur.

Vísitalan hækkaði um 4,8 prósent á ársgrundvelli í september umfram verðbólgu, en raunverðshækkanir hafa verið í kringum 7 prósent frá því apríl á þessu ári.

Ný leiguverðsjá kom út á vef HMS í síðasta mánuði, en með henni geta leigusalar og leigutakar nálgast upplýsingar um markaðsverð íbúða og fjölda leigusamninga í hverjum mánuði.

Hér að neðan má sjá skjáskot að leiguverðsjánni, þar sem höfuðborgarsvæði er valið sem svæði og markaðsleiga er valin sem flokkur leigusala. Með þeirri síun sést að meðaltal leiguverðs breytist lítið milli mánaða í september og lækkaði úr 284 þúsund krónum í júlí í 274 þúsund krónur í ágúst. Hafa þarf þó í huga að leiguverðsjáin sýnir ekki nákvæma breytingu, þar sem hún sýnir ekki breytingar á fermetraverði og tekur ekki tillit til vægi hvers flokks.

Hægt er að nálgast leiguverðsjá HMS með því að smella á þennan hlekk.

*Leiguvísitalan sýnir breytingar á vegnu meðaltali fermetraverðs. Byggt er á leigusamningum um hefðbundnar íbúðir sem eru í eigu einstaklinga og fyrirtækja sem rekin eru í hagnaðarskyni. Reiknað er meðalfermetraverð í 6 flokkum eftir herbergjafjölda og niðurstöður vegnar saman með veltu síðustu 12 mánaða. Stuðst er við leigusamninga síðastliðinna tveggja mánaða við útreikning vísitölunnar, svo septembergildi hennar tekur mið af leigusamningum í ágúst og september.

Vísitala leiguverðs lækkaði um 0,6 prósent í september

Mánaðarskýrsla HMS fyrir október 2024 er komin út, en hana má nálgast með því að smella á hnappinn hér fyrir neðan. Í skýrslunni kemur meðal annars fram að fasteignamarkaðurinn er tvískiptur, þar sem mikil eftirspurn er eftir ódýrum íbúðum, en verulega hefur dregið úr eftirspurn eftir dýrum íbúðum. Leigumarkaðurinn leitar aukins jafnvægis eftir miklar verðhækkanir, en vísitala leiguverðs á höfuðborgarsvæðinu hefur nú lækkað á milli mánaða tvo mánuði í röð.

HMS_Mánaðarskýrsla_október2024.pdf

Gogn_manadarskyrsla_oktober24.xlsx

Myndir að baki mánaðarskýrslunni má nálgast  hér

Fasteignamarkaðurinn er tvískiptur, þar sem mikil eftirspurn er eftir ódýrum íbúðum, en verulega hefur dregið úr eftirspurn eftir dýrum íbúðum.  Kaupsamningar í ágúst voru færri en á síðustu sex mánuðum þar á undan, jafnvel þótt kaupsamningar vegna Grindavíkur séu teknir til hliðar. Hins vegar var fjöldi kaupsamninga í mánuðinum nálægt sögulegu meðaltali.

Tvískipting fasteignamarkaðarins er að miklu leyti tilkomin vegna takmarkana Seðlabankans á greiðslubyrði lána. Takmarkanirnar hafa dregið úr eftirspurn á dýrari íbúðum, en þær seljast nú hægt á meðan ódýrustu íbúðirnar seljast hratt.

Yfir 20% íbúða sem eru ekki í nýbyggingum á höfuðborgarsvæðinu seljast á yfirverði, og er það hlutfall áþekkt því sem var á seinni hluta áranna 2017 og 2020, þegar mikill eftirspurnarþrýstingur var á húsnæðismarkaði. Á sama tíma hefur greiðslubyrði lána á íbúðum aukist töluvert og hefur hún ekki verið jafnhá fyrir verðtryggð lán síðan í fjármálahruninu árið 2008.

Leiguverð lækkar annan mánuðinn í röð

Leigumarkaðurinn leitar aukins jafnvægis eftir miklar verðhækkanir, en vísitala leiguverðs á höfuðborgarsvæðinu hefur nú lækkað á milli mánaða tvo mánuði í röð. Samkvæmt tölum frá leiguvefnum Myigloo.is dregur úr eftirspurnarþrýstingi, þar sem virkum leitendum á hvern leigusamning fækkar.

Hins vegar bendir leigumarkaðskönnun HMS í ár til þess að helmingur leigjenda búi við íþyngjandi húsnæðiskostnað hér á landi. Í alþjóðlegum samanburði býr hátt hlutfall leigjenda við íþyngjandi húsnæðiskostnað hér á landi og innan OECD er húsnæðiskostnaður leigjenda einungis meiri í Finnlandi, Noregi, Svíþjóð og Hollandi.

Veðsetning fasteignaeigenda í sögulegu lágmarki 

Lánamarkaðurinn sýnir að vaxtahækkanir á síðustu misserum eru farin að bíta, en hlutfall vaxtagreiðslna af ráðstöfunartekjum fólks fer nú hækkandi. Vaxtagjöld vegna íbúðalána hækkuðu annað árið í röð eftir tímabil lágra vaxta árin 2020 og 2021 en heimili landsins greiddu að jafnaði 5,7% af ráðstöfunartekjum í vaxtagjöld í fyrra og er hlutfallið það hæsta frá 2016.

Hækkandi vaxtabyrði kemur illa niður á einstaklingum með íbúðalán. Þó er mikill munur eftir fjölskyldustöðu en verst kemur hækkandi greiðslubyrði niður á barnafjölskyldum. Þó er veðsetningarhlutfall heimila í sögulegu lágmarki en miklar hækkanir á fasteignaverði síðustu ára hafa fært heimilum landsins aukið veðrými.

Flest sveitarfélög byggja ekki í samræmi við þörf

Á byggingarmarkaði hefur uppbygging íbúða ekki náð að uppfylla vænta íbúðaþörf í flestum sveitarfélögum landsins. Einungis fimm af 14 sveitarfélögum sem áætluðu mestu íbúðafjölgunina náðu að byggja í takt við áætlaða þörf í fyrra. Þetta voru Garðabær, Hafnarfjörður, Árborg, Ölfus og Akraneskaupstaður.

HMS hefur hætt að þjónusta smáforritið Byggingargátt HMS, en frá og með 15. desember næstkomandi verður ekki hægt að skila inn gögnum fyrir áfangaúttektir með forritinu.

Byggingarstjórar voru áður skyldugir til að skrá niðurstöður áfangaúttekta í byggingargátt HMS. Með tilkomu mannvirkjaskrá HMS hafa skilin hins vegar verið einfölduð, en með því geta byggingarstjórar skráð að þeir hafi framkvæmt áfangaúttekt í stað þess að skrá niðurstöður úttektarinnar í byggingargáttina.

Hér er hægt að skrá sig inn í vefviðmót mannvirkjaskrár.

Hægt er að fá leiðbeiningar og aðstoð við skil á gögnum með því að hafa samband við oryggi@hms, en einnig er hægt að finna fleiri upplýsingar um áfangaúttektir byggingarstjóra.

Smáforrit byggingarstjóra fyrir skil á áfangaúttektum lokað

HMS vekur athygli á innköllun Vitamix á Íslandi/Kælitækni á 225ml og 600ml aukakönnum með skurðblaðabotni frá Vitamix. Könnurnar geta losnað frá skurðblaðabotninum og leitt til hættu á að fólk skeri sig á blöðunum.

Rafföng: 225ml og 600ml aukakönnur með skurðblaðabotni frá Vitamix.

Þekktir söluaðilar á Íslandi: Vitamix á Íslandi/Kælitækni en mögulega gætu þessar könnur hafa borist hingað til lands eftir öðrum leiðum, t.d í gegnum vefverslanir.

Hætta: Slysahætta getur stafað af þessum könnum.

HMS beinir því til allra eigenda og notenda viðkomandi búnaðar að hætta notkun hans þegar í stað og hafa samband við Vitamix á Íslandi/Kælitækni.

Sjá frekari upplýsingar og leiðbeiningar í innköllun Vitamix á Íslandi/Kælitækni.

Möguleg slysahætta af aukakönnum með skurðblaðabotni frá Vitamix

Þjónustuflokkar

Þjónustuflokkar

Möguleg slysahætta af aukakönnum með skurðblaðabotni frá Vitamix

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Kaupskrá fasteigna er nú uppfærð daglega

Vísitala leiguverðs lækkaði um 0,6 prósent í september

Mánaðarskýrsla HMS október 2024

Smáforrit byggingarstjóra fyrir skil á áfangaúttektum lokað

Fleiri fréttir

Kaupskrá fasteigna er nú uppfærð daglega

Vísitala leiguverðs lækkaði um 0,6 prósent í september

Mánaðarskýrsla HMS október 2024

Smáforrit byggingarstjóra fyrir skil á áfangaúttektum lokað