Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Skipulag

Stofnframlög

Umhverfismat

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Á landinu öllu eru nú 5.790 íbúðir í byggingu

Rúmlega helmingur íbúða í byggingu er við fokheldi eða lengra kominn

Talning á íbúðum í byggingu fer fram á næstu vikum

Samkvæmt mælaborði íbúða í byggingu eru 5.790 íbúðir skráðar í byggingu á landinu öllu. Auk þess er nú skráð 801 byggingaráform, en þau vísa til íbúða sem hafa fengið útgefið byggingarleyfi án þess að framkvæmdir séu hafnar. Framkvæmdum hefur verið lokið við rúmlega 1.500 íbúðir það sem af er ári.

Þetta er meðal þess sem lesa má úr mælaborðinu sem birtir samantekin gögn úr mannvirkjaskrá HMS um íbúðir í byggingu, byggingaráform og fullbúnar íbúðir eftir tegund húsnæðis, stærðarflokkun og framvindu.

Rúmlega þriðjungur íbúða í byggingu er við fokheldi

Um það bil þriðja hver íbúð sem er í byggingu á landinu öllu telst fokheld. Við fokheldi hefur burðarvirki verið fullreist og byggingu hefur verið lokað fyrir veðri og vindum. Um 19% íbúða til viðbótar eru á matsstigi 5 þar sem útveggir eru fullbúnir með endanlegri klæðningu, gluggar og útihurðir hafa verið uppsettar, þak er fullfrágengið og innrými er tilbúið fyrir málningu, gólfefni og klæðningu.

Á myndinni hér að neðan má sjá dreifingu íbúða í byggingu eftir matsstigum og tegund húsnæðis samkvæmt skráningu í mannvirkjaskrá HMS.

Líkt og sjá má á myndinni hér að ofan er tæplega þriðjungur allra fjölbýlisíbúða í byggingu á matsstigi 2, sem vísar til þess þegar vinnu við undirstöður hefur verið lokið. Hlutfallslega færri sérbýli eru á því matsstigi, eða um 15%. Samkvæmt skráningu í mannvirkjaskrá eru fæstar íbúðir á matsstigi 3, hvort sem um er að ræða fjölbýli eða sérbýli, en á því matsstigi er burðarvirki byggingarinnar reist.

Fáar íbúðir á fyrstu matsstigum í Kópavogi

Dreifing íbúða í byggingu eftir matsstigum er ólík eftir sveitarfélögum á höfuðborgarsvæðinu. Þar má helst nefna að í Kópavogi virðist lítið hafa verið um nýjar framkvæmdir að undanförnu þar sem nánast allar íbúðir í byggingu í sveitarfélaginu eru orðnar fokheldar.

Hlutfallslega flestar íbúðir eru á fyrri stigum framkvæmda í Reykjavík, þar sem um helmingur íbúða í byggingu er ýmist á matsstigi 1 eða 2. Hlutfallið er á bilinu 30-36% í Garðabæ, Hafnarfirði og Mosfellsbæ.

HMS framkvæmir talningu á öllum íbúðum í byggingu tvisvar sinnum á ári og niðurstöðurnar eru kynntar í mars og september. HMS mun hefja vinnu við septembertalningu í næstu viku og upplýsingar í mælaborðinu verða uppfærðar þegar þær berast. Kynning á niðurstöðum septembertalningar er fyrirhuguð þann 22. september næstkomandi.

Hagdeild HMS hefur útbúið nýjan póstlista fyrir alla sem vilja fylgjast með húsnæðismálum. Áskrifendur póstlistans munu fá helstu greiningar sendar til sín úr mánaðarskýrslum HMS, ásamt tilfallandi greiningum um fasteigna-, leigu-, lána- og byggingarmarkaðinn og auglýsingum um komandi viðburði.

Hægt er að skrá sig á póstlistann með því að smella á hnappinn hér fyrir neðan.

Meirihluti íbúða í byggingu telst fokheldur eða lengra kominn

Íbúðaverð hefur ekki hækkað jafn hratt og laun á síðustu fjórum árum

Greiðslur af íbúðalánum eru hins vegar þungbærari en þær voru á árunum fyrir faraldur

Greiðslubyrði verðtryggðra og óverðtryggðra lána hefur aukist álíka mikið frá árinu 2020

Ef tekið er tillit til launa, vaxta og verðlags er greiðslubyrði af nýjum íbúðalánum 30 til 40 prósentum þyngri en hún var á árunum 2015-2020. Greiðslubyrði óverðtryggðra lána hefur þó lækkað á allra síðustu árum, ásamt því að íbúðaverð hefur lækkað sem hlutfall af launum.

Þetta er á meðal þess sem fjallað verður um í mánaðarskýrslu HMS fyrir ágústmánuð sem kemur út þann 20. ágúst.

Laun hafa hækkað umfram íbúðaverð frá árinu 2022

Í mánaðarskýrslunni verður fjallað um samhengi íbúðaverðs, launa og vaxta á síðustu árum og áratugum. Íbúðaverð hefur hækkað sem hlutfall af launum frá árinu 1989, en frá árinu 2022 hefur hlutfallið lækkað, líkt og sjá má á mynd hér að neðan. Íbúðaverð sem hlutfall af launum er nú nálægt meðaltali síðustu tíu ára.

Samhliða því að íbúðaverð sem hlutfall af launum hefur lækkað hafa nafnvextir íbúðalána einnig lækkað á síðustu árum, en hvoru tveggja hefur leitt til þess að greiðslubyrði nýrra óverðtryggðra lána hefur lækkað. Greiðslubyrðin er þó enn töluvert þyngri en hún var á tímabilinu 2015-2020.

Á mynd hér að neðan má sjá þróun greiðslubyrðar af nýju húsnæðisláni eftir mánuðum frá ársbyrjun 2015 til aprílmánaðar 2026. Þróunin er sýnd með vísitölu sem tekur gildið 100 í janúar 2015 og byggir á hagvísum Seðlabankans um vexti á íbúðalánum, ásamt vísitölu íbúðaverðs og launavísitölu Hagstofu.

Líkt og myndin hér að ofan sýnir var greiðslubyrði verðtryggðra og óverðtryggðra lána tiltölulega stöðug á tímabilinu 2015-2020. Á tímum heimsfaraldursins  lækkaði greiðslubyrðin svo markvert, en jókst svo enn meira þegar vextir hækkuðu á árunum 2022-2024.

Í aprílmánuði á þessu ári var greiðslubyrði óverðtryggðra lána um 40% þyngri en hún var í janúar 2015, á meðan greiðslubyrði verðtryggðra lána var 37% þyngri en í ársbyrjun 2015.

Laun hafa ekki náð að bæta upp fyrir hækkun vaxta og íbúðaverðs

HMS greiddi alls 915 milljónir í stuðning til leigjenda vegna leigu í júlí

Yfir 17 þúsund heimili á leigumarkaði fengu húsnæðisbætur í mánuðinum

Rúmlega þúsund heimili í Skagafirði og Kópavogi fengu sérstakan húsnæðisstuðning

Þann 31. júlí síðastliðinn greiddi HMS um 915 milljónir króna í húsnæðisstuðning til leigjenda vegna leigu í júlí. Greiðslurnar styðja við þúsundir heimila um land allt og miða að því að draga úr húsnæðiskostnaði tekju- og efnaminni leigjenda og auka húsnæðisöryggi þeirra.

Húsnæðisstuðningurinn skiptist í tvo meginflokka, annars vegar almennar húsnæðisbætur og hins vegar sérstakan húsnæðisstuðning sveitarfélaga.

Stærsti hluti greiðslna í júlí var vegna almennra húsnæðisbóta. HMS greiddi tæpar 881 milljón króna til um 17.501 heimilis í almennar húsnæðisbætur. Þetta samsvarar um þriðjungi af áætlaðri stærð leigumarkaðarins, en HMS áætlar að hann telji um 50 þúsund heimili.

Sér­stak­ur hús­næð­isstuðn­ing­ur fyr­ir Kópa­vog og Skaga­fjörð

Auk þess greiddi HMS sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Í júlí voru greiddar tæpar 34 milljónir króna til 1.088 heimila í Kópavogi og 84 heimila í Skagafirði. Sérstakur húsnæðisstuðningur er á vegum sveitarfélaganna og er honum ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna.

Í júní og júlí voru gefin út 23 álit eða ákvarðanir á grundvelli laga um umhverfismat framkvæmda og áætlana

Þar af voru 5 álit um umhverfismat, 3 álit um matsáætlun og 15 ákvarðanir um matsskyldu framkvæmdar

Um er að ræða fjölbreyttar framkvæmdir, svo sem gagnaver, landeldi, sjókvíaeldi, sláturhús, vindorkuver, vegagerð, vatnsaflsvirkjanir og efnistaka

Aukið sjókvíaeldi í Arnarfirði á vegum Arnarlax – álit um umhverfismat

Arnarlax áformar að auka umfang sjókvíaeldis fyrirtækisins í Arnarfirði úr 11.500 tonna hámarkslífmassa í 16.000 tonn og stækka eldissvæðin úr 5,9 km2 í 29 km2.

Stækkun landeldisstöðvar í Vestmannaeyjum – álit um umhverfismat

Laxey hf. áformar að stækka landeldisstöð sína og sækja um leyfi fyrir allt að 42.000 tonnum á ári. Núverandi leyfi heimilar hámarks lífmassa upp í allt að 7.000 tonnum en eftir stækkun verði hámarks lífmassi í stöðinni allt að 22.000 tonn í fullum rekstri. Einnig eru áform um að reisa aðra seiðaeldisstöð á athafnarsvæði vestan við Viðlagafjöru þar sem hámarks lífmassi verði allt að 300 tonn.

Vindorkuver að Hróðnýjarstöðum – álit um umhverfismat

Stormorka ehf. áformar að reisa 118,8 MW vindorkuver á 415 ha svæði í landi Hróðnýjarstaða í Dalabyggð. Gert er ráð fyrir að reisa 18 vindmyllur á framkvæmdasvæðinu og að afl hverrar verði 6,6 MW.

Stækkun Sigöldustöðvar – álit um umhverfismat

Uppsett afl Sigöldustöðvar er 150 MW. Fyrirhuguð áform ganga út á að auka afl stöðvarinnar í allt að 215 MW.

Norðausturvegur um Skjálfandafljót í Kinn –  Álit um umhverfismat

Vegagerðin fyrirhugar vegabætur á um 9-10 km löngum kafla Norðausturvegar (85) um Skjálfandafljót í Kinn.

Botnsvirkjun í Dýrafirði – álit um matsáætlun

Botnsorka ehf. áformar að reisa Botnsvirkjun í Dýrafjarðarbotni. Áætlað er að uppsett afl Botnsvirkjunar verði allt að 3 MW.

Thor landeldi ehf. áformar uppbyggingu landeldisstöðvar í Ölfusi til eldis á laxi. Stefnt er að framleiðslu á 20.000 tonnum á ári í þauleldi á landi en stöðin verður byggð í þremur áföngum.

Fiskeldi Laxóss á landi við Hauganes í Eyjafirði – álit um matsáætlun

Laxós ehf., áformar að byggja landeldistöð fyrir lax og/eða regnbogaurriða norðan Hauganess við Eyjafjörð. Fyrirhuguð framleiðsla er um 22.000 tonn á ári

Brennsluofn fyrir dýrahræ og -leifar við Árnes – ákvörðun um matsskyldu

Niðurstaða: Framkvæmd ekki háð umhverfismati.

Fráveita Hveragerðis - stækkun skólphreinsistöðvar – ákvörðun um matsskyldu

Breytingar á Breiðadalslínu 1 í Dýrafirði – ákvörðun um matsskyldu

Breytt fyrirkomulag við boranir í Skammadal/ á Reykjum – ákvörðun um matsskyldu

Nýtt sláturhús Sláturfélags Suðurlands á Selfossi – ákvörðun um matsskyldu

Merkurnáma – ákvörðun um matsskyldu

Nýjar borholur í Laugarnesi Reykjavík. Við Engjateig – ákvörðun um matsskyldu

Biskupstungnabraut um Geysissvæðið og Tungufljót – ákvörðun um matsskyldu

Niðurstaða: Framkvæmd háð umhverfismati.

Frekari dýpkun innsiglingar Þorlákshafnar – ákvörðun um matsskyldu

Aukin efnistaka á Tungnaáreyrum – ákvörðun um matsskyldu

Aukin efnistaka við Ferjufit – ákvörðun um matsskyldu

Saltvík – Hænsnabú – ákvörðun um matsskyldu

Vatnslögn í Hrunamannahreppi – ákvörðun um matsskyldu

Niðurstaða: framkvæmd ekki háð umhverfismati.

Nýtt gagnaver Verne við Valhallarbraut – ákvörðun um matsskyldu

Stokksnesvegur, Almannaskarð-Leirtjörn – ákvörðun um matsskyldu

Umhverfismat í júní- og júlímánuði

Mannfjöldaspá eftir landsvæðum og sveitarfélögum

Mannfjöldaspá eftir landsvæðum og sveitarfélögum

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Meirihluti íbúða í byggingu telst fokheldur eða lengra kominn

Laun hafa ekki náð að bæta upp fyrir hækkun vaxta og íbúðaverðs

Greiðsla húsnæðisbóta í júlí

Umhverfismat í júní- og júlímánuði

Fleiri fréttir

Meirihluti íbúða í byggingu telst fokheldur eða lengra kominn

Laun hafa ekki náð að bæta upp fyrir hækkun vaxta og íbúðaverðs

Greiðsla húsnæðisbóta í júlí

Umhverfismat í júní- og júlímánuði