30. janúar 2025
29. janúar 2025
Hugvit og nýsköpun í byggingariðnaði
Útgáfuáætlun
Hér má sjá útgáfuáætlun HMS
Í gær var haldinn fundur hjá HMS þar sem niðurstöður styrkhafa Asks – mannvirkjarannsóknasjóðs voru gefnar út.
Gefnar voru út niðurstöður og kynningarefni 38 verkefna, en á bakvið 38 verkefni eru 62 verkefnastyrkir þar sem styrkir eru veittir til eins árs í senn og mörg verkefni hafa fengið framhaldsstyrki. Sautján verkefni eru ekki fullbúin og mun efni bætast við síðurnar.
Síðurnar eru byggðar upp með myndrænu efni, stuttri kynningu á verkefnunum og þátttakendum þess, lokaskýrslu verkefnisins og slóð á vídeó af kynningu á verkefninu ef slíkt er fyrir hendi. Útgáfan er liður í að byggja upp þekkingu og stuðla að því að viðburðir og niðurstöður styrkhafa lifi áfram og geti undirbyggt frekari rannsóknir og umbætur í mannvirkjagerð.
Dagskrá fundarins
- Hermann Jónasson forstjóri HMS og dr. Þórhildur Fjóla Kristjánsdóttir stundakennari í Háskólanum í Reykjavík og rannsóknasérfræðingur ávörpuðu fundinn.
- Hrafnhildur Sif Hrafnsdóttir, verkefnastjóri Asks kynnti vefsíðu með niðurstöðum styrkþega.
- Dr. Dórótea Höeg Sigurðardóttir, lektor hjá HÍ kynnti verkefni sitt Þekking á uppsprettum í raka í byggingum á norðurslóðum.
- Dr. Kristján Friðrik Alexandersson kynnti verkefnið Hringrásanlegt léttfylliefni í steinsteypu frá Rockpore.
- Arnhildur Pálmadóttir, arkitekt kynnti verkefnið Háteigsvegur 59.
- Dr. Jónas Þór Snæbjörnsson, prófessor í Háskólanum í Reykjavík kynnti verkefnið Orkunýting hönnuð og mæld.
- Anna María Bogadóttir, arkitekt og dósent við Listaháskóla Íslands, kynnti verkefnið Híbýlaauður.
Upptaka af fundinum
Útgáfuáætlun
Hér má sjá útgáfuáætlun HMS
