Húsnæðis- og mannvirkjastofnun vekur athygli á innköllun á hættulegum leikfanga sílafón sem gæti verið til á Íslandi.  Umræddur sílafónn er seldur í Primark búðunum sem margir Íslendingar kannast við. Sílafónninn er innkallaður vegna þess að smáhlutir geta auðveldlega losnað frá hljóðfærinu sem getur valdið hættu á köfnun hjá ungum börnum. Hérna má sjá hlekk á þessa innköllun á Safety Gate síðunni.

Húsnæðis- og mannvirkjastofnun hvetur foreldra til að yfirfara leikföng barna sinna reglulega. Leikföng slitna og hlutir geta losnað af þeim við notkun.  Þetta getur valdið alvarlegum slysum hjá börnum.