Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Brák íbúðafélag hefur fengið samþykkta umsókn um úthlutun stofnframlags úr fyrstu úthlutun ársins 2025, til byggingar á nýju leiguhúsnæði á Dalvík. Um er að ræða 12 íbúða fjölbýlishús á tveimur hæðum, búið utan á liggjandi lyftu. Íbúðirnar verða sérstaklega ætlaðar öldruðu fólki. Er um að ræða annað verkefnið sem fær samþykkt veitingu stofnframlaga í Dalvíkurbyggð, en áður hefur verið byggður íbúðakjarni með sjö íbúðum fyrir fatlað fólk á Dalvík með aðstoð stofnframlaga. 

Samþykkt var að leggja verkefninu til stofnframlag frá ríkinu auk sérstaks byggðaframlags sem ætlað er að styðja við að húsnæðisuppbygging á landsbyggðinni sé í samræmi við þörf. Dalvíkurbyggð hefur sömuleiðis samþykkt að veita stofnframlag til verkefnisins. 

Brák íbúðafélag er rekið án hagnaðarsjónarmiða og hefur það að markmiði að tryggja tekjulægri einstaklingum og fjölskyldum öruggt og langtímaleigt húsnæði. Hlutverk Brákar er að byggja eða kaupa íbúðir fyrir tekju- og eignaminni heimili og sjá um rekstur og viðhald þeirra eigna. Í dag eru 35 sveitarfélög aðilar að Brák og rúmlega 300 íbúðir annað hvort komnar í útleigu eða í undirbúningi. 

Verkefnið er hluti af Tryggð byggð - samstarfsvettvangi um húsnæðisuppbyggingu á landsbyggðinni. 

Samþykkt stofnframlag til nýrra leiguíbúða fyrir aldraða á Dalvík 

HMS hefur endurvakið útgáfu á svonefndum Rb-blöðum, sem eru tækni- og leiðbeiningablöð um mannvirkjagerð. Viðfangsefni Rb-blaða hafa verið fjölbreytt í gegnum tíðina. Í tilefni útgáfu nýrra blaða endurútgefur HMS eldri blöð í lok hvers mánaðar, það er blöð sem tengjast málefnum líðandi stundar.  

Rb-blað mánaðarins fjallar í þetta skiptið um litla veggi og hleðslur utandyra. 

Rb-blað mánaðarins var gefið út í maí 1997 og fjallar um litla veggi og hleðslur sem henta til dæmis í almenningsgörðum, á leiksvæðum, í kirkjugörðum og víðar. Fjallað er um veggi sem ná allt að 1,5 m hæð. 

Hér má nálgast önnur útgefin Rb-blöð. 

Lítill veggur er oft góður kostur sé verið að mynda skjól, rétta af halla á lóð eða afmarka svæði. 

Lágir veggir geta verið hlaðnir úr hleðslu- eða náttúrugrjóti, steyptir eða úr timbri og ýmist einnar eða tveggja hliða. 

Að fjölmörgu er að hyggja sé ætlunin að setja upp lítinn vegg, meðal annars grundun, frostlyftingu, undirlagi og veðurálagi. 

Einnig er rétt að kanna vel hvort framkvæmdin sé leyfð samkvæmt deiliskipulagi eða hvort hún sé byggingarleyfisskyld. Ef ætlunin er að eiga við vegg sem staðið hefur í áratugi er rétt að hafa samband við Minjastofnun áður en vinnan hefst. 

Rb-blað mánaðarins: Litlir veggir og hleðslur utandyra

HMS hefur frumkvæði að kortlagningu fasteigna sem ekki hafa hnitsetta afmörkun í landeignaskrá og nýtir opinber gögn til að áætla legu eignamarka. Verkefnið er nú komið vel á veg og hafa eignamörk um 1.720 jarða á Norðurlandi verið áætluð og birt í landeignaskrá.

Fyrr á árinu sendi HMS eigendum jarðanna bréf þess efnis að drög að áætluðum eignamörkum væru komin í birtingu og að aðilar gætu kynnt sér drögin í vefsjá landeignaskrár. Aðilar höfðu sex vikur til að bregðast við og senda HMS athugasemdir um áætlaða legu einstakra eignamarka.

 Frá því að HMS tók við málaflokki fasteignaskrár hefur stofnunin unnið markvisst að uppbyggingu landeignaskrár þannig að hún geti þjónað sem heildstætt upplýsingakerfi um eignarhalds lands á Íslandi. Í upphafi árs 2023 var um 29% flatarmáls Íslands með afmörkun í landeignaskrá. Hlutfallið jókst í 39% árið 2024 og árið 2025 er það komið upp í 54% með birtingu áætlaðra eignamarka á stórum hluta Norðurlands.

Næsta svæði sem tekið verður til yfirferðar er Vestfirðir og gert er ráð fyrir að drög að áætluðum eignamörkum á því svæði verði kynnt landeigendum síðar á þessu ári. Á næstu árum er svo er ráðgert að vinna Norðausturland að Langanesi, Suðausturland, Austurland, Vesturland, og enda svo á Suðurlandi og Suðvesturlandi árið 2028.

Fyrr á árinu hélt HMS fjölsóttan fund sem bar yfirskriftina „Hver á Ísland? Eignarhald og afmörkun jarða“. Á fundinum var farið yfir ástæður verkefnisins.

HMS hefur lokið áætlun eignamarka jarða á stórum hluta Norðurlands

Félags- og húsnæðismálaráðuneytið hefur gert breytingu á reglugerð um húsnæðisbætur sem felur í sér hækkun á frítekjumörkum vegna árlegra tekna. Frá og með 1. september 2025 munu hærri frítekjumörk gilda við útreikning húsnæðisbóta.

 Endurreikningur húsnæðisbóta fer fram um miðjan septembermánuð. Umsækjendur fá bréf á island.is með niðurstöðum endurreiknings ef breyting hefur orðið á bótarétti frá síðustu tekjuáætlun.  

 Eftir breytingarnar verða frítekjumörkin eftirfarandi miðað við árstekjur:

Fjöldi heimilismanna|Frítekjumörk fyrir breytingar|Frítekjumörk eftir breytingar

Fyrsta greiðsla húsnæðisbóta eftir þessar breytingar verður 1. október næstkomandi fyrir septembermánuð. Markmiðið með breytingunni er að koma til móts við þær breytingar sem verða á örorku- og endurhæfingargreiðslum frá 1. september 2025.

Hækkun frítekjumarka húsnæðisbóta frá 1. september 2025

HMS birtir spurningu mánaðarins á vefsíðunni byggingarreglugerd.is. Með spurningu mánaðarins er leitast við að svara algengum spurningum sem sérfræðingum HMS á sviði starfsumhverfis mannvirkjagerðar berast.

Spurning mánaðarins í apríl fjallar um hvenær þarf að sækja um leyfi til byggingarfulltrúa og hvenær ekki.

Hvenær þarf að sækja um leyfi til byggingarfulltrúa og hvenær ekki?

Þjónustuflokkar

Þjónustuflokkar

Hvenær þarf að sækja um leyfi til byggingarfulltrúa og hvenær ekki?

Póstlisti HMS

Útgáfuáætlun

Hér má nálgast spurningu mánaðarins

Póstlisti HMS

Útgáfuáætlun

Fleiri fréttir

Samþykkt stofnframlag til nýrra leiguíbúða fyrir aldraða á Dalvík

Rb-blað mánaðarins: Litlir veggir og hleðslur utandyra

HMS hefur lokið áætlun eignamarka jarða á stórum hluta Norðurlands

Hækkun frítekjumarka húsnæðisbóta frá 1. september 2025

Fleiri fréttir

Samþykkt stofnframlag til nýrra leiguíbúða fyrir aldraða á Dalvík

Rb-blað mánaðarins: Litlir veggir og hleðslur utandyra

HMS hefur lokið áætlun eignamarka jarða á stórum hluta Norðurlands

Hækkun frítekjumarka húsnæðisbóta frá 1. september 2025