Markmið sjóðsins er að veita slökkviliðum, slökkviliðsmönnum, eldvarnareftirlitsmönnum og öðrum þeim sem starfa að brunamálum styrki til náms og verkefna á sviði brunamála í þeim tilgangi að byggja upp fagþekkingu á sviði brunamála og sérstakra áhættuþátta í umhverfi þeirra sem sækja um styrki. Sjóðurinn veitir styrki til rannsóknar og þróunarverkefna á sviði brunamála sbr. 1. mgr. 3. gr. reglugerðar nr. 266/2001.

Fræðslusjóður brunamála hefur til umráða 4.000.000 kr. og mun 60-90% verða ráðstafað til slökkviliða og einstakra slökkviliðsmanna. Aðrir aðilar sem vinna að brunamálum eiga kost á 10-40% af ráðstöfunarfé sjóðsins. Sjóðurinn veitir ekki styrki til einkafyrirtækja.

Umsóknir í fræðslusjóð brunamála skulu fela í sér umfjöllun um hversu mikilvægt verkefnið er, hvernig gæðum er stýrt og hvernig útkomu verkefnisins verður komið á framfæri þannig að aukin þekking á sviði brunamála nýtist sem flestum af þeim sem að brunamálum vinna.

Við úthlutun styrkja skal stuðst við umsagnir frá úthlutunarnefnd í samræmi við verklagsreglu HMS.

Umsóknir merktar „Fræðslusjóður brunamála 2022“ skal senda til HMS á netfangið brunavarnasvid@hms.is, fyrir 15. nóvember næst komandi.