Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Gögn og mælaborð

Brunamálaskólinn

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Slökkviliðin

Stofnframlög

Þjónustuaðilar brunavarna

Þjónustuflokkar

Húsnæðisbætur og lán

Lánavefur

Öryggi mannvirkja

Brunavarnir

Sveitarfélagsgátt

Um HMS

Fræðsla og forvarnir

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Fyrsta útgáfa nýs stafræns umsóknarviðmóts HMS fyrir byggingarleyfi á Íslandi er komin í loftið og er það sveitarfélagið Reykjanesbær sem hefur nú tekið á móti sinni fyrstu formlegu umsókn um byggingarleyfi með þessum hætti. Þetta mikilvæga skref er það fyrsta í vegferðinni að samræma og einfalda umsókn og útgáfu byggingarleyfa hjá öllum sveitarfélögum á landinu og stuðla að vandaðri mannvirkjagerð til framtíðar.

Reykjanesbær er fyrst sveitarfélaga á landinu í innleiðingu umsóknarviðmótsins en nú þegar er hafin samvinna og undirbúningur hjá fleiri sveitarfélögum um innleiðingu. Fyrst um sinn verður einungis hægt að sækja um byggingarleyfi hjá Reykjanesbæ með þessum hætti. Nánari upplýsingar um verkefnið og helstu áherslur má sjá í meðfylgjandi myndbandi. 

Gríðarlegur ávinningur fæst strax með fyrstu útgáfu umsóknarviðmótsins til notenda og starfsmanna sveitarfélaga þar sem viðmótið leiðbeinir notandanum við umsókn og skilar betri og samræmdari gögnum til byggingarfulltrúa. Áfram verður unnið að þróun viðmótsins og innleiðingu hjá fleiri sveitarfélögum auk þess sem vinna við næsta áfanga verkefnisins er hafin og snýr að þróun afgreiðsluviðmóts byggingarleyfa hjá sveitarfélögum. Þannig geta sveitarfélög tekið á móti umsókn og afgreitt með skilvirkum hætti í einu og sama kerfinu og hönnuðir og aðrir notendur haft sameiginlega sýn á stöðu sinna mála frá umsókn til útgáfu leyfis.  

Umsóknarviðmót byggingarleyfa á Reykjanesi komið í loftið

Með nýrri lagasetningu, sem tekur gildi um áramót, verður sértækur húsnæðisstuðningur til Grindvíkinga framlengdur til 31. mars 2025. Stuðningurinn er ætlaður íbúum Grindavíkur sem hafa neyðst til að yfirgefa heimili sín og þurft að leigja íbúðarhúsnæði utan Grindavíkur vegna jarðhræringanna á Reykjanesskaga. 

Hverjir eiga rétt á sértækum húsnæðisstuðningi? 

Til að tryggja að stuðningurinn nýtist þeim sem raunverulega þurfa á honum að halda, þarf umsækjandi að uppfylla eftirfarandi skilyrði: 

Umsækjandi og heimilismenn voru með lögheimili eða tímabundið aðsetur í Grindavíkurbæ 10. nóvember 2023 og þurftu að yfirgefa heimili sitt samkvæmt lögum um almannavarnir

Umsækjandi og heimilismenn búa í leiguhúsnæði og hafa þar lögheimili eða tímabundið aðsetur 

Umsækjandi þarf að vera 18 ára eða eldri

Umsækjandi er aðili að skráðum leigusamningi í Leiguskrá HMS

Umsækjandi og heimilismenn, 18 ára og eldri, hafa veitt samþykki sitt til upplýsingaöflunar 

Mánaðarleg upphæð húsnæðisstuðningsins er reiknuð út frá fjölda heimilismanna og getur numið allt að 90 prósent af leigufjárhæðinni. Stuðningnum er ætlað að létta fjárhagslegt álag af þeim sem þurfa að leigja húsnæði vegna neyðarástandsins. 

Húsnæðisstuðningur til Grindvíkinga framlengdur fyrir þá sem eru í neyð  

Mánaðarskýrsla HMS fyrir nóvember 2024 er komin út, en hana má nálgast með því að smella á hnappinn hér fyrir neðan. Í skýrslunni kemur meðal annars fram að fasteignamarkaðurinn hefur kólnað á haustmánuðum, en eftirspurn er hins vegar töluverð í sögulegu samhengi. Leigumarkaðurinn ber aftur merki aukins eftirspurnarþrýstings, þar sem leiguverð hefur hækkað aftur eftir tveggja mánaða lækkun. Íbúðum til útleigu á Airbnb hefur fjölgað á síðustu árum, en samhliða því hefur leigjendum þótt erfiðara að verða sér úti um húsnæði. 

HMS_Mánaðarskýrsla_nóvember2024.pdf

Gogn_manadarskyrsla_nov24.xlsx

Myndir að baki mánaðarskýrslunni má nálgast  hér

Grindavíkuráhrif á fasteignamarkaðinn fjara út í nágrenni höfuðborgarsvæðis

Fasteignamarkaðurinn hefur kólnað á haustmánuðum með færri kaupsamningum heldur en á vor- og sumarmánuðum. Eftirspurn er hins vegar töluverð í sögulegu samhengi, en ekki hefur mælst jafnmikil velta á íbúðamarkaði á föstu verðlagi hér á landi í septembermánuði, ef frá er talið árið 2020.

Framboð íbúða til sölu hefur aukist töluvert á síðustu mánuðum, eftir því sem kaupsamningum hefur fækkað og margar nýjar íbúðir sem seljast hægt hafa komið inn á markaðinn. Rúmlega 2.500 íbúðir eru til sölu á höfuðborgarsvæðinu og hafa þær ekki verið fleiri frá því mælingar hófust fyrir sex árum. Töluverð eftirspurn er hins vegar eftir ódýrum íbúðum, sem bendir til þess að auglýstar íbúðir til sölu séu ekki verðlagðar í samræmi við þarfir markaðarins.

Grindavíkuráhrif á fasteignamarkaðinn eru að fjara út á höfuðborgarsvæðinu og í nágrenni þess. Samhliða því fækkar dýrum íbúðum á sölu í nágrenni höfuðborgarsvæðisins og hlutdeild ungra kaupenda á fasteignamarkaði eykst aftur eftir að hafa lækkað töluvert á vor- og sumarmánuðum.

Airbnb-íbúðum fjölgar og flestar þeirra eru skráðar á stórtæka leigusala eða miðlara

Leigumarkaðurinn ber aftur merki aukins eftirspurnarþrýstings, þar sem leiguverð hefur hækkað aftur eftir tveggja mánaða lækkun. Hins vegar hefur greiðslubyrði verðtryggðra lána aukist mun hraðar en leiguverð á síðustu árum, auk þess sem hlutfall leigu af fasteignaverði er enn lágt í sögulegu samhengi.

Airbnb-íbúðir voru rúmlega 9 þúsund í sumar og hefur þeim fjölgað á síðustu árum. Meirihluti þessara íbúða er skráður leigusala eða leigumiðlara sem leigja út fleiri en eina eign. Á meðan skammtímaleiguíbúðum hefur fjölgað bendir leigumarkaðskönnun HMS til að framboð langtímaleiguíbúða sé af skornum skammti.

Bilið hefur breikkað á milli markaðsleigu og leiguverðs íbúða sem ekki eru reknar á hagnaðarforsendum á síðasta ári. Íbúðir í eigu einstaklinga og leigusala eru leigðar út á 250 til 350 þúsund krónum á mánuði, á meðan íbúðir í eigu sveitarfélaga og óhagnaðardrifinna leigufélaga eru leigðar út á 100 til 200 þúsund krónum á mánuði.

Veðsetningarhlutfall nýrra fasteignalána til fyrstu kaupenda fer lækkandi í takt við reglur SÍ

Á lánamarkaði má undanfarin ár greina lækkandi verðsetningarhlutfall fyrstu kaupenda. Rekja má þessa þróun til reglna Seðlabankans sem takmarka mánaðarlega greiðslubyrði við 40 prósent af ráðstöfunartekjum þeirra. Þetta hefur leitt til þess að fleiri þurfa að leggja fram meira eigið fé og taka lægri lán með minna greiðslubyrði til að standast greiðslumat bankanna. 

Fyrirtækjum í byggingariðnaði fjölgar

Á byggingarmarkaði hefur fyrirtækjum í byggingariðnaði fjölgað samkvæmt tölum sem HMS hefur fengið frá Hagstofu um nýskráningar og gjaldþrot í greininni. Á þriðja ársfjórðungi ársins urðu 17 fyrirtæki í byggingarstarfsemi gjaldþrota og 141 fyrirtæki nýskráð.

Alls bárust HMS 79 umsóknir um hlutdeildarlán í nóvember að andvirði rúmlega 1 milljarð króna, en 400 milljónir króna eru til úthlutunar fyrir tímabilið. Stofnunin stefnir að því að ljúka yfirferð innsendra umsókna og ákvarða í lok þessarar viku hverjar þeirra uppfylla skilyrði um að hljóta hlutdeildarlán.

Umsóknir með samþykkt kauptilboð í forgangi

Hlutdeildarlán eru veitt til kaupa á nýjum íbúðum og standa þau til boða fyrir fyrstu kaupendur og þau sem ekki hafa átt íbúð síðastliðin fimm ár og eru undir tilteknum tekjumörkum. Í forgangi eru umsóknir þar sem staðfest kauptilboð liggur fyrir, auk þess sem miða skal við að á hverju ári verði að minnsta kosti 20% veittra hlutdeildarlána veitt til kaupa á íbúðum utan höfuðborgarsvæðisins. Ekki verður hægt að gefa út lánsvilyrði fyrr en allar umsóknir innan forgangsröðunar hafa verið metnar.

Af þeim umsóknum sem bárust um hlutdeildarlán í nóvember voru 55 þeirra með samþykkt kauptilboð og 24 umsóknir án kauptilboðs. Heildarfjárhæð umsókna með samþykkt kauptilboð var um 734 milljónir króna.

Langflestar umsóknir til kaupa á íbúðum á höfuðborgarsvæðinu

Að þessu sinni bárust flestar umsóknir vegna kaupa á íbúðum á höfuðborgarsvæðinu þar sem umsótt fjárhæð hlutdeildarlána var um 912 milljónir króna sen er rúmlega helmingi meira en það fjármagn sem nú er til úthlutunar. Mikill meirihluti þeirra íbúða eru staðsettar í Hafnarfirði og næstflestar í Garðabæ.

Svæði | Fjöldi umsókna | Lánsfjárhæð

Umsóknir um hlutdeildarlán eftir landssvæðum

Opnað verður aftur fyrir nýtt umsóknartímabil hlutdeildarlána í byrjun desember 2024. Nánari upplýsingar verða veittar síðar.

Áframhaldandi ásókn í hlutdeildarlán í nóvember

Leigusamningar á íbúðarhúsnæði-agust-2022

Húsnæðis- og mannvirkjastofnun hefur tekið saman upplýsingar um fjölda þinglýstra leigusamninga um íbúðarhúsnæði eftir landshlutum með útgáfudag í ágúst 2022.

Heildarfjöldi samninga á landinu voru 627 í síðasta mánuði og fjölgaði þeim um 10,2% frá því í júlí 2022 en fækkaði um 37,4% frá ágúst 2021. 

Heildarfjöldi samninga á höfuðborgarsvæðinu voru 429 og fjölgaði þeim um 5,4% frá því í júlí 2022 en fækkaði um 40,9% frá ágúst 2021. 

Smelltu hér til að skoða tímaraðir í excel.

Öllum er heimil afnot af fréttinni og meðfylgjandi gögnum en vinsamlegast getið heimildar.

Fjöldi þinglýstra leigusamninga um íbúðarhúsnæði eftir landshlutum í ágúst 2022

Þjónustuflokkar

Þjónustuflokkar

Fjöldi þinglýstra leigusamninga um íbúðarhúsnæði eftir landshlutum í ágúst 2022

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Umsóknarviðmót byggingarleyfa á Reykjanesi komið í loftið

Húsnæðisstuðningur til Grindvíkinga framlengdur fyrir þá sem eru í neyð

Mánaðarskýrsla HMS nóvember 2024

Áframhaldandi ásókn í hlutdeildarlán í nóvember

Fleiri fréttir

Umsóknarviðmót byggingarleyfa á Reykjanesi komið í loftið

Húsnæðisstuðningur til Grindvíkinga framlengdur fyrir þá sem eru í neyð

Mánaðarskýrsla HMS nóvember 2024

Áframhaldandi ásókn í hlutdeildarlán í nóvember