Húsnæðis- og mannvirkjastofnun hefur tekið saman upplýsingar um veltu á fasteignamarkaði eftir landshlutum í síðasta mánuði samkvæmt þinglýstum gögnum. Fjöldi fasteigna sem gekk kaupum og sölum á landinu öllu var 947 og var upphæð viðskiptanna um 63,3 milljarðar króna þegar miðað er við útgáfudagsetningu.

Þegar september 2022 er borinn saman við ágúst 2022 fjölgaði kaupsamningum lítilllega eða um 0,2% en velta minnkaði um 0,2%. Á höfuðborgarsvæðinu fjölgaði samningum um 7,2% á milli mánaða en velta minnkaði um 1,3%.

Hægt er að sjá veltu á fasteignamarkaði frá júní 2006 til dagsins í dag í skjali sem Húsnæðis- og mannvirkjastofnun gefur út þar sem gögnunum er skipt í flokka eftir landshlutum og tegund húsnæðis. Fréttin er birt með þeim fyrirvara að ekki er búið að skanna og skrá alla samninga sem heyra til síðasta mánaðar, tölurnar verða því uppfærðar. Einnig er hægt að nálgast upplýsingar í fasteignagátt HMS.