Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Skipulag

Stofnframlög

Umhverfismat

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Um 29 prósent einstæðra foreldra á Íslandi fengu húsnæðisbætur í maí

Langflestir þeirra búa í leiguhúsnæði sem er í einkaeigu

HMS greiddi 970 milljónir í húsnæðisstuðning í maí

HMS greiddi alls 970 milljónir króna í húsnæðisstuðning til 17.710 heimila á leigumarkaði vegna leigu í maí 2026. Einstæðir foreldrar voru um 21 bótaþega í mánuðinum en gera má ráð fyrir að um 29 prósent allra einstæðra foreldra á landinu þiggi húsnæðisbætur samkvæmt upplýsingum sem unnar hafa verið upp úr húsnæðisbótagrunni HMS.

Fimmtungur þeirra sem þáðu húsnæðisbætur í maí eru einstæðir foreldrar

Af þeim sem fengu greiddar bætur í mánuðinum voru um 3.653 einstæðir foreldrar, eða tæplega 21 prósent. Samkvæmt gögnum Hagstofunnar eru um 12.639 einstæðir foreldrar á landinu og því má gera ráð fyrir að um 29 prósent allra einstæðra foreldra á Íslandi hafi þegið húsnæðisbætur í maí.

Stór hluti einstæðra foreldra á Íslandi þiggur þannig ekki húsnæðisbætur, en þar að baki kunna að liggja ýmsar skýringar. Húsnæðisbætur eru til að mynda ekki greiddar til þeirra sem búa í eigin húsnæði, en ekki liggur fyrir hversu hátt hlutfall einstæðra foreldra er á leigumarkaði á Íslandi. Þá kann að vera að einhverjir einstæðir foreldrar séu með of háar tekjur eða eignir til að eiga rétt á húsnæðisbótum.

Einstæðir foreldrar búa að stærstum hluta í leiguhúsnæði í einkaeigu

Stærstur hluti einstæðra foreldra sem þiggur húsnæðisbætur býr í húsnæði í einkaeigu, eða um 79 prósent, líkt og sjá má á myndinni hér að neðan. Minni hluti býr í félagslegu húsnæði og afar fáir búa í öðrum búsetuformum. Þetta bendir til þess að stuðningurinn nýtist að mestu leyti til heimilum sem leigja íbúðir í einkaeigu.

Húsnæðisbætur eru þannig mikilvægur stuðningur fyrir um þriðjung einstæðra foreldra,  sérstaklega þá sem leigja íbúðir sem eru í einkaeigu. Hins vegar þiggur stór hluti einstæðra foreldra ekki húsnæðisbætur sem getur haft ýmsar skýringar sem vert er að skoða nánar.

Tæpur milljarður króna var greiddur í húsnæðisstuðning vegna leigu í maí

Þann 1. júní síðastliðinn greiddi HMS um 970 milljónir króna í húsnæðisstuðning til leigjenda vegna leigu í maí. Greiðslurnar styðja við þúsundir heimila um land allt og miða að því að draga úr húsnæðiskostnaði tekju- og efnaminni leigjenda og auka húsnæðisöryggi þeirra.

Húsnæðisstuðningurinn skiptist í tvo meginflokka, annars vegar almennar húsnæðisbætur og hins vegar sérstakan húsnæðisstuðning sveitarfélaga.

Stærsti hluti greiðslna í maí var vegna almennra húsnæðisbóta. HMS greiddi tæpar 936 milljónir króna til um 17.710 heimila í almennar húsnæðisbætur. Þetta samsvarar um þriðjungi af áætlaðri stærð leigumarkaðarins, en HMS áætlar að hann telji um 50 þúsund heimili.

Auk þess greiddi HMS sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Í maí voru greiddar tæpar 34 milljónir króna til 1.101 heimila í Kópavogi og 87 heimila í Skagafirði. Sérstakur húsnæðisstuðningur er á vegum sveitarfélaganna og er honum ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna.

Tæplega þrír af hverjum tíu einstæðum foreldrum fengu húsnæðisbætur í maí

Húsnæðis-, mannvirkja- og skipulagsstofnun (HMS) hefur gefið út álit um umhverfismat fyrirhugaðar Sundabrautar á milli Sæbrautar og Kjalarness. Vegagerðin er framkvæmdaraðili Sundabrautar og ber ábyrgð á umhverfismati framkvæmdarinnar en  verkefnið unnið í samráði við Reykjavíkurborg.

Lagning Sundabrautar er umfangsmikið og flókið verkefni. Umhverfismat framkvæmdarinnar er viðamikið og felur í sér úrlausn fjölda ólíkra álitaefna. Vegagerðin hefur aflað umfangsmikilla gagna til að upplýsa um umhverfisáhrif framkvæmdarinnar og fyrir liggur fjöldi umsagna um málið frá einstaklingum, félagasamtökum, stofnunum og öðrum hagsmunaaðilum.

Að mati Húsnæðis-, mannvirkja og skipulagsstofnunar ná framlögð gögn, auk umsagna og frekari upplýsinga sem Vegagerðin lagði fram að loknum kynningartíma, að varpa fullnægjandi ljósi á umhverfisáhrif framkvæmdarinnar.

Eins og gefur að skilja þegar svo umfangsmikil framkvæmd á í hlut er uppi óvissa varðandi tiltekna þætti sem voru til umfjöllunar í umhverfismatinu. Í sumum tilvikum eru áhrif háð frekari útfærslu og hönnun sem mun eiga sér stað á síðari stigum undirbúnings framkvæmdarinnar en í öðrum tilvikum hefur umhverfismatið dregið fram þætti sem þarf að rannsaka betur. Nánari skoðun á ákveðnum þáttum er því nauðsynleg samhliða frekari hönnun á framkvæmdinni og undirbúning á skipulagi í samvinnu við Reykjavíkurborg. 

Álit HMS og önnur gögn málsins má sjá á Skipulagsgátt

Álit HMS um umhverfismat Sundabrautar hefur verið gefið út

Leiðréttingar verða gerðar hjá þeim sem hafa fengið of- eða vangreiddar húsnæðisbætur á næstu vikum

Rúmur helmingur bótaþega fá leiðréttingu samkvæmt fyrstu tölum

Of- eða vangreiðslur nema um 6 prósentum af heildarfjárhæð bóta ársins 2025

Meira en 50 prósent þeirra sem fengu greiddar húsnæðisbætur árið 2025 geta vænst þess að fá leiðréttingu á húsnæðisbótum vegna ofgreiðslna eða vangreiðslna. Þetta er á meðal niðurstaðna árlegs endurútreiknings HMS á húsnæðisbótum í tengslum við lokauppgjör þeirra.

Um 11 millj­arð­ar til 23 þús­und heim­ila

HMS framkvæmir árlega endurreikning og uppgjör á húsnæðisbótum síðastliðins árs þegar álagning skattyfirvalda liggur fyrir. Í kjölfarið leiðréttir stofnunin húsnæðisbætur þeirra bótaþega sem hafa fengið ýmist of- eða vangreiddar bætur. Alls greiddi stofnunin 11 milljarða króna í húsnæðisbætur árið 2025 til um 23 þúsund heimila.

Fyrstu tölur benda til þess að leiðrétta þurfi húsnæðisbætur meirihluta bótaþega

Lokauppgjör húsnæðisbóta fyrir árið 2025 verður birt bótaþegum á næstu vikum, þar sem húsnæðisbætur verða leiðréttar ef þær hafa verið of- eða vangreiddar. Fyrstu tölur benda til þess að 54,5 prósent bótaþega muni fá leiðréttingu á húsnæðisbótum vegna þessa.

Myndin hér að ofan sýnir frumniðurstöður lokauppgjörsins eftir því hvort bótaþegar hafi fengið of- eða vangreiddar bætur eða hvort ekki sé þörf á leiðréttingu. Líkt og myndin sýnir benda fyrstu niðurstöður til þess að 27 prósent bótaþega hafi fengið vangreiddar bætur og 27 prósent þeirra hafi fengið ofgreiddar bætur.

Hlutfall fjárhæða fer eftir hve háar skuldir og inneignir eru miðað við heildargreiðsluna á árinu. Niðurstöður uppgjörsins sýna fram á að 6 prósent af heildargreiðslu húsnæðisbóta ársins 2025 hafi annað hvort verið of- eða vangreiddar. Nánari skoðun og leiðréttingar munu eiga sér stað fyrir lokauppgjör 2025, sem gæti leitt til breytinga á hlutföllum of- og vangreiðslna. Er því um að ræða fyrstu tölur og uppgjörið birt með þeim fyrirvara.

Flestar inneignir og skuldir eru innan við 100 þúsund krónur

Línuritin hér að neðan sýna gróflega hvernig ofgreiðslur og vangreiðslur skiptast eftir fjárhæðabilum. Eins og sést eru flestar skuldir undir 100 þúsund krónum eða tæp 83 prósent. Um 91 prósent inneigna eru jafnframt undir 100 þúsund krónum og um 75 prósent þeirra eru undir 50 þúsund krónum.

Algengustu ástæðurnar fyrir of- eða vangreiðslum húsnæðisbóta eru breytingar á tekjum og eignum bótaþega, sem eru jafnframt lykilforsendur við útreikning húsnæðisbóta. HMS áætlar húsnæðisbætur á grundvelli þeirra upplýsinga sem liggja fyrir hverju sinni og hefur reglubundið eftirlit með umsóknum til að staðfesta bótarétt. Sömuleiðis er HMS í reglubundnu sambandi við bótaþega sem bera ábyrgð á að veita réttar upplýsingar um sínar aðstæður.

Niðurstöður lokauppgjörsins undirstrika mikilvægi þess að hafa virkt eftirlit með umsóknum um húsnæðisbætur og tryggja að upplýsingar séu réttar þannig að húsnæðisstuðningurinn sé bæði réttmætur og áreiðanlegur.

Tilkynning um uppgjör birt á island.is 

Viðtakendur húsnæðisbóta munu fá senda tilkynningu í tölvupósti þegar lokauppgjör þeirra hefur verið birt á island.is. Nánari upplýsingar varðandi uppgjörið og húsnæðisbætur almennt má einnig nálgast á þjónustuvef HMS á island.is.

Lokauppgjör húsnæðisbóta 2025 verður birt á næstu vikum

Fasteignamat á Íslandi lækkar að raunvirði á milli ára

Minni verðþrýstingur á fasteignamarkaði veldur því að fasteignamatið hækkar töluvert minna en það hefur gert á síðustu árum

Hægt er að skoða fasteignamat sérhverrar fasteignar á heimasíðu HMS

HMS hefur nú birt nýtt fasteignamat fyrir árið 2027, en stofnunin reiknar það árlega og birtir um mitt ár. Hægt er að fletta upp fasteignamati einstakra fasteigna með því að smella á hnappinn hér að neðan, en tölfræði að baki fasteignamatinu má finna í gögnum og mælaborðum fasteignaskrár hjá HMS.

Leitarvél fyrir fasteignamat einstakra fasteigna

Heildarmat fasteigna fyrir árið 2027 nemur 17,8 billjónum króna og hækkar um 2,1 prósent á milli ára. Fasteignamat íbúðareigna hækkar um 1,2 prósent á milli ára, en fasteignamat atvinnueigna hækkar um 4,8 prósent. Fasteignamat sumarhúsa hækkar um 4,7 prósent á milli ára.

Fasteignamat íbúðarhúsnæðis lækkar um 3,8 prósent að raunvirði

Fasteignamat íbúða lækkar að raunvirði á milli ára, þar sem það hækkar minna en almennt verðlag. HMS hefur áður fjallað um kólnun á fasteignamarkaði á síðustu misserum, en samhliða henni hefur fasteignaverð ekki haldið í við verðbólgu.

Á mynd hér að neðan má sjá hvernig fasteignamat íbúða hefur breyst samanborið við vísitölu íbúðaverðs. Líkt og myndin sýnir fylgja breytingar fasteignamats breytingum vísitölu íbúðaverðs eins og við er að búast.

Ef litið er til breytinga fasteignamats íbúðareigna eftir landshlutum er mest hækkun á Vestfjörðum, þar sem hún nemur 4,6 prósentum á milli ára. Á höfuðborgarsvæðinu nemur hækkunin 1,0 prósenti á milli ára. Þar er hækkunin drifin áfram af sérbýlum, en fasteignamat fjölbýla á höfuðborgarsvæðinu stendur nánast í stað á milli ára.

Fasteignamat atvinnueigna hefur sveiflast minna en fasteignamat íbúðareigna

Fasteignamat atvinnueigna hækkar um 4,8 prósent á milli ára. Hækkunin er nokkuð meiri en hjá íbúðareignum, en þó minni en almennt verðlag á sama tíma. Á mynd hér að neðan má sjá hvernig fasteignamat atvinnueigna hefur hækkað samanborið við fasteignamat íbúðareigna, en líkt og sést hefur hækkunin hjá atvinnueignum verið stöðugri á síðustu sex árum.

Fasteignamat á iðnaðarhúsnæði hækkar mest, en hækkunin þar nemur 5,5 prósentum á milli ára. Hækkunin hjá öðrum flokkum atvinnueigna á milli ára er nær 4 prósentum.

HMS greindi frá því á síðasta ári að matsaðferðir fyrir atvinnueignir séu til endurskoðunar. HMS hefur þróað drög að nýjum matsaðferðum í samráði við hagaðila og stefnir á að kynna þau síðar á þessu ári.

Eftirspurn eftir sumarhúsum heldur uppi fasteignamati

Fasteignamat sumarhúsa hækkar um 4,7 prósent á milli ára og hækkar því með álíka hætti og fasteignamat atvinnueigna. Bæði sumarhús og atvinnueignir eru nær því að halda í við verðbólgu heldur en fasteignamat íbúðarhúsnæðis.

Fasteignamat sumarhúsa hefur hækkað töluvert á síðustu árum, vegna mikillar verðhækkunar á seldum sumarhúsum. Gera má ráð fyrir því að verðhækkunin sé vegna mikillar eftirspurnaraukningar miðað við framboð. Líkt og sjá má á mynd hér að neðan hefur fasteignamatið hækkað samhliða því að færri sumarhús eru til fyrir hvern íbúa.

Hægt er að nálgast tölfræði um fjölda íbúða og sumarhúsa frá árinu 2005 undir gögnum og mælaborðum á heimasíðu HMS.

Fasteignamat í Grindavík verður kynnt síðar í júní

Vegna óvissu um framtíðarhorfur og nýtingu eigna í Grindavík liggur fyrir ákvörðun ríkisstjórnar um að leggja fyrir Alþingi frumvarp um að halda fasteignamati í Grindavík óbreyttu á milli ára. Þegar niðurstaða þingsins liggur fyrir mun HMS birta nýtt mat á fasteignum í sveitarfélaginu.

Fasteignamat er metið markaðsvirði fasteigna. HMS reiknar fasteignamat fyrir sérhverja fasteign á Íslandi á hverju ári, samkvæmt lögum um skráningu, merki og mat fasteigna.

Fasteignamat hvers árs miðar við áætlað markaðsvirði í febrúar árið áður. Þannig á fasteignamat 2027 að endurspegla markaðsvirði fasteignar í febrúar á árinu 2026, samkvæmt matsaðferðum HMS.

Frekari upplýsingar um útreikning fasteignamats má finna í fasteignamatsskýrslum HMS. Hægt er að nálgast fasteignamatsskýrslur síðustu ára með því að smella hér. Fasteignamatsskýrsla fyrir árið 2027 er væntanleg í haust.

Fasteignamat 2027 hækkar um 2,1 prósent á milli ára

Fasteignaskrá HMS verður óaðgengileg frá kl. 17 á föstudag til kl. 13 á sunnudag vegna uppfærslu á gagnagrunnum

Ýmis kerfi og þjónustur verða einnig óaðgengilegar á meðan á uppfærslu stendur

Truflanir verða á vefþjónustum fasteignaskrár og kerfum sem nýta gögn úr henni auk þess sem sumar upplýsingar verða óaðgengilegar á Ísland.is

Uppfærsla á gagnagrunnum fasteignaskrár fer fram helgina 5.– 7. júní. Á meðan á uppfærslu stendur verður grunnurinn óaðgengilegur sem mun hafa áhrif á ýmis kerfi og þjónustur.

Gert er ráð fyrir að vinna við uppfærsluna hefjist um kl. 17:00 á föstudaginn og verði lokið um kl. 13:00 á sunnudaginn.

Meðal þeirra kerfa sem verða óaðgengileg eru

Skráningarkerfi byggingarfulltrúa (Bygging)

Upplýsingar um leigusamninga og húsnæðisbætur á Mínum síðum HMS

Auk þess verður ekki hægt að nálgast upplýsingar um fasteignir, þinglýst skjöl og vottorð frá sýslumanni á mínum síðum á Ísland.is 

Fasteignaskrá lokuð vegna kerfisuppfærslu 5-7 júní

Fasteignaskrá lokuð vegna kerfisuppfærslu 5-7 júní

Póstlisti HMS

Útgáfuáætlun

Póstlisti HMS

Útgáfuáætlun

Fleiri fréttir

Tæplega þrír af hverjum tíu einstæðum foreldrum fengu húsnæðisbætur í maí

Álit HMS um umhverfismat Sundabrautar hefur verið gefið út

Lokauppgjör húsnæðisbóta 2025 verður birt á næstu vikum

Fasteignamat 2027 hækkar um 2,1 prósent á milli ára

Fleiri fréttir

Tæplega þrír af hverjum tíu einstæðum foreldrum fengu húsnæðisbætur í maí

Álit HMS um umhverfismat Sundabrautar hefur verið gefið út

Lokauppgjör húsnæðisbóta 2025 verður birt á næstu vikum

Fasteignamat 2027 hækkar um 2,1 prósent á milli ára