Alls var 71 ný lóð staðfest í fasteignaskrá HMS í maímánuði 2025 og fækkar þeim um rúmlega hundrað á milli mánaða. Flestar lóðir voru íbúðarhúsalóðir eða alls 38 talsins. Auk þess voru skráðar 15 sumarhúsalóðir og 15 atvinnuhúsalóðir. Aðrar tegundir lóða voru þrjár talsins.

Myndin hér að ofan sýnir mánaðarlegar tölur um fjölda nýskráðra lóða eftir öllum flokkum. Lóðir skráðar sem annað land eða einfaldlega lóð voru 3 talsins í maí, en líklegt er að þessar lóðir breyti um gerð þegar fram líða stundir og verði skráðar sem atvinnu-, sumarhúsa- eða íbúðarlóðir.

Flest­ar lóð­ir stað­fest­ar í Kjós­ar­hreppi

Flestar lóðir voru skráðar í Kjósarhreppi, þar sem 19 lóðir bættust við, þar af voru 18 fyrir íbúðarhús. Í Garðabæ voru skráðar 13 nýjar lóðir, allar fyrir íbúðarhús. Þessi tvö sveitarfélög voru því áberandi í uppbyggingu íbúðarhúsnæðis í mánuðinum.

Í Bláskógabyggð voru skráðar 9 nýjar lóðir fyrir frístundahús. Atvinnuhúsalóðir voru flestar í Sveitarfélaginu Ölfusi, alls sex, og fjórar í Sveitarfélaginu Árborg.