Í nóvember voru 36 nýjar lóðir um allt land staðfestar í Fasteignaskrá HMS og fækkar þeim um 129 frá því í október. Flestar lóðir voru íbúðarhúsalóðir eða alls 20 talsins, en slíkum lóðum fækkar á milli mánaða eða um 50 talsins. Auk þess voru skráðar 5 sumarhúsalóðir og 9 atvinnuhúsalóðir eða aðrar lóðir.

Fjöldi ný­­skráðra lóða um allt land eft­­ir mán­uð­um og flokk­um

Myndin hér að ofan sýnir mánaðarlegar tölur um fjölda nýskráðra lóða eftir öllum flokkum. Lóðir skráðar sem annað land eða einfaldlega lóð voru 6 talsins í nóvember, en líklegast er að þessar lóðir breyti um gerð þegar fram líða stundir og verði þá skráðar sem atvinnu-, sumarhúsa- eða íbúðarlóðir.

Flestar nýjar lóðir voru staðfestar í Múlaþingi eða níu talsins, þar af átta íbúðarhúsalóðir við Unulæk. Bláskógabyggð var með næstflestar íbúðahúsalóðir eða sjö í nýju hverfi í Reykholti.