7. maí 2025
17. desember 2020
Eldklár jólaráð
Útgáfuáætlun
Hér má sjá útgáfuáætlun HMS
Nú er aðventan gengin í garð og mikið um að vera í aðdraganda jólanna. Til þess að við eigum öll gleðileg jól eru hér fimm eldklár jólaráð sem við hvetjum ykkur til að hafa sérstaklega í huga yfir hátíðarnar.
Nú er aðventan gengin í garð og mikið um að vera í aðdraganda jólanna. Til þess að við eigum öll gleðileg jól eru hér fimm eldklár jólaráð sem við hvetjum ykkur til að hafa sérstaklega í huga yfir hátíðarnar.
Kerti & aðventukransar
Hugum einstaklega vel að kertum og kertaskreytingum um þessar mundir. Aðventukransar og annað jólaskraut geta verið góður eldsmatur og algengt er að kvikni í þeim á þessum tíma árs.
- Gætið vel að undirlaginu, t.d. að eldur komist ekki í greinar og annað efni sem algengt er að notað sé í skraut.
- Auðveldlega getur kviknað í skrauti sem sett eða límt er á kerti.
- Nauðsynlegt er að hafa reykskynjara í því rými sem kveikt er á kertum. Í raun mælumst við til að hafa reykskynjara í öllum rýmum heimilisins.
Arineldur & kerti
- Farið aldrei frá logandi kerti eða arineld þegar börn eða dýr eru nálægt, þau geta verið forvitin og brennt sig.
- Ef þú kveikir á kerti skalt þú ganga úr skugga um að slökkt verði á því líka.
Jólabaksturinn
Eldhúsið er vinsæll staður í kringum hátíðarnar. Mikið mæðir á eldavélinni, ofninum og hrærivélinni svo dæmi sé tekið. Önnur sortin á fætur annarri læðist úr ofninum, sósan fær að malla og sykurinn brúnaður fyrir kartöflurnar.
- Gætið þess að slökkva á öllum hellum að notkun lokinni
- Það er auðvelt að gleyma sér, pössum að smákökurnar brenni ekki við í ofninum eða sykurinn á pönnunni.
- Mikilvægt er að hafa eldvarnarteppi til taks í eldhúsinu, að það sé rétt staðsett og að búið sé að hengja það upp.
- Sömu sögu má segja um reykskynjara eldhússins, hafið hann á réttum stað og gangið úr skugga um að hann sé virkur og í góðu lagi.
Jólaseríur
Jólaseríur eru frábærar að mörgu leyti, en þær lýsa upp dimmasta skammdegi okkar Íslendinga og bæta lit og lífi við aðventuna.
- Gætið þess að rafmagnsljósaseríur séu ekki undir eða ofan á einhverju. Slíkt getur ýtt undir hitamyndum sem getur leitt til íkveikju.
- Köld ljós skapa minni hættu eins og t.d. díóðuljós sem bera kaldar perur sem ekki hitna.
- Gætið þess að ofhlaða ekki fjöltengi með mörgum mismunandi jólaseríum, en slíkt getur skapað of mikið rafmagnsálag sem getur leitt til eldhættu.
Raftæki
- Góð regla er að hafa raftæki ekki í sambandi nema þegar þau eru í notkun.
- Gætið þess að hlaða ekki of mörg raftæki samtímis
- Gangið úr skugga um að raftæki sem verið er að hlaða séu ekki upp í rúmi, ofan á teppi eða öðru sem getur ýtt undir hitamyndun. Slíkt getur skapað mikla eldhættu og leitt til íkveikju.
Höfum hina heilögu þrenningu í lagi á heimilinu, reykskynjara, eldvarnarteppi og slökkvitæki. Hér má fræðast meira um búnaðinn.
Útgáfuáætlun
Hér má sjá útgáfuáætlun HMS
