Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Skipulag

Stofnframlög

Umhverfismat

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

HMS annast markaðseftirlit með rafföngum á Íslandi. Stofnunin fylgist með rafföngum á markaði og tekur við ábendingum frá notendum og öðrum aðilum. Faggilt skoðunarstofa, BSI á Íslandi ehf, annast í umboði HMS, framkvæmd skoðana á rafföngum á markaði í samræmi við gildandi samning hverju sinni, verklagsreglur og skoðunarhandbók stofnunarinnar.

Á tímabilinu febrúar til apríl á þessu ári var farið í 73 heimsóknir til söluaðila raffanga, í þessum heimsóknum voru 2.070 rafföng „skimuð.“ Með skimun er átt við lauslega skoðun á sem flestum rafföngum á viðkomandi sölustað með það að markmiði að sigta út rafföng sem ekki uppfylla kröfur, m.a. með því að yfirfara merkingar, þ.m.t. CE-merkingar.

Af skimuðum rafföngum flokkuðust flest sem heimilistæki (1.215), lýsingarbúnaður (481) og raflagnabúnaður (643).

73 heimsóknir til söluaðila raffanga frá febrúar til apríl 2026

• Burður mun styðja íslenska hurðaframleiðendur við að senda hurðir í brunaprófanir erlendis

• Brunaprófanir hjá faggiltum prófunarstofum eru lykilforsenda fyrir öryggi og áreiðanleika byggingarvara

• Burður sér m.a. um flutning hurða til Danmerkur og tryggja aðgengi að prófunum hjá DBI

Eins og fram kom í frétt HMS í mars sl. mun Burður, nýr samstarfsvettvangur um rannsóknir og prófanir í mannvirkjagerð, styðja við íslenska hurðaframleiðendur við að senda hurðir í brunaprófanir til tilkynnts aðila erlendis, þar sem slíkur aðili er ekki starfandi hér á landi.

Mikilvægt er að byggingarvörur sæti prófunum hjá faggiltum prófunarstofum. Slíkar prófanir eru forsenda þess að hægt sé að treysta vörunum, bæði hvað varðar öryggi og að þær hafi raunverulega þá eiginleika sem framleiðandi þeirra gefur upp.

Burður hefur nú þegar hafið samtal við DBI (Danish Institute of Fire and Security) og mun stuðningur við íslenska framleiðendur m.a. felast í því að Burður:

hafi umsjón með flutningi á hurðum frá hópi íslenskra framleiðenda frá Íslandi til Danmerkur,

tryggi aðgengi að brunaprófunum hjá DBI,

tengi saman íslenska framleiðendur við ráðgjafa DBI eftir þörfum.

Athygli er vakin á því að framleiðendur bera sjálfir kostnað af prófunum á sínum vörum.

Framleiðendur brunahólfandi hurða sem vilja nýta sér stuðning Burðar við að koma hurðum í brunaprófanir erlendis eru hvattir til að senda póst á burdur@hms.is.

Eignamörk húsnæðisbóta hafa hækkað í áföngum frá 2017

Flest heimili sem þiggja húsnæðisbætur eiga litlar eignir en 91% þeirra hefðu ekki orðið fyrir bótaskerðingu vegna eigna þrátt fyrir að eignamörk hefðu verið óbreytt frá 2017

HMS greiddi 992 milljónir í húsnæðisstuðning í apríl

Langflest heimili sem þiggja húsnæðisbætur eiga litlar eða engar eignir. Hækkun skerðingarmarka húsnæðisbóta vegna eigna hefur því haft takmörkuð bein áhrif á greiðslu húsnæðisbóta. Þetta er meðal þess sem kemur fram í greiningu HMS á greiðslum húsnæðisbóta í apríl 2026.

Skerðingarmörk húsnæðisbóta vegna eigna hafa rúmlega tvöfaldast frá 2017

Skerðingarmörk húsnæðisbóta vegna eigna hafa hækkað verulega undanfarin ár. Árið 2017 voru neðri mörk 6,5 milljónir króna og efri mörk 10,4 milljónir króna, en hafa síðan þá hækkað í áföngum. Neðri mörkin  eru nú 13,9 milljónir króna og efri mörkin 22,2 milljónir króna. Í dag eru fá heimili sem þiggja húsnæðisbætur sem verða fyrir skerðingu vegna eigna.

Um 32% heimila sem þáðu húsnæðisbætur í apríl eiga engar eignir og um 67% þeirra voru með eignir undir neðri skerðingarmörkum eins og þau eru í dag.  Aðeins um 1,1% heimila sem þáðu húsnæðisbætur í apríl voru með eignir yfir þeim mörkum og urðu því fyrir skerðingu bóta vegna eigna. Ekkert heimili sem þáði húsnæðisbætur var hins vegar með eignir yfir 22,2 milljónum króna, enda myndu bæturnar þá skerðast að fullu.

Hækkun eignamarka hefur haft takmörkuð áhrif á greiðslur húsnæðisbóta

Hækkun eignamarka frá árinu 2017 virðist hafa haft áhrif á lítinn hluta heimila sem þáði húsnæðisbætur vegna leigu í apríl. Langflest þeirra, eða 91,4%, eiga eignir undir 6,5 milljónum króna og hefðu því ekki orðið fyrir bótaskerðingu vegna eigna þrátt fyrir að eignamörk hefðu haldist óbreytt frá 2017. Um 8,6% heimila sem þáðu húsnæðisbætur í apríl hefðu hins vegar fengið skertar bætur eða ekki átt rétt á bótum ef ekki hefði komið til hækkunar skerðingarmarka vegna eigna.

Gögnin benda jafnframt til þess að ávinningur af hækkun eignamarka komi fyrst og fremst fram sem minni bótaskerðing hjá heimilum með eignir á bilinu 6,5 til 13,9 milljónir króna, eða alls 5,5% heimila sem þáðu húsnæðisbætur í mánuðinum.  Um 3,1% heimila sem fengu greiddar húsnæðisbætur í apríl hefðu hins vegar ekki haft rétt á húsnæðisbótum árið 2017 þegar efri skerðingarmörk voru 10,4 milljónir króna.

Á myndinni hér að neðan má sjá að stærstur hluti heimila sem þiggur húsnæðisbætur leigir húsnæði sem er í einkaeigu, óháð eignastöðu. Á myndinni sést jafnframt að flest heimili sem þiggja húsnæðisbætur eru með eignir undir neðri skerðingarmörkum eins og þau voru árið 2017, óháð tegund leiguhúsnæðis.

Tæpur milljarður króna var greiddur í húsnæðisstuðning vegna leigu í apríl

Þann 30. apríl síðastliðinn greiddi HMS um 992 milljónir króna í húsnæðisstuðning til leigjenda vegna leigu í apríl. Greiðslurnar styðja við þúsundir heimila um land allt og miða að því að draga úr húsnæðiskostnaði tekju- og efnaminni leigjenda og auka húsnæðisöryggi þeirra.

Húsnæðisstuðningurinn skiptist í tvo meginflokka, annars vegar almennar húsnæðisbætur og hins vegar sérstakan húsnæðisstuðning sveitarfélaga.

Stærsti hluti greiðslna í apríl var vegna almennra húsnæðisbóta. HMS greiddi tæpar 959 milljónir króna til um 17.986 heimila í almennar húsnæðisbætur. Þetta samsvarar um þriðjungi af áætlaðri stærð leigumarkaðarins, en HMS áætlar að hann telji um 50 þúsund heimili.

Auk þess greiddi HMS sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Í apríl voru greiddar tæpar 33 milljónir króna til 1.064 heimila í Kópavogi og 83 heimila í Skagafirði. Sérstakur húsnæðisstuðningur er á vegum sveitarfélaganna og er honum ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna.

Hækkun eignamarka nýtist fáum heimilum sem þiggja húsnæðisbætur

Ný brunavarnaáætlun Brunavarna Suðurnesja hefur verið samþykkt og gildir næstu fimm árin

Áætlunin byggir á áhættumati starfssvæðisins og styður við öryggi íbúa, eigna og innviða

Starfsmenn Brunavarna Suðurnesja fengu viðurkenningar fyrir árangur í slökkviliðs- og sjúkraflutninganámi

Aðalfundur Brunavarna Suðurnesja (BS) var haldinn fimmtudaginn 30. apríl í Reykjanesbæ. Að fundi loknum var ný brunavarnaáætlun BS undirrituð.

Nýja áætlunin tekur við af eldri áætlun sem var í gildi til lok árs 2025, sú nýja gildir í fimm ár. Hún er samþykkt af HMS, stjórn BS og sveitarfélögum á starfssvæði slökkviliðsins. Markmið brunavarnaáætlunar er samkvæmt lögum um brunavarnir að tryggja að slökkvilið sé mannað, skipulagt, útbúið tækjum, menntað og þjálfað til að ráða við þau verkefni sem því er falið. Áætlunin byggir á áhættumati starfssvæðisins, sem ræður stærð og skipulagi slökkviliðsins og er grundvöllur að forgangsröðun aðgerða, fjármagns og eykur öryggi íbúa svæðisins.

Eyþór Rúnar Þórarinsson, slökkviliðsstjóri BS segir að brunavarnaáætlun sé eitt mikilvægasta stjórntæki slökkviliðs og sveitarfélaga þegar kemur að öryggi íbúa, eigna og umhverfis. Með gerð hennar fáist heildstæð mynd af raunstöðu slökkviliðsins, bæði hvað varðar búnað, mannafla og viðbragðsgetu gagnvart þeim áhættum sem eru til staðar í viðkomandi sveitarfélagi: ,,Áætlunin er ekki einungis stöðumat, heldur einnig skýr framtíðarsýn. Með markvissri framkvæmdaráætlun er sett fram stefna um hvert skuli stefna og hvaða þróun sé æskileg næstu 5 árin, til að tryggja að slökkviliðið sé í stakk búið til að mæta breyttum aðstæðum og auknum kröfum samfélagsins. Undirrituð brunavarnaáætlun hefur einnig mikið vægi fyrir sveitarfélögin sjálf. Hún veitir þeim skýra innsýn í getu slökkviliðsins og er mikilvægt verkfæri í skipulagsmálum, uppbyggingu innviða og stefnumótun til framtíðar. Með henni er hægt að samræma væntingar, forgangsraða fjárfestingum og styrkja heildaröryggi samfélagsins.Eldavarnareftirlit er jafnframt lykilþáttur í brunavörnum. Virkt og faglegt eftirlit dregur úr líkum á eldsvoðum, eykur meðvitund og ábyrgð rekstraraðila og tryggir að mannvirki uppfylli kröfur um brunavarnir. Geta slökkviliðsins til að sinna þessu eftirliti hefur því bein áhrif á forvarnir og öryggi íbúa. Í heild sinni er brunavarnaáætlun því bæði verkfæri til að meta stöðuna í dag og leiðarvísir að öruggara samfélagi til framtíðar“.

Viðurkenningar veittar fyrir nám slökkviliðs- og sjúkraflutningamanna

BS veitti jafnframt starfsmönnum sínum viðurkenningar sem höfðu nýverið lokið áföngum í slökkviliðs- og sjúkraflutninganámi. Eftirtaldir aðilar fengu viðurkenningu:

Framhaldsnám í slökkviliðsfræðum: Ólöf Edda Eðvarðsdóttir, Sara Mjöll Sigurðardóttir. Helga Kristín Guðmundsdóttir og Jón Kristinn Pétursson

Köfunarflokkur: Gunnlaugur Helgi Friðbjörnsson, Ari Gauti Arinbjörnsson og Sverrir Þór Freysson

Bráðatæknanám: Jóhanna Jóhannesdóttir og Stefán Freyr Thordersen

Framhaldsmenntun í sjúkraflutningum:  Sara Mjöll Sigurðardóttir, Jón Kristinn Pétursson og Sverrir Þór Freysson

HMS óskar starfsmönnunum innilega til hamingju með viðurkenningarnar og Brunavörnum Suðurnesja og íbúum sveitarfélaganna til hamingju með nýja brunavarnaáætlun.

Ný brunavarnaáætlun Brunavarna Suðurnesja

Akraneskaupstaður bætist í hóp sveitarfélaga sem hafa tekið í notkun nýtt viðmót byggingarleyfa

Sveitarfélög sem innihalda 50,3% íbúða á landinu eru tengd viðmótinu

Viðmótið stuðlar að betri yfirsýn yfir stöðu uppbyggingar á Íslandi

Akraneskaupstaður hefur tekið í notkun nýtt og notendavænt umsóknarviðmót byggingarleyfa í samstarfi við HMS. Þar með eru sveitarfélögin orðin 20 sem hafa tengst viðmótinu.

Viðmótið, sem er aðgengilegt á byggingarleyfi.hms.is, einfaldar og samræmir ferlið við umsókn og útgáfu byggingarleyfa. Nú eru sveitarfélög sem innihalda um 50,3% íbúða á landinu tengdar við kerfið, sem veitir betri yfirsýn yfir stöðu uppbyggingar á Íslandi og stuðlar að vandaðri mannvirkjagerð til framtíðar.

Byggingarleyfi á Íslandi allt á einum stað

Akraneskaupstaður tekur í notkun nýtt viðmót byggingarleyfa

Akraneskaupstaður tekur í notkun nýtt viðmót byggingarleyfa

Póstlisti HMS

Útgáfuáætlun

Kynntu þér allt um nýja viðmótið

Póstlisti HMS

Útgáfuáætlun

Fleiri fréttir

73 heimsóknir til söluaðila raffanga frá febrúar til apríl 2026

Prófanir brunahólfandi hurða

Hækkun eignamarka nýtist fáum heimilum sem þiggja húsnæðisbætur

Ný brunavarnaáætlun Brunavarna Suðurnesja

Fleiri fréttir

73 heimsóknir til söluaðila raffanga frá febrúar til apríl 2026

Prófanir brunahólfandi hurða

Hækkun eignamarka nýtist fáum heimilum sem þiggja húsnæðisbætur

Ný brunavarnaáætlun Brunavarna Suðurnesja