Fræðsla og forvarnir
Fræðsla og forvarnir
Fræðsla og forvarnir
Fræðsla og forvarnir
Rafhlöður
Rafhlöður
Rafbíll er með margskonar stýringu á rafhlöðu bílsins til að tryggja endingu hennar og virkni. Það fer betur með endingu Li-ion rafhlaða, sem eru í flestum rafbílum, að hlaða þær ekki að fullu (100%) á hverjum degi. Almennt ætti ekki að vera þörf á að hleðslubúnaður einstaklinga miðist við að hægt sé að hlaða bílinn að fullu yfir nótt. Notendur gætu þó viljað hafa þann möguleika til staðar vegna aukinnar notkunar. Það hægist á hleðslu rafhlaða þegar þær eru komnar upp í 80-90% af fullri hleðslu.
Rafhlöður geyma rafmagn með jafnstraumi (DC). Venjulegt húsarafmagn er hins vegar með riðstraumi (AC) og því þarf straumbreyti sem er í bílnum til að breyta yfir í jafnstraum rafhlöðunnar.
Hraðhleðslustöðvar hlaða með jafnstraumi (DC) beint inn á rafhlöðu bílsins.
Nokkrir punktar um hleðslu rafbíla:
- Hleðslutími fer eftir hleðslugetu bílsins annars vegar og hleðslugetu tengipunktar (hleðslustöðvar) hins vegar, hvort sem er meira takmarkandi.
- Í nýrri bílum með rafhlöður sem eru 40kWh eða stærri þarf venjulega ekki að hlaða rafhlöðuna að fullu (100%) til að anna notkun dagsins. Nægjanlegt ætti að vera að hlaða slíka rafhlöðu að fullu tvisvar til þrisvar í viku.
- Með 7kW hleðslugetu tengipunktar (hleðslustöðvar) tekur um 9 tíma að hlaða að fullu rafmagnsbíl með 60kWh rafhlöðu. Það er því hægt að fullhlaða slíkan bíl (0-100%) yfir nótt.
- Með hraðhleðslu er hægt að fá 150km drægni á 30 mínútum.